تجربة جامدة يااستاذ حمدى :)السلام عليكم
ازيكم يا رجالة النهاردة ناوى احكى عن تجربة غريبة لعربيتى هرجع وقول تانى عربيتى سيفك 93 ex منيوال
اورجنال كلها استوك طبعا كاربراتير عشان بس اللى ميعرفش وفى نفس الوقت عشان يكون في أمانة فى الكلام ونقل الموضوع
امبارح اللى هو يوم الأربعاء اضطريت اروح السلام عند محمد على الميكانيكى عشان العربية مكانتش مظبوطة ومش عجبانى المهم فى طريقى بقى من السلام لحلوان بعد الفطار على طول يعنى فى حدود الساعة 8 مساء قابلنى كام عربية وشديدت مع كام عربية متفهمش لية ( تقريبان شيطان الهوندا )
المهم قابلت على الدائرى سيراتوا اللى هى آخر شكل دلوقتى كان مركب زينون ومظبط العربية وانا كنت بجرى وده جاى من ورايا بعد ما عدانا دخلت معاه فى شداية المهم عداتية بكتير وبقيت استناه واعدية وشوية لقيته كش ومش عايز يجرى
شوية ونزلت نزلة الماظة ولقيت مين جنبى bmw 525 وبيلعب لعب ملوش حل وقعد يسخن فيا شديت معاه بس طبعا بقى بيفرق عنى بكتير ومعرفتش اخود معاه حق ولا باطل
المهم خرجت على طريق السندباد لقيت فيرنا بيسخنى جامد وبصراحة اكتر تعبنى جدا واد مجرم مجرم
وربنا يباركله فى عربية خلانى انهج والمشكلة بس فى تكدس العربيات مكنتش عارف اظبط نفسى معاه وكمان برضوا كان سحب عربيتوا غريب خصوصا فى الأول والتانى اجيب انا الثالث ابقى جمبة واعدية وشوية الطريق يقفل .... بس طلع عليا القديم والجديد بصراحة
المهم وصلت السلام عند محمد الميكانيكى وحكايتلوه وقولتلوه العربية مش عجبانى انا كنت بشد مع si وكنت بسد اية اللى حصل ... معرفش بقى عمل اية فى العربية عفرتها تانى
وانا راجع على الدائرى لقيت اية وحش اه والله وحش ford mustang gt تقريبا كانت 2004 وطبعا معرفتش الا لما وصلت ودورت على wikipadia [color="rgb(139, 0, 0)"](مش عارف اية اليوم الغريب ده )
الغريب اكتر اننا مسبناش بعض وكان ماشى على الأتوستراد كمان معايا تقريبا نفس طريقى الأطرف بقى ان صاحب الفورد تقريبا اتخنق منى طبعا مش هبالغ واقول كلام لايصدق بس الأغرب انى تقريبا كنت قريب منة قوى اه فى فرق بس مش كبير قوى كان بيفرق عنى واجيبة وافضل وراه لأنى مكنتش بعرف اعدية الا لو الطريق قفل علية :b4_048: دلوقتى بقى انا مش عارف الميكانيكى رجع عفرت العربية تانى ولا صاحب الفورد أكيد راجل محترم وكان بيشد بالعقل عشان ميجبليش تخلف عقلى [/color]
ارجع واقول يا اخوانا دى كانت ساعة شيطان وياريت محدش يجرى زياده عن اللزوم وربنا يستر طرقنا جميعا
المفضلات