الموضوع: مشاكل معايا في السيراتو قبل 10.000 ارجو الرد

المشاركة الأصلية كتبت بواسطة desuki

بسم الله الرحمن الرحيم

انا معايا سيراتو 2012 sx وكيل . جنط 16 وانا عامل 5000 كيلو وعندي مشاكل كتيرة ارجو من اهل الخبرة الرد عليا فيها

1- عندي سحب البنزين عالي جدا . لسة من يومين مفول بعد ما فولت لقيت البنزين بيقل اوي مع اني مش بحرق خالص ببص على الاستهلاك لقيته 33.6 وفضل يوم كده ونزل ل 30 ودلوقتي 26.8

33.6L/100KM !!!! ولا قصد حضرتك ايه ؟ المفروض بيكون 10L/100KM و جوة البلد بالتكييف بيكون بالكتير 13L/100KM

2- عندي الفتيس لما بجيبه على P العربية بتنط بيا لي قدام و بعض الاحيان لما العربية بتكون على P واجيبها على R الفتيس بيكون تقيل وبحسه هيتكسر معا اني بكون ضارب فرامل .

هو اللوك بتاع الفتيس ال6 سرعات ناشف بطبيعته و بتحس بضقره لما تحركه من الP لل R ده عادى و بعد فتره هتلاقى تكه كده بتظهر لما بتدوس فرامل بتظهر من عند الفتيس برضه بسبب اللوك عشان البلاستيك بيخبط فى البلاستيك فى التوكيل بيفكوه و يشحموه لكن مع حر الصيف ده الشحم بينشف الحل ان بيطحط قطعه سفنج صغيرة بين المطرقة بتاعت اللوك و الجزء البلاستيك اللى بيريح عليه

3- العربية بيركب معايا 4 والعربية بسمع منها اصوات من ورا المساعدين او الكوتش بيخبط في في الرفرف و بحس ان مفيش مساعدين . العربية بيحصل كده في اي مطب هوا واهبل من كده

عادى فى فترة التليين صوت تزيقه مع حمل على الكنبه هيختفى انشاء الله هيروح بعد 15ألف او 20ألف

4- ال lock اللي في الباب اللي ورا علق ومش بيقفل مع السنتر لازم اقفله مانوال ب ايدي

روح التوكيل هيفك فرش الباب و يظبطلك القفل

انا كلمت التوكيل وقلتلهم على المشكله وسجلوها وعندي حجز يوم الاربعاء في التوكيل فا يارت استفيد منكم واعمل ايه

انشاء الله خير :)
جزاكم الله كل خير

اولا احب اشكر الاستاذ احمد والاستاذ تيمو على الرد وبجد اطمنت بعد كلمكم بس بالنسبة لمشكلة البنزين فهي بتعمل 33.6 l/100 km
وهي اكلت نص التانك في حوالي 120 كيلو . انا اول ما جبت العربية وكنت بفول كان بقول ان البنزين هيكفيني 560 km دلوقتي. 420 km . وهل مثلا افولها مره في الشهر بنزين 95 ولا مالهاش دعوة؟

شكرا تاني لي الرد عليا وربنا يجزبكم خير

المشاركة الأصلية كتبت بواسطة desuki

اولا احب اشكر الاستاذ احمد والاستاذ تيمو على الرد وبجد اطمنت بعد كلمكم بس بالنسبة لمشكلة البنزين فهي بتعمل 33.6 l/100 km

الرقم ده كبير اوىىىىى , جرب غير البوجيهات الأول و شوف
وهي اكلت نص التانك في حوالي 120 كيلو . انا اول ما جبت العربية وكنت بفول كان بقول ان البنزين هيكفيني 560 km دلوقتي. 420 km . وهل مثلا افولها مره في الشهر بنزين 95 ولا مالهاش دعوة؟

[COLOR="rgb(65, 105, 225)"]95 ملوش دعوة بالإستهلاك البنزينة المهم انها تكون نضيفة زى وطنية و إمارات و موبيل [/COLOR]

شكرا تاني لي الرد عليا وربنا يجزبكم خير

ال 95 و ال 92 مش هيفرقوا فى الإستهلاك فى حاجة

المشاركة الأصلية كتبت بواسطة ahmed1718

مين قال لحضرتك كده ؟

اقولك جرب حط لعربية مثلا زى الشاهين او اللادا او اى عربية بيتحطلها 80 عادى
وحطلها 92 او 95 وشوف الاستهلاك اتغير الزاى وابقى قولى

كلامك صح بالنسبة للعربيات القديمة , القصة كلها بتعتمد على نسبة إنضغاط المحرك , فى العربيات القديمة نتيجة التاكل فى جسم المحرك نسبة الإنضغاط طبيعى تقل فممكن تقبل بنزين أوكتان قليل زى ال80 لكن فى العربيات الجديدة بتكون نسبة الإنضغاط تقريبا فى حدود ال 9 أو ال9.1 يعنى أقل نسبة أوكتان بتكون 92 فلو حطيط 95 يبقى انت بترمى فلوسك فى الأرض الفايدة الوحيدة ان البنزين بيكون انضف و أقل فى الشوائب بس لكن مش هيأثر فى سحب الموتور هيأثر فى صوت المحرك بس , ال95 ينفع فى عربية نسبة انضغاط المحرك فيها فوق ال9.2 زى الباسات مثلا لو حطيط فيها 92 تكركر عشان المفروض تحطلها 95