الموضوع: سؤال فى تغيير كاوتش التيدا

المشاركة الأصلية كتبت بواسطة y2y1500

بصراحة يا على بيك ... الكاوتشات فى مصر بقت تقرف
بمعنى ان الماركات المحترمة فى المقاس ده بتاع التيدا والصنى 185/65-15 بقى صناعة تايلاندى وماليزى وحاجات غريبة كده ومش حلو وتلاقى الفردة معدية ال500ج واليابانى بقى ينزل فى المقاسات الاكبر 16و17 فما فوق واسعاره مبالغ فيها بريدجستون او غيرها
البدايل زى كونتيننتال مش متوفرة عند كل التجار او المراكز ووكيلها نايم على نفسه مش المقاس بس كمان النقشة وتاريخ الصنع والانتاج تلاقيه فرنساوى (نادرا زى اللى ركبته مع تعلية بسيطة 195/65-15) او موجود رومانى ودول غريبة كده الواحد عمره ما سمع انها ليها فى الكاوتش
الخلاصة عشان ما تتهوش وكل واحد بكلمة .. البريدجستون محتكر السوق وبيزود الاسعار كل شهر اذا ما كانش كل اسبوع زى البورصة !!! ولو لقيت يابانى هتلاقى الفردة ما تقلش عن 650ج
الكورى بانواعه زى الكومهو والهانكوك وغيره برضه صناعة مش كورى ومن وجهة نظرى ما ينفعش للعربيات التقيلة زى النيسان
الميشلان شايف فيه انتشار فى السوق واهتمام بتقنيات جديدة فى الانتاج الجديد وهتلاقيه مقاسك ده بسهولة وعلى ما اعتقد الصناعة اسبانى ومش هاتوصل 600ج تقريبا ونوعها energy saving
لو محتاج تفاصيل اكتر .. ممكن تتصل بالاستاذ محمد يسرى صاحب شركة tiremania الخاصة بالتسليح وهو يفيدك بالاسعار بالظبط او تنتظر لبكرة باذن الله فى المقابلة .. هانخطفه من المركز ساعة كده ونجيبه يقعد معانا شوية يدينا دروس تقوية فى الاطارات والجنوط

يوسف بك حمدا لله على السلامة والف شكر ليك على المعلومات الجميلة دى ... وسعدت بلقائك جدا فى المقابلة الرمضانية ... شخصية هادئة رائعة تستحق الاحترام والصداقة والله ... ربنا يديم الود بيننا

المشاركة الأصلية كتبت بواسطة ahmed.tv

صباح الخير يا على بيك يا كبير
يا باشا ما انا معرض الكاوتش .. ماشفتوش فى اى مقابلة من مقابلاتنا يا نجم

انا معرض الى 205/55/15 والكاوتش كنت جايبه جى تى وكان ب450 جنيه .. وبصراحة مش حلو

ادخل الموضوع ده
http://www.nilemotors.net/nile/301722-a.html

مشاركة رقم 37 يا على .. حتلاقى فيه اسعار لماركات الكاوتش المحترم .. وحتلاقى فيه اسعار مقاسات اعرض كمان من المقاس الحالى

وبعدين يا على .. تعالى هنا .. انت عامل كام الف كيلو يا نجم .. !!!! .. ده انت مش بتمشى ياعلى .. اخ .. بس لما اشوفك

بكرة استاذ محمد حيكون متواجد معانا باذن الله .. واساله على كل اللى انت عايزه يا حبى

احمد مصطفى حبيب قلبى وحبيب الملايين
ازيك يا حبي عامل ايه
معلش مااخدتش بالى من مقاس الكاوتش عندك
وبعدين بلاش احراج بقى من موضوع الكيلومترات ده :)
الف شكر ليك يا حبي على المعلومة ... انا دخلت على الموضوع وفعلا لاقيت معلومات مفيدة .. تسلم يا كبير ... وبرضه ماقعدناش مع بعض وقت كفاية فى المقابلة الرمضانية :)