محتاج مشورتكم ميجان 2007 ولا لانسر 2007 ولا ايه

**dr_tamer14** · 06-08-2012 03:17 AM

معاياﺍﻧﺎ لانوس اشباب وكنت عايز اعلي شويه

معايا في حدود 65000

و لقيت الميجان جمده جدا و سعرها كويس مستعمل و الناس في المنتدي بتشكر فيها يعيبها بس ان صيانتها في مراكز متخصصه و ده مشزمشكله

و اللانسر معروفه بس شكلها تقليدي و بدون الاوبشن الي في الميجان و يقال ان قطع غيارها مش ارخصزكتير من الميجان

انا عايز ركوبه شيك و ستابلتي لاني ساكن في المقطم و كله دوارانات و عفشه كويسه عشان الشوارع المكسره وانا مشاويري مش كتير

ايه رايكوا??????

**port_smoker** · 06-08-2012 04:02 AM

الميجن عربية قمة الاحترام والجمال
بس مش عايزة الحر بتاع مصر وبعدين كلها شغل كمبيوتر يعنى مينفعش اى حد يتعامل معاها وكمان تكلفة التصليح مشكلة كبيرة
لانسر منتشرة وقطع الغيار كتيير وباسعار مختلفة بس لا ترتقى بان تقارن بميجان دى فتحة باب الميجان تحسسك بانها عربية محترمة جدا

هذة فقط وجهة نظر شخصية من خلال خبرة زمنية طويلة فى السيارات

**hugan** · 06-08-2012 04:14 AM

حسب امكانياتك واستحمالك لمشاكل العربيه
اللي اعرفه من المنتدي ومن خارج المنتدي
ان الميجان ركوبه محترمه
لكن مشاكلها كتير ومقرفه في صيانتها واسعار قطع غيارها نار نار لكن ليها اللي غاويها ويستحملها
لكن لانسر
بجد عربيه اعجوبه
مالهاش حل في صيانتها وقطع غيارها
اي حد يشتغل فيها وقطع غيارها زي الفيات موجوده عند اي حدا
والكل بيشتغل فيها
لو مكانك اشتري لانسر

**dr_tamer14** · 06-08-2012 04:19 AM

كلامك.يا باشا عن الميجان ده فعلا ؟؟؟ اصل في ناس بتقول الدنيا مع الميجان مش وحشه كده

**Dawns_Mist** · 06-08-2012 05:51 AM

انا معايا لانسر ... و فترة طويلة كانت تحت إيدي كتير الميجان و هقولك بكل حيادية ..

كركوبة ... الميجان تدوس على أم اللانسر ... مافيش مقارنة أصلا .. فرق كبيير أوي فعلا .. فرق العزل و الكماليات و الثبات و النعومة و نظام الصوت كمان و أوبشنات كتير خصوصا لو هتتكلم عن الميجان هاي لاين .

كصيانة بقى و قطع غيار و مشاكل ... صدقني متعبه الميجان بجد ..
مع إن السينسورز اللي فيها دي روعة و الكمبيوتر اللي قدامك اللي بيقولك على أي أعطال و الذي منه .. لكن كتير بيكون نقمة .. كنت مسافر و في نص الطريق طلعلي كلمة ( gear box error ) و بس كده .. و راسها و ألف سيف ماهتمشي .. و المشكلة دي كلفتنا فيتيس جديد ، و طبعا احتاسنا على مالاقينا حاجة حالتها حلوة ، و طبعا اتخيطنا في سعر الفيتيس و في المصنعية لإننا جيبنا الفيتيس من بره و ركبناه في التوكيل ..

بص هو توكيل رينو قمة الذوق و الاحترام في المعاملة .. قطع الغيار في الفليوانس أسعارها أحسن من الميجان .. لكن المصنعية غالية شوية ..

هقولك على الخلاصة .... لو فعلا قدامك ميجان بس تكون حالتها فبريكة بمعنى الكلمة مافيهاش أي غلطة و انت مطمنلها على الآخر .. توكل على الله مدام هتتابع مع التوكيل .. لكن صدقني صعب تلاقي ميجان حالتها حلوة بسهولة ... غير كده ممكن تخليك في لانسر أضمن و حتى لو طلع في البدع بتتباع بسهولة و قطع غيارها مرطرطه و أي ميكانيكي بيفهم فيها .

**S O P H O S** · 06-08-2012 06:09 AM

ميجان تحفه
بس علشان مصر هتبقي لانسر
والله اعلم ..

**dr_tamer14** · 06-08-2012 10:50 PM

المشاركة الأصلية كتبت بواسطة dawns_mist

انا معايا لانسر ... و فترة طويلة كانت تحت إيدي كتير الميجان و هقولك بكل حيادية ..

كركوبة ... الميجان تدوس على أم اللانسر ... مافيش مقارنة أصلا .. فرق كبيير أوي فعلا .. فرق العزل و الكماليات و الثبات و النعومة و نظام الصوت كمان و أوبشنات كتير خصوصا لو هتتكلم عن الميجان هاي لاين .

كصيانة بقى و قطع غيار و مشاكل ... صدقني متعبه الميجان بجد ..
مع إن السينسورز اللي فيها دي روعة و الكمبيوتر اللي قدامك اللي بيقولك على أي أعطال و الذي منه .. لكن كتير بيكون نقمة .. كنت مسافر و في نص الطريق طلعلي كلمة ( gear box error ) و بس كده .. و راسها و ألف سيف ماهتمشي .. و المشكلة دي كلفتنا فيتيس جديد ، و طبعا احتاسنا على مالاقينا حاجة حالتها حلوة ، و طبعا اتخيطنا في سعر الفيتيس و في المصنعية لإننا جيبنا الفيتيس من بره و ركبناه في التوكيل ..

بص هو توكيل رينو قمة الذوق و الاحترام في المعاملة .. قطع الغيار في الفليوانس أسعارها أحسن من الميجان .. لكن المصنعية غالية شوية ..

هقولك على الخلاصة .... لو فعلا قدامك ميجان بس تكون حالتها فبريكة بمعنى الكلمة مافيهاش أي غلطة و انت مطمنلها على الآخر .. توكل على الله مدام هتتابع مع التوكيل .. لكن صدقني صعب تلاقي ميجان حالتها حلوة بسهولة ... غير كده ممكن تخليك في لانسر أضمن و حتى لو طلع في البدع بتتباع بسهولة و قطع غيارها مرطرطه و أي ميكانيكي بيفهم فيها .

هو انا مفيش ادامي حاجه بس هدور و اعمل كشف لكل عربيه في التوكيل ده اكييد
بس هل ده كفايه ؟؟؟ يعني لو رحت التوكيل و قالولي تمام يبقي اطمن ولا ايه ؟؟؟؟

انا سمعت علي موضوع الجير بوكس ده في بعض الموديلات في 2005 بالتحديد لكن تم تحسينه بعد كده
هل ده صح ؟؟؟؟

**Ahmed Selim** · 07-08-2012 12:05 AM

أنا ركبت الأتنين........و بصراحة المقارنة فيها ظلم للانسر

زى ما قالك الأخ داون ميست......المقارنة فى كل شئ ضد الللانسر..........إلا إعادة البيع.

أعتقد قطع الغيار هتكون متقاربة..........يمكن اللانسر تكون أقل شوية......بس الأسعار متقاربة للحاجات الإستهلاكية.
يعنى على سبيل المثال.........تيل أمامى ميجان أسبانى كان فى حدود ال 160 جم أو 180 جم
أعتقد ممكن يكون فيه أنواع تانية أقل فى السعر و الجودة.

باب أمامى كامل أستيراد بماكينة الزجاج بالفرش بحوالى 1000 أو أقل كمان.

الفوانيس الأمامية جديد من برة التوكيل من أول 300 و أنت طالع ( و يمكن أقل كمان )

بالنسبة للتصليح........أنت فى المقطم يعنى قريب من صقر قريش..........عندهم كل حاجة و بيعملو أى حاجة فى الرينو............التوكيل أحسن أكيد بس غالي طبعاً.

مشكلتك مع الميجان أنك ممكن متلاقيش حاجة نضيفة إلا بصعوبة.........و بالنسبة لكشف التوكيل أطمن........هما أصلاً لو لقو حاجة حالتها 60% مثلاً هيقولك محتاجة تغيير......يعنى هيطلع لك القطط الفطسانة.

موضوع الفتيس اللى كان فى 2005 كانت مشكلته أنك بتحس بنتشة باينة شوية بين الأول و التانى.......عدلو السوفت وير بتاعه و النتشة قلت كتير بس لسه ملحوظة............أنا معايا 2005 من الزيرو.

مشاكل تانية فى الفتيس معرفش غير 2 بس
1- لو الزيت اللى فيها مش الأصلى و مشيت لمسافة كبيرة على سرعة فوق ال 140 ( لمدة نص ساعة مثلاً ) بتطلع لك رسالة gearbox overheat لو نزلت بالسرعة لحد 100 أو 110 و كملت طريقك الرسالة هتختفى.
2- ساعات بيحصل مشكلة هبدة مع بعض الناس و دى مشكلة فى حاجة أسمها حساس السولونيد و تغييره فى صقر قريش بحوالى 400 إلى 500 جم......ده على حسب ما قريت فى المنتدى هنا.

المشكلة اللى حصلت مع الأخ داون ميست مشوفتهاش قبل كده بصراحة.

أخر حاجة........لو ناوى عليها إن شاء الله متستعجلش لأنك لو جبت واحدة متهانة هتكرهك فى رينو.

بالتوفيق إن شاء الله.