هل فى ضرر لو شلنا ثرموستات الكوعة لان ناس كتير بتقول انها ملهاش لازمة فى مصر
ولو اتشالت لمبة الاتشيك تنور ولا لأ العربية فيكترا سى
عرض للطباعة
هل فى ضرر لو شلنا ثرموستات الكوعة لان ناس كتير بتقول انها ملهاش لازمة فى مصر
ولو اتشالت لمبة الاتشيك تنور ولا لأ العربية فيكترا سى
لأا ليها لازمه طبعا واللي بيعمل كدا اعرف انه بيحب يفتي
هو مش احسن من الخواجه الالماني اللي اخترع العربيه عشان يعدل عليه
احسن حاجه وضع الفابريكه اللي العربيه نازله بيه
لو بايظ غيرة بس ماتشيلهوش
هى هامه جدا جدا جدا لانها بتحافظ على درجه الحراره المثلى للموتور بالتحكم فى فتح وغلق مجرى ماء التبريد ..
ازاى اعرف انها بايظة
اللى أعرفه عن ثرموثتات الكوعة إنه لما بتشغل العربية وتبقى باردة الثرموستات بيمنع دخول المياه لحد ما العربية تسخن يروح فاتح لدخول المياه وبداية دورة التبريد من غير الثرموثتات بقى المياه هتدخل على طول سواء العربية باردة أو سخنة ودا بيخلى العربية تاخد وقت أكبر لوصول المحرك للأداء الطبيعى يبقى أكيد ليه لازمة بس فيه ناس كتيرة بتشيله عشان بيبوظ والله أعلم بيعمل تسريب للمياه
لو بايظة ممكن مياه التبريد تنقص ودا هتلاحظه من قربة المياه الكلام دا فى العربيات اللى فيها دورة المياه مغلقة والله أعلم
ماتشيلهاش لان عدم وجودها ي ضرر علي وش السلندر نتيجه تعرضه لحراره عاليه وبروده مطلقه انما هي بتنظم حراره الموتور علي درجه التشغيل الطبيعيه
-لو شيلتها لمبه التشيك مش هتنور لانها جزء يعتبر ميكانيكي مش كهربي
-عاوز تعرف الترموستات شغال ولا لا؟ الصبح بص في قربه الميه وانت بتزود بنزين بايدك ,لو لقيت ي ميه بتيجي من الخرطوم الرفيع اللي جاي من الرادياتير وتصب جوه القربه تبقي مفتوحه(مش شغاله) او لاحظ وانت داخل الكابينه الطبيعي ان امبير الحراره يعلي ببطيء لغايه 82د (في موديلات البي) وبعد كده بتلاقيه يعلي بسرعه نتيجه ان الترموستات بيفتح لغايه مالمروحه تشتغل
أكيد في ضرر لان الموتور محتاج درجة حرارة معينة عشان يؤدي عمله بكفاءة. موضوع تعرف ازاي ان الثرموستات بايظ ولا لاء حضرتك تتابع الحرارة اول اليوم والعربية باردة تشوف مؤشر الحرارة بيتأخر لغاية ميوصل لمكانة الطبيعي بعد النصف بمسافة صغيرة جدًا ولا لا. وممكن تلاحظ اذا كان المؤشر بينزل شوية لما تكون مشغل التكييف بالليل والعربية واقفة ولا لا. الطبيعي ان المؤشر بعد تسخين العربية بيكون شبه ثابت بعد النصف بمسافة صغيرة جدًا. ارجو ان اكون افدت حضرتك
والله انا شايلة عندى والعربية زى الفل بالنسبة لحرارة عمرها ماعلت عن88 ده وجوده هو اللى يجيب وش سلند فى الحر لانة بيبوظ ومشاكلة كتير وبيعلق ويخلى العربية تسخن وتلف حوالين نفسك بسبب الحر اللى الصيف
واذا كان على تسخين الموتور الصبح ياعم سخن العربية لحد ما المروحة تشتغل وخلاص وارحم نفسك من شخونة الموتور لاء الترموستات علق لاء ده جابت وش سلندر علشان الترموستات علق وانا ماشى قفل ما فا تحش وليه وجع الماغ ده ده شوية الحر دول يسخنو اجدع عربية وخاصتا الاوبل لان درجة موتورها حرارتة عالية