عاوز احجز نيسان صنى الجديدة

**bayoumisoft** · 03-08-2012 04:36 PM

يا شباب عاوز احجز نيسان صنى الجديدة ودى اول مرة لية انى اشترى عربية

ممكن حد يرد عليا فى استفساراتى دى:
1- سعر العربية الاوتوماتيك كام؟
2- تكلفة ترخيص العربية فى المرور لو سنة او 3 سنين؟
3- احسن مكان (مضمون) احجز منة العربية؟
4- قيمة الحجز قد اية؟
5- الاستلام بعد كام يوم؟
6- الالوان المتاحة اية؟ واية افضل الالوان من وجهة نظركم (انا عارف ان دى وجهة نظر وتختلف من شخص لشخص ) بس بردة عاوز اعرف رايكم؟
7- انا برضة سمعت ان التبلوة فية كذا لون (هما اية ) واية افضلهم؟
8- لما استلم العربية اخد بالى من اية لما استلمها ؟
9- يا ترى اية مميزات العربية ؟
10- يا ترى اية عيوب العربية ؟

معلش الاسئلة كتير . بس انا عارف ان الناس مش ها تبخل عليا بالرد على استفساراتى

وشكرا جزيلا

**kliken** · 03-08-2012 05:50 PM

الموضوع ده مجمع فيه كل ما يخص الصنى الجديدة
[URL="http://www.nilemotors.net/Nile/302074-2013.html"]http://www.nilemotors.net/Nile/302074-2013.html[/URL]

**Ahmed_selmy** · 03-08-2012 05:54 PM

كل اسئلتك حتلاقى اجاباتها فى القسم هنا بس انت دور شويه لانك مش حتلاقى موضوع لامم الاسئله بتاعتك كلها على بعض, وعموما
1-سعر الاوتماتيك 100 الف جنيه
2- الاستلام اعتقد مش قبل شهر 11 ويمكن 12 علشان الضغط عليها كتير
3-افضل مكان تحجز منه السبع او اوتو ايجيبت , الحجز بمبلغ 1000 جنيه وصوره البطاقه لو حتدفع كاش لو قسط بقى دى قصه تانيه انا معرفهاش.

**kliken** · 03-08-2012 06:00 PM

http://www.nilemotors.net/Nile/302074-2013.html

**psycho404** · 04-08-2012 07:33 AM

ابعد عن أوتو ايجيبت. عشان انا طالع عيني معاهم و حاجة أخر قرف و مماطلة كأن الواحد بيشتري طماطم !!!

**bayoumisoft** · 04-08-2012 10:58 AM

المشاركة الأصلية كتبت بواسطة psycho404

ابعد عن أوتو ايجيبت. عشان انا طالع عيني معاهم و حاجة أخر قرف و مماطلة كأن الواحد بيشتري طماطم !!!

هو الاستلام بعد كام ؟؟

**bayoumisoft** · 04-08-2012 10:59 AM

لو هاجيب العربية من معرض, العربية سعرها هايزيد كام ؟

**bayoumisoft** · 04-08-2012 11:01 AM

- الالوان المتاحة اية؟ واية افضل الالوان من وجهة نظركم (انا عارف ان دى وجهة نظر وتختلف من شخص لشخص ) بس بردة عاوز اعرف رايكم؟
7- انا برضة سمعت ان التبلوة فية كذا لون (هما اية ) واية افضلهم؟
8- لما استلم العربية اخد بالى من اية لما استلمها ؟

**engamin** · 04-08-2012 01:47 PM

فى الاول الالوان دى مسالة ازواق بس انا اخدت اللون البرونزى الفرش الاسود والتابلوه بالتالى اسود لان حسيت ان درجة البيج مش اد كده زائد الاتساخ فيها بيظهر بسرعة وزى ما قولتك دى مسالة اذواق وبالنسب للون العربيه التانى الى كنت مختارة كان الرمادى .اى البرونزى او الرمادى كان اللونين اللى انا كنت مختارهم .

**Ahmed.TV** · 04-08-2012 03:00 PM

انا مع رائ اخوانى الاعضاء .. لازم تقراء فى القسم كويس .. حتلاقى كل استفساراتك فى كل الموضوعات المطروحة سواء المثبتة او المطروحة فى اول صفحتين او 3 صفحات الاولى

والقراءة حتفيدك .. لانك حتركز جدا .. وكمان زى ما حتفيدك .. حتفيد صاحب الموضوع اللى عامل الموضوع عشان الاعضاء الجدد يستفادوا واكيد حتدعيله .. وحتقدر مجهوده بدعوة على الاقل .. لانه تعب وقعد على النت وسخر مجهوده للافادة كل اللى بيستفسروا

موضوع الاسعار .. حاليا .. بتزيد .. ومحدش يقدر يقول سعر قاطع .. عشان كل معرض خاص .. وبيعلب فى الاسعار ..
وعلى العموم اللى اعرفه لغاية دلوقتى ان الاسعار مش زادت رسمى .. والاسعار زى ما هى

والعربية في منها لون برونزى وفى منها رمادى وفضى ودهبى واحمر واسود .. واختيار اللون .. دى مسائلة اذواق ولو اخدت راى الناس يبقا مش حتشترى ابدا وحتفضل محتار

وبالنسبة للاوتو ايجيبت وكمان اى موزع معتمد غيره من الموزعين الكبار .. كلهم عندهم حجوزات كبيرة لغاية شهر 11 .. وتقريبا عند كل واحد منهم حوالى اكتر من 500 عميل .. وفى ضغط وطلب .. من العملاء على العربية فى وقت واحد .. والمصنع ليه طاقة انتاجية .. وبتتوزع على كل الموزعين .. اللى بدورهم بيوزعوا على العملاء وعلى المعارض الخاصة وعلى مصر كلها .. فاعتقد لازم حيحصل مشاكل وضغط ..

وربنا يعين كل الحاجزين .. ومن رائى الناس لازم تصبر شوية ..

تحياتى