تويوتا كورولا ام نيسان قشقاى برجاء تخييرى بينهم

**medo2_0** · 08-08-2012 03:08 AM

بصوا يا شباب انا هشترى عربيه من الاتنين دول فقط يعنى مش ناوى احط فى حسبانى اى موديل تانى
والصراحه انا محتااار جدا اشترى تويوتا كورولا ولا القشقاى لان الاتنين ممتازين وقطع غيارهم فى المتناول وايضا مننساش ان الاتنين يبانى وكمان السعر متقارب
ارجوا منكم تنصحونى بأيه وكمان عاوز اعرف عيوب دى وعيوب دى والمميزات اللى موجوده فى الكورولا ومش موجوده فى القشقاى والعكس
وشكرا لكم يا أهل الخبره

**S O P H O S** · 08-08-2012 03:19 AM

بالنسبة ليا النيسان تكسب
عربية جميلة لا تقل عن الكورولا فالمميزات بل اعتقد هتزيد ..
والله اعلم
وان شاء الله ربنا يوفقك للخير ..

**medo2_0** · 08-08-2012 03:31 AM

الف شكر يا باشا وياريت باقى الشباب ميحرموناش من خبرتهم بالمميزات والعيوب لكل من الاثنين

**hugan** · 08-08-2012 03:40 AM

القشقاي عملت شغل محترم من اول نزولها
معني كده انها عربيه ناجحه
لو مكانك اشتري القشقاي

**Ultramisho** · 09-08-2012 02:51 AM

انا لا أعتبر من أهل الخبرة في العربيتين دول
بس تسمحلي اقولك رأيي خاصة أني ليقت التعليقلات قليلة شوية بالنسبة للمشاهدات وخاصة اني فكرة في القشقاي ودرستها بس ترددت علشان الاوفر بريس بتعها
الاتنين قطعها ياباني طبعا
القشقاي تقفيل انجليزي والتويوتا ماعرفش لسه جنوب افريقي ولا بقت تايلاندي اعتقد يعني القشقاي في النقطة دي تكسب
وسع الصالون طبعا القشقاي وبفرق نلحوظ خاصة ورا واي حد يلاحظ من ركوبهم
التكييف الاتنين تلاجة صحيح التويوتا اجماليا افضل من النيسان لكن الاتنين من افضل التكييفات وفعلا تلاجة
الاوبشنز القشاي اعتقد اكتر
الموتور التويوتا افضل لان موتور القشقاي النسخة المصرية هو بتاع التيدا
الفتس بتاع الكورولا كان فيه مشاكل واخشى يكون لسه فيه بقايا للمشكلة ماعرفش بس القشقاي ماسمعناش عن مشكلة في فتيسها
الشكل دي اذواق بس انا ماباحبش شكل الكورولا عموما
يعني دي انطباعات سطجية نسبيا وانا متابع معكم رأي أهل الخبرة خاصة الي جرب الاتنين
بس لو انا مكانك كنت هاختار القشقاي والله اعلم
تقبل تحياتي

**occullt** · 09-08-2012 04:10 AM

بالنسبه للوسع الداخلى ف كورولا اوسع ودى حاجه المفروض كانت تبقى العكس
بالنسبه للصناعه فقشقاى يابانى تقفيل انجليزى وكورولا لو هاتجيبها توكيل فهيا يابانى يابانى
بالنسبه لمشكله الفتيس القديمه اللى كانت فى الكورولا فمبقتش موجوده خالص
بالنسبه للتسارع من الثبات .. اعتقد الكورولا بحكم انى جربت الكورولا وشفت كلام الناس اللى جربوها او اشتروا القشقاى
بالنسبه للسعر فهما فئتين فئه ب 154 وفئه ب 168 تقريبا فرق الاوبشن مابينهم مش كبير غير فى فتحه السقف وان الكرسى اللى ورا ممكن ينزل لتحت و سبويلر وجنوط .... بالنسبه لسعر القشقاى تقريبا بتبتدى الاتوماتيك ب 175
بالنسبه للكورولا تدفع الفلوس وتستلمها وانت واقف .... القشقاى كمان 4 او 5 شهور تقريبا او تدفع اوفر برايس
كورولا عاليه ومش هاتفرق معاك اى مطبات وناعمه... بس القشقاى اعتقد اعلى
بالنسبه للاعتماديه اعتقد واحده
بالنسبه للشكل فدى ازواق
سعر اعاده البيع وقطع الغيار اعتقد فى صالح الكورولا
شوف ايه اللى انت مرتاحله اكتر
انا كنت محتار زيك كده بين الكورولا والقشقاى والاسبورتاج ... بس ساعتها مكنش فى قشقاى اتوماتيك عشان كده مجبتهاش ... والاسبورتاج قلقنى منها موضوع البنزين 95 وان 92 ممكن يعمل مشاكل معاها..فااستقريت فى الاخر على كورولا.
القشقاى عربيه جميله جدا ... روح معرض عربيات واركب فيها ورا وقدام ... وبرضه جرب الكورولا .... اللى تحس القعده بتاعتها مريحاك اكتر ... وانت مرتاح للعربيه بوجه عام اكتر ... اتوكل على الله وخلص فيها وربنا يكفيك شرها...وبرضه شوف راى الاعضاء اهل الخبره هنا ... ان شاء الله يفيدونا كالعاده

**S O P H O S** · 09-08-2012 04:53 AM

المشاركة الأصلية كتبت بواسطة Ultramisho

انا لا أعتبر من أهل الخبرة في العربيتين دول
بس تسمحلي اقولك رأيي خاصة أني ليقت التعليقلات قليلة شوية بالنسبة للمشاهدات وخاصة اني فكرة في القشقاي ودرستها بس ترددت علشان الاوفر بريس بتعها
الاتنين قطعها ياباني طبعا
القشقاي تقفيل انجليزي والتويوتا ماعرفش لسه جنوب افريقي ولا بقت تايلاندي اعتقد يعني القشقاي في النقطة دي تكسب
وسع الصالون طبعا القشقاي وبفرق نلحوظ خاصة ورا واي حد يلاحظ من ركوبهم
التكييف الاتنين تلاجة صحيح التويوتا اجماليا افضل من النيسان لكن الاتنين من افضل التكييفات وفعلا تلاجة
الاوبشنز القشاي اعتقد اكتر
الموتور التويوتا افضل لان موتور القشقاي النسخة المصرية هو بتاع التيدا
الفتس بتاع الكورولا كان فيه مشاكل واخشى يكون لسه فيه بقايا للمشكلة ماعرفش بس القشقاي ماسمعناش عن مشكلة في فتيسها
الشكل دي اذواق بس انا ماباحبش شكل الكورولا عموما
يعني دي انطباعات سطجية نسبيا وانا متابع معكم رأي أهل الخبرة خاصة الي جرب الاتنين
بس لو انا مكانك كنت هاختار القشقاي والله اعلم
تقبل تحياتي

هو بالفعل مبقاش في مشاكل ففتيس الكورولا المشكلة دي كانت في موديل 2008 و 2009
كانت في فتيس mmt الجنوب افريقي وليس الخليجي الاوتو العادي
وحاليا مفيش مشاكل ففتيس الكورولا بأذن الله ..

**medo2_0** · 09-08-2012 07:13 AM

شكرا ً جداً ليكم يارجاله وربنا ميحرمنا من ارائكم
انا بس عاوز اقولكم ان انا مركبتش غير التويوتا ومجربتش غير التويوتا وده اللى مخليني متردد
لان انا كان معا تويوتا كورولا 99 و 2008 و 2010 ودلوقتى اللى مخليني محتار ان انا مشترتش غير تويوتا ومجربتش غير تويوتا عشان بثق فيها والناس دلوقتى بتشكر جامد فى النيسان وانا عاجبنى شكلها جداً بس مش عاوز اتخدع فى شكلها
والف شكر ليكم