السلام عليكم
انا اوبلاوى قديم و اقنعت اصحابى كلهم بالاوبل و منهم 4 غيرو بالفعل لاوبل و هى عربيات ممتازة فعلا وعن تجربه هى عربيات بتاعه شغل و قويه جدا جدا و مع الصيانه ممتازة و انسى انها تعطل عن تجربه و الناس الى جابت اوبل دى عملتلها اختبار قيادة عنيف لدرجه منهم ناس والدهم كان عاوز يبدل مع ابنو بعد ما وريته العربيه بتعمل ايه و تحملها و دة ميمنعش ان فيها عيوب بس بتختفى مع المميزات
بس حاليا بعد اخويا اشترى فورد فيستا كنت بفكر اشترى مونديو لانى كنت معجب بيها من زمان وخصوصا انى اعرف انها شبيهه فى التقفيل و الجودة من الفولكس و كمان خصوصا بعد ما عرفت ان قطع غيار الفورد موجودة بس كنت عاوز استفسر عن شويه حجات مهمه لاستخدامى
1-اخبار الحرارة فى فورد ايه خصوصا ناوى ان شاء الله اجيب الجيا 2000 سى سى موديل 1998
2-العربيه فيها تصفيح زى الاوبل تحت ولا لا
3-العفشه اخبارها ايه يعنى اقارنها كعمر و كفائه ب (فولكس ولا شيفروليه)
4- التكييف ايه اخبارة يعنى اقارنه ب (اليابانى ولا الكورى ولا ايه)
انا بستفسر منكم لانكم تفيدونى كمستخدمين اكتر من اى حد تانى و لو حتى بيعمل صيانه
وجزاكم الله كل خير و كل سنه و انتو طيبين