الموضوع: حد عارف سعر السيراتو كوبيه الخليجي بكام؟

المشاركة الأصلية كتبت بواسطة hosam_optrawy

اسعار الخليجى متفاوته لان الفئات والمواصفات كتير وكل مكان بيبيع بسعر

الافضل تسأل بنفسك على المواصفات المناسبه ليك

الوكيل ب 139 موديل 2013 اعتقد الخليجى لازم تبقى ارخص

ان شاء الله لو حد سأل عليها قريب يفيدك بالاسعار

بشكرك كتير ولكن هوا فعلا في فئات كتير, لأن في بلاد كتير, لكن السعدية مفيهاش غير فئة واحدة وهي الsx فعشان كدا انا خصصت و سألت علي الكوبيه السعودي سعرها كام, و بردو عايز اعرف ال رينج بتاع الخليجي من كام لكام.

و حاجة تانية انا اخر مرة سألت عليها في التوكيل المصري كانت ب 147 و ليس 139 والله اعلم.

ياريت حد يفيدني.

المشاركة الأصلية كتبت بواسطة mohab.nabil

انا كنت فى سمير ريان من كام يوم و اتفرجت على الريو الجديدة الهاى لاين فبسأله بكام قالى 132 الف جنيه فقولت طيب ما اعمل ذكى عليه و اقوله طيب السيراتو الكوبيه بكام عشان انا عارف انها كانت عنده قبل كده فى الحدود ديه و اقوله طيب ما الكوبيه كده احسن طالما نفس الثمن فقام قايلى 146 .. اتصدمت صدمة جامدة اوى و قومت قايله شكرا

العربية ديه من سنة بالظبط ايام ما كانت لسه حاجة جديدة و الفتيس الـ 6 سرعات و الليد الجديد نازل كانت بـ 132 الف معرفش ازاى الموديل يبقى بيخلص و تزيد 14 الف .. صباح التهييس

صب مسألتش عن الخليجي؟

كدا انا كنت فاكر ان الوكيل ب 147 دلوئتي مش عارف اىلاسعار, انا يا جماعة عايز اعرف الوكيل بكام و الخليجي في رينج كام و السعودي بكام عشان فيها esc

المشاركة الأصلية كتبت بواسطة shehab1337

كدا انا كنت فاكر ان الوكيل ب 147 دلوئتي مش عارف اىلاسعار, انا يا جماعة عايز اعرف الوكيل بكام و الخليجي في رينج كام و السعودي بكام عشان فيها esc

بص يا باشا انا هجيبلك من الاخر

مفيش خليجى سعودى فى مصر دلوقتى انسى اللى موجود دلوقتى خليجى شرق اوسط و ديه اقل حاجة فى الخليجى و مفهاش esp و سعرها 147 عند سمير ريان و فيه معارض بتبيع اغلى من كدة فيه 148 و فيه 149 و فى اسكندرية معرض سألت عنده عليها قالى بـ 152 ده الخليجى

بالنسبة للوكيل معندوش 2013 كل اللى عنده 2012 و سعرها 139 و انا سألتهم عليها

اللى غلى الخليجى لسعر الوكيل لـ 147 فما فوق لان الوكيل مش جايب بضاعة تانى عشان 2012 لسة مش خلصت من عنده فعشان كدة الخليجى 2013 نزلت غالية