الموضوع: الفيرنا فعلتها :d تجارب شد بالأمس

المشاركة الأصلية كتبت بواسطة Ashraf_Ibrahim

كيف حالكم يا شباب
اخباركم ايه ؟!

كنا عملنا الموضوع دا قبل كدة
http://www.nilemotors.net/Nile/302436-a.html

وبسبب خطأ فردي كانت النتيجة غير مرضية
بالأمس وبعد لقاء أعضاء نايل موتورز قررنا اعادة التجربة وحضر احمد عبد الهادي خصيصا للتجربة مرة أخرى ولكن بتكافؤ كامل:-
عربية أحمد عبد الهادي -لانوس 2004 كامتين و 16 صباب بقوة قدرها 109 حصان- كان فيها بنزين 95 وكان لسة مغير زيت وحاطط زيت فيسكو المعتاد بتاعه
العبد الفقير الى الله بالفيرنا 2010 اتنين كامة و 16 صباب بقوة قدرها 107 حصان كان حاطط 92 -فول تانك- والزيت بتاعي ماشي 4000 كم عادي يعني
بدأنا الشد اول مرة من 20
وكانت النتيجة ان احمد عبد الهادي طلع مني وبقا قدامي لحد 150 تقريبا وانا لاحم في ضهره تقريبا بفارق مش كبير مطلقا ولا يتجاوز عربية والطريق قفل عليه فعديته
فقلنا ان دا مش منصف وان لازم الفرصة تكون فرصة عادلة
قلنا نجرب تاني:-
بدأنا المرادي من 40
انطلقنا طلع كبوت عربيته مني لحد ما وصلنا 120 كبوت عربيته طالع
مع نقلة الرابع بدأت اجيب الفرق بيني وبينه اللي هو الكبوت بتاعه
وصلت لنقلة الخامس على 150 وطلعت منه فعليا
ولما وصلت ل 190 بقا الفارق بيني وبينه عربية او ما شابه تقريبا يعني
الطريق كان مفتوح وعادل لينا احنا الاتنين ومفيش مبرر للي حصل دا غير ان الفيرنا فعلا عملتها و طلعت من اللانوس
احمد لم يعترف بالنتيجة وقال نعيد تاني -بس الساعة كانت 2.10- ولازم اروح اتسحر
فقلتله نخليها مرة تانية ان شاء الله
كان واضح على احمد علامات الذهول من التجربة ومن اداء العربية
حبيت بس أنقل ليكم التجربة
طبعا هتقولوا مصورناهاش ليه زي المرة اللي فاتت
المرة الاولى طلعت ورانا النترا ومعرفتش تجيبنا والتصوير مكانش كويس
قلنا المرة التانية تطلع ورانا الجوك برده الجوك اختفت ورا ومعرفتش تبقا ملاحقانا فطبعا التصوير مش واضح فيه اي شيء ولا مين قدام ولا مين ورا


*التجربة التانية:-
كانت عربية احمد -سونا ستيل- وعربية احمد مصطفى
الاتنين نيسان صني الشكل القديم مش الجديد خالص
العربيتين طلعوا جنب بعض من 40 تقريبا وفضلوا جنب بعض
عربية احمد مصطفى طلع كبوتها بعد ال 60 ولحد 120
من 120 بدأ حسين يجيب الفارق اللي بينه وبينه احمد مصطفى -فارق الكبوت-
مع الغيار الرابع بدأ كبوت حسين يطلع من احمد مصطفى
ومع النقلة الخامسة كانت صني حين طلعت من صني احمد مصطفى مش بفارق كبير تقريبا فارق كبوت ولكن طلعت فعليا
دي كانت اول شدة لحسين ومكانش مركز في العدادات وكنت معاه كملاح

دي كانت التجارب اللي حصلت امبارح -وفيه تجارب بين الجوك والالنترا ال 2007 كمان الاوتوماتيك بس انا مشيت قبلها الحقيقة منفعش اني استنى
أراكم في تقرير نيد فور سبيد القادم

عاش عاش يا اشرف بيك وعاشت الفيرنا يا كبير

اداء ماكنش متوقع الصراحة لا ماشاء الله ربنا يباركلك فيها

احلى طقم حاجة ساقعة يا معلم ليك وللفيرنا في المقابلة الجاية ان شاء الله

المشاركة الأصلية كتبت بواسطة lanos2004

نهنى دكتور اشرف على تحسن اداء قيادته للفيرنا ونتمنى له التوفيق الدائم والله انا سعدت جدا بالتجربه لانها رفعت روحه المعنويه وثقته فى سيارته الفيرنا بس فين الفديوهات الى تثبت الكلام دة ههههههههههههههههههه

النتيجه من وجهه نطرى-اولا انا قلت انى مش هعدى 180 لظروف الامان--هوة كسر 190 طبعا يبقه لازم يعدينى
ثانيا سبحان الله لحد 140 بتكون الانوس متقدمه بفرق حلو قوى-بعدها طريقى يقفل وحظه الحلو يفضل طريقه مفتوح فهدى بالعربيه وطبعا هوة طاير--حظوظ-ههههههههههههههه-لدرجه انه قال الموضوع غير عادل ولازم تتعاد-
بس بجد انا مبسوط لعودة الابتسامه على وجهه دكتور اشرف
نيجى بقه للصنى
عربيه احمد وعربيه حسين جنب بعض طول الطريق وعلى اخر الطريق يتقدم حسين بفارق حوالى عربيه ونص تقريبا ان لم يكن اقل
واحنا راجعين
شدينا شدة بسيطه انا و حسين الانوس مع النيسان طلعت منه فى الاول وبعدها الفرق اصبح ثابت بينى وبينه العربيتين زى بعض تقريبا -طبعا العربيتين مانيوال

يعني انت عايز تقول انه ماكنش بيعديك الا لما الطريق قدامك يقفل وانت تدوس فرامل

وبعدين ايه !!! مش هعدى 180 لظروف الامان !!Shit

اعترف ان الراجل عداك على السرعات العالية <<< قالك انا مارضتش ازود لظروف الامان

انا بهدي النفوس يا جماعة