ساعدونى ياريس - بومة- تيدا هاتش باك - ماتركس

**remon_talaat** · 05-08-2012 12:34 PM

يا جماعة عايز اختار وحدة من دوول سعدونى
ياريس - بومة- تيدا هاتش باك - ماتركس

**S O P H O S** · 05-08-2012 04:14 PM

تيدا افضلهم من وجهة نظري
وبعدين تيجي الياريس و البومة ..
بالتوفيق ..

**Land_Cruiser** · 05-08-2012 06:10 PM

المشاركة الأصلية كتبت بواسطة s o p h o s

تيدا افضلهم من وجهة نظري
وبعدين تيجي الياريس و البومة ..
بالتوفيق ..

+111

**M.Alaa92** · 06-08-2012 07:31 AM

انت عاوز اية من العربية؟؟ اعادة بيع ولا قطع غيار و لامنتشرة و مهتم بالتوكيل ولا
و استخدامك عائلى ولا شااب عشاان نقدر نفيدك صح

**Ali_Abo_Amr** · 06-08-2012 10:38 AM

فعلا قولنا احتياجاتك من العربية وايه اللى انت منتظره منها

**kliken** · 07-08-2012 04:47 PM

تيدا

**toty_305** · 07-08-2012 06:15 PM

البوما احسن من التيدا و التيدا مش ثايته زي الانسر و الانسر أسهل في بيع شراء صيانه و أنا عن نفسي مش بارتاح نفسيا للتيدا الكل بيقول حلوه بس مش منشره

**S O P H O S** · 07-08-2012 06:51 PM

المشاركة الأصلية كتبت بواسطة toty_305

البوما احسن من التيدا و التيدا مش ثايته زي الانسر و الانسر أسهل في بيع شراء صيانه و أنا عن نفسي مش بارتاح نفسيا للتيدا الكل بيقول حلوه بس مش منشره

يا باشا التيدا ثباتها بيقل بعد 140 وهي مرضية جدا
لا اعتقد ان البومة افضل من التيدا كراي شخصي فقط ..

**Dawns_Mist** · 07-08-2012 08:54 PM

قوة الموتور و السحب :
بوما - تيدا - ماتريكس - ياريس
إلا لو الياريس 1500 كده هتيجي بعد البومه على طول ..

ثبات و أمان :
بوما - تيدا - ماتريكس - ياريس ( كل عربية من دول أنا جربتها لحد 140 على طرق سريعة إلا البوما لحد 200 )

نعومة و راحة ركاب :
ماتريكس - ياريس - تيدا - بوما

اتساع داخلي :
ماقدرش أقولك ترتيب أكيد .. لكن الأكيد إن الياريس هي أقلهم .. و الماتريكس و التيدا واسعين جدا من جوه و البوما الفرق بينها و بينهم مش كبير ..

كماليات :
مافيش فرق .. تقريبا كلهم من غير كماليات أصلا ..

قطع غيار : كلهم قطع غيارهم مرطرطه
صيانة : مافيش ولا عربية فيهم ليها أعطال مشهور و ماحدش بيشكي منهم و صيانتهم سهلة
إعادة بيع : التيدا بس هي اللي قليلة شوية .. غير كده الباقيين عاديين

* من تجربتي .. الماتريكس قعدت معايا سنة في شبين أيام الجامعة و كانت 2009 زيرو و فحتها و جربت كل حاجة فيها ، و حسيت إنها ضعيفة نسبيا في الموتور لو حرقت عليه فترة طويلة على طول بتشم ريحته و كمان عزمه مش قد كده و بيجمع كويس لحد 100 و بعد كده تجميع مش قد كده .. بس العربية قعدتها مريحة جدا جدا أكتر قعده مريحة فيهم ، لكن العزل مش قد كده و كمان لو حملتها بتقع منك في الأرض و تحك بسهولة و ثباتها برضه فوق الـ 140 ضايع ..
الياريس من تجربتي برضه لو 1300 يبقى مالهاش أي لزمة أدفع فيها فوق الـ 100 ألف جنيه .. ضعيفه جدا و ثباتها تعتبر أقل من التلاته الباقيين .. أما الـ 1500 فسحبها أحسن لكن مشكلة الثبات مازالت زي ماهي .. و ضيقه من جوه بالنسبة للياقيين ..
التيدا الهاتش باك .. شياكه من جوه و من بره في رأيي .. سحبها جميل لكن ثباتها فوق الـ 140 برضه نص و نص و يمكن ده العيب الوحيد اللي فيها .. لكنها من جوه واسعه جدا و مريحه جدا برضه و ثمنها فيها في رأيي .. وبعدين التوكيل بتاع نيسان ممتاز ..
البومة كده انت بتمسك العصاية من النص و ماخسرتش أي حاجة .. و يمكن البوما منتشره أكتر منهم كلهم للسبب ده .. ياباني بعمر افتراض كبير موتور قوي و سحبه ممتاز ثبات مناسب اتساع مناسب قطع غيار رخيصى و صيانه سهلة .. لكن شكلها بقى قديم و تعتبر هي أقلهم في النعومة لإنها مش طرية ..

- شوف بقى اللي يناسبك و ربنا يوفقك ....