الموضوع: حــــــــادثة عنـــــــد سوق السيارات !!

السلام عليكم ورحمة الله وبركـــــــاتة

الواحد دائمــــــــا بيقـــــول احذر (غباوة_تخلف_جنــــــان) الاخرين ,, بس بنمشى بســـــتر ربنا ,, حصل امــــــبارح حادثة جــــامدة بعد سوق السيارات (فى اتجـــــاة التجمع / اكاديمية الشرطة) واحد ابن &*%$#@ (سائـــــق مقطورة) بيجرى فى نفس منطقة (بس فى اتجاة مصطفى النحــــاس / عبــاس العقاد ) وطبــــعا بيضرب (فرملة او شارب) المقطورة انحرفت منة وطلعـــــــت على الجزيرة اللى فى النص ولبس فى كيــــا سيراتو كان صاحبة راكنة بايــــــن وبيجيب حـــــاجة وطبعا العربية اتكعـــــــورت تحت المقطورة ودخل بيها فى رصيف وعدة رصيف كمـــــــان !! طبعا ربنا ستر ان سيراتو كانت فاضية (ربنا يعوض على صاحبة) ومكنش فية عربيات كتييير فى وقت دة ومكنش حد مــــاشى على رصيف .. نفســـــــــى اعرف حاجة واحدة ازاى بيخلوا اصحاب المقطورات بيشموا وبيمشوا الصبح كدة عــــــــادى ؟!!! مش مفروض ليهم مواعيد يتحركوا فيها ولا البلد بقت بليلة
وربنا يستر طريقــــــنا جميعا ...

لاااااااااااااا
دانت ماشوفتش بقى أسياخ الحديد اللى كان متحمل عليها، ووقع لما عدى الجزيرة ورشق فـ الرصيف..؟!!!

اللى نازل ناحية الوفاء والأمل كده مقفول (بيعدى عربية-عربية)، قدام بنزينة شيل
الحمولة بتاعته وقعت كلــــــــــــها

آه والسيراتو كانت راكنة عمودى عـ الرصيف (زى ما بيركنوا أيام السوق الجمعة والأحد).

هههههههههههههه
تصدق..
هى حصلت بعد الفطار تقريبا،
فيه فـ المقابل مخزن حديد تسليح (قبل بنزينة شيل)،
أنا كنت فاكر انه طلع من المخزن ده بالعرض وقطع الطريق وخيش الناحية التانية؟؟!!!
هههههههههههههههههههههههه

ربنا يسترها من النقل ولاد التييييييييييييييت