انا حاسس ان بيتضحك عليا ساعدوني

**el_deep** · 13-08-2012 02:41 PM

السلام عليكم

بدايتا هذه اول مشاركه ليا في المنتدي الجميل ده انا لسا مخلص الثانويه (الحمد لله ) و بدأ مشاوري في البحث علي عربيه طول النهار انا بتابع المنتدي وشوف اراء الاعضاء المفيده واستقريت علي السيراتو إن شاء الله علشان والواحد مستريح ليها نفسيا والفئه السعريه بتاعتها مناسبه ليا فرحت اشوف السيراتو الخلجي 2013 في معارض مختلفه في المنصوره فرحت سالت قالوا ليا الهاي لين ب140000 مع اني بدور فالمنتدي اني عارف ان سعر التوكيل اصلا 138000 فازاي اضلا بالسعر ده فارجوا من الاعضاء المحترمين ان يقولوا ليا سعرها الخليجي ولو حد من المنصوره يقولي علي معرض محترم وعاوز اتقل عليكم شويه معليشي لسا اول عربيه ليا ممكن اعرف في حاجه تانيه انسب في الفئه السعريه 130000-140000 وشكرا

**temo85** · 13-08-2012 03:56 PM

انزل على القاهرة هتلاقى اسعار افضل عند سمير ريان و جابر عبد الشهيد و كا الفئات , فى المنصورة هتلاقى السعر أعلى من القاهرة طبيعى عشان نسبة البيع فى المنصورة أقل من القاهرة

**el_deep** · 13-08-2012 05:09 PM

المشاركة الأصلية كتبت بواسطة temo85

انزل على القاهرة هتلاقى اسعار افضل عند سمير ريان و جابر عبد الشهيد و كا الفئات , فى المنصورة هتلاقى السعر أعلى من القاهرة طبيعى عشان نسبة البيع فى المنصورة أقل من القاهرة

شكرا علي رد حضرتك ممكن اعرف السعر عندهم او ممكن تجبلي رقم سمير ريان

**ahmedesmat1987** · 13-08-2012 07:39 PM

مبدائيا الف مبروك على خلاصك من الثانويه العامه المصريه واهلا وسهلا بيك على كوكب الارض وحمدلله على سلامه الوصول.................دى ارقام سمير ريااااان ...........
02-23421540, 02-23421582, 0100-6996969, 0100-1131398

**el_deep** · 13-08-2012 08:14 PM

المشاركة الأصلية كتبت بواسطة ahmedesmat1987

مبدائيا الف مبروك على خلاصك من الثانويه العامه المصريه واهلا وسهلا بيك على كوكب الارض وحمدلله على سلامه الوصول.................دى ارقام سمير ريااااان ...........
02-23421540, 02-23421582, 0100-6996969, 0100-1131398

شكرا علي رد حضرتك وشكرا علي الترحيب الجامد ده ايه ده بس كووكو الارض ده وحش يا عم انا مروح تاني هههههههههههه

شكرا علي اهتمامك وايه رايك في الاختيار (السيراتو)

**Mamoud salah H** · 13-08-2012 08:59 PM

طب متخودلك بصة سريعة كدة علي الانسر شارك احسن منها كتييييييييييير
او الاوبل كورسا اعلي فئة ب128000
او او لو انت تقجر تزود كمان 10000 جنيه وتجيب سوبارو امبريزا الجديدة تبقي برنس
والرأي ليك في الاخر وربنا معاك وانا مش قصدي اقلل من قيمة السيراتو خالص انا اصلا بحبها اوي بس بحاول نساعده عشان يبقي براحته

**el_deep** · 14-08-2012 12:44 AM

المشاركة الأصلية كتبت بواسطة mamoud salah h

طب متخودلك بصة سريعة كدة علي الانسر شارك احسن منها كتييييييييييير
او الاوبل كورسا اعلي فئة ب128000
او او لو انت تقجر تزود كمان 10000 جنيه وتجيب سوبارو امبريزا الجديدة تبقي برنس
والرأي ليك في الاخر وربنا معاك وانا مش قصدي اقلل من قيمة السيراتو خالص انا اصلا بحبها اوي بس بحاول نساعده عشان يبقي براحته

باحترم راي حضرتك جدا انا مبوت في الشارك بس للاسف السعر هنا المشكله ممكن اعرف معلومات عن الكورسا وانا شوفت اعلان سوبارو امبريزا وعجبتني بس انا لقيت معلومات هنا في المنتدي ان الهورس بور بتاعها قليل وشكرا علي الرد والمساعده

**temo85** · 14-08-2012 01:37 AM

بص رأى متدفعش فى السيراتو اكتر من 110 او 115 بالكتير عشان قدام متحس انك رميت فلوسك فى الارض هتعلى عن الرقم ده فكك من الكورى كله خليك فى الاوربى او اليابانى...مازدا 3 او هوندا سيفك او امبريزيا او اوكتافيا او جيتا حتى لو الفلوس مش هتجيب غبر المانى مانيوال مثلا هتكون احسن من الكورى فل اوبشن