الموضوع: سؤالين مختلفين عن بعض

شوف احب اقولك حاجة
حقوق كلية جميلة جدا جدا
مش شرط تبقي وكيل نيابة ولا محامي فستك
حقوق ليها مجالات كتيرة جدا
ممكن تتفوق وتجيب تقديرات وتبقي معيد
ممكن تدخل سلك النيابة العامة
النيابة الادارية
مجلس الدولة
النيابة العسكرية
الخارجية
محامي شاطر
ليها مجالات كتيرة جدا والمواد بتاعتها حلوة وسهلة وبسيطة
وتجارة بردة ليها مجالات كتيرة

بس انا بقولهالك نصيحة
حقوق=(نظري) اكنك بتقرا جرانين كتير ومعلومات عامة
تجارة =( عملي) عندك رياضة الخ الخ الخ

انت بتفضل انهي اكتر لان لو انت داخل حاجة انت مبتحبهاش او مفروضة عليك هتكرهها

المشاركة الأصلية كتبت بواسطة bido600

شوف احب اقولك حاجة
حقوق كلية جميلة جدا جدا
مش شرط تبقي وكيل نيابة ولا محامي فستك
حقوق ليها مجالات كتيرة جدا
ممكن تتفوق وتجيب تقديرات وتبقي معيد
ممكن تدخل سلك النيابة العامة
النيابة الادارية
مجلس الدولة
النيابة العسكرية
الخارجية
محامي شاطر
ليها مجالات كتيرة جدا والمواد بتاعتها حلوة وسهلة وبسيطة
وتجارة بردة ليها مجالات كتيرة

بس انا بقولهالك نصيحة
حقوق=(نظري) اكنك بتقرا جرانين كتير ومعلومات عامة
تجارة =( عملي) عندك رياضة الخ الخ الخ

انت بتفضل انهي اكتر لان لو انت داخل حاجة انت مبتحبهاش او مفروضة عليك هتكرهها

شكرا ليك ياباشا جدااااااااااااااااااااااا اااااااا وانت عرفتني حجات كتير عن الحقوق مكنتش اعرفها دا انا كنت فاكر يا محامي يا وكيل نيابه
شكرا ليك وان شاء الله هصلي استخارة وهقرر

المشاركة الأصلية كتبت بواسطة axel

عايز رأيي الشخصي توكل ع الله و ادخل حقوق العبد لله خريج حقوق السنة دي و كان ليا تجارة و اداب و هندسة خاص لكن فضلت حقوق

و شيل من دماغك حقوق و تقدير و واسطة يبقي نيابة
مفيش تقدير يبقي محامي فاشل عيب الكلام ده في حقنا فيه ناس جايبين جيد و جيد جدا و مع ذلك مدخلوش نيابة و كملوا كمحاميين
متمشيش ورا كلام الناس اللي تقولك أًلحقوق و تجارة ملهمش لازمة هي الطب او الهندسة
مفيش كلية ملهاش لازمة و الا مكنتش الكلية اتعملت اساسا

التجارة شايف مجالها محدود شوية يعني محاسب و حسابات اعقد من رياضة 1 و 2 في الثانوية في الدراسة او ادارة اعمال

الحقوق مجالها اوسع غير النيابة عامة او ادارية او عسكرية - مجلس الدولة - المحاماة - شئوون قانونية في اي مكان سواء بنوك او شركات مفيش مكان مبيحتاجش محامي - محاسب قانوني - لو جبت تقدير و تحضر و تتعين في الكلية - مأذون متستغربش طالما درست شريعة ينفع تتقيد و تبقي مأذون يعني متقلقش

بخصوص حسابات الصيدالية حتي لو مش دارس اي حاجة طالما اتعلمت خلاص هتتعامل و فيه ناس شغالين في صيداليات عايز اقولك دبلوم تجارة و ماسكين الصيداليات احسن من الدكاترة اصحابها و الداكترة نفسهم مش فاهمين الادوية اد اللي واقف لأنه اكتسب خبرة و اتعلم الموضوع عقل و حب تعلم
اعرف خريجي حقوق و محاميين شغالين محاسبين في شركات و لما كنت في تانية اشتغلت و اتعلمت الحسابات و الضرايب بالرغم انه مكنش اختصاصي بس اتعلمت و اللي علمني اساسا خريج حقوق ههههههههه
ده فيه ناس كانوا تجارة و بعد ما خلصوا جيه يدرسوا حقوق معانا :)


و طبعا هتسمع الجملة المشهورة الدراسة صعبة اللي هتدرسه في الكلية غير اللي هتلاقيه برة معلش اللي يقولك الكلام ده ياما هو اساسا فاشل ياما بغبغان بيردد ورا الناس
اللي هتدرسه في الكلية هو اللي عليه هتشتغل برة لأنه اساسيات و تعرفك القوانين بالاضافة لو محامي فيه كتب هتعتمد عليها مثلا لكتابة المذكرات او تشوف نصوص المواد عشان لو نسيتها مفيش غير مادتين تلاتة ع مدار الــ4 سنين هم اللي ممكن متستفيدش بيهم و ممكن تستفيد زي تاريخ القانون ممكن يفيدك و ممكن لأ بس ع الاقل معلومات عن بداية القوانين و واضعها من اول الفراعنة ههههههه

و الاساسي اللي بتدرسه قانون مدني و جنائي و اداري و دولي عام و خاص و مرافعات و جوي و بحري و زراعي و شريعة و تاريخ قانون و مصطلحات قانونية بلغة انجليزية او فرنسية لكن الغالب انجليزي و اقتصاد برده متستغربش هتدرس اساسيات الاقتصاد هتلاقي جزء زي الثانوية بس بشكل اوسع زي المنفعة الحدية لو تفتكرها و هتلاقي حتي ازاي تقسيم ميزانية دولة شوفت الكم اللي بتدرسه في حقوق

و هديك مثل انه اللي جوة هو اللي برة فيه في الشريعة مثلا غير انها بتعلمك اصول الفقة و القياس و الاجماع و الواجب و الحرام و المندوب ..ألخ...ألخ فيه حاجة اسمها المواريث في تالتة و ديه بتدرس فيها انصبة كل شخص في تركة في جميع الحالات ده مثل للي بتدرسه هل لو مدرستش ديه هتعرفها ؟؟؟

حاجة تانية في سنة رابعة ان شاء الله فيه مادة اسمها اجراءات جنائية ديه بتدرس فيها من اول الاستيقاف ( و هو ان الظابط يوقفك في الشارع و يقولك بطاقتك ) مرورا بحالات التلبس و حتي اجراءات المحاكمة لحد النطق الحكم و طرق الطعن العادية و الغير عادية ( المعارضة و النقض و الاستئناف ) بالاضافة لتشكيل جميع انواع المحاكمة و في سنة تالتة بتعرف العقوبات و الاحكام و الظروف المشددة زي مثلا السرقة بالاكراه و نتج عنها اصابة شخص يبقي من مؤبد لاعدام او مثلا قتل خطأ او مع سبق الاصرار او الترصد و هكذا

التجاري مثلا هتتعلم ازاي تكتب عقود شركات بانواعها ازاي شيكات ايصالات امانة نماذج بانواعها و البنوك
ناهيك عن باقي المواد و طبعا الدراسة مش صعبة و الموضوع هتلاقيه كأنها معلومات بتقراها

و طبعا كل اللي يعرف انك في حقوق هيقرفك اسئلة قانونية ساعتها هتحس بمدي اهمية الحقوق و المحاماة و انا مش مسئول ههههههههه

بالاضافة ان عندنا في عين شمس كان فيه محكمة تدريبية في سنة رابعة و ديه عبارة انه بيعلمك اجراءات المحاكمة من اول تشكيل المحكمة لحد النطق بالحكم و ازاي تترافع سواء كمحامي او نيابة
و بيدرس لك رئيس محكمة الجنايات و في الاخر بتعملوا محمة تدريبية بتاخدوا قضية و تدرسوها و تكتبوا مذكرة ( المرافعة ) من الخار بتفلي ملف القضية عشان تترافع و بعدها تمثلوا المحاكمة في الجامعة
و طبعا اكيد بيكون فيه تظبيط من الدكاترة محدش ينكر و ساعات برده بيبقي فيه نفخ ههههههه

اهم حاجة لو هتدخل حقوق و مهتم بيها فعلا حتي بعد التخرج ناوي ع محاماة يبقي اشتري الكتب حتي لو هتجيب ملازم لكن الكتب هتفيدك سواء في الدراسة او بعدها و ممكن في وقت من الاوقات تنفعك

ده رأيي الشخصي و برده انت حر في اختيارك انا بس حبيت اوضحلك الدنيا فيها ايه في الحقوق عشان متسمعش كلام يطهقك في عيشتك من اي حد
زي اللي بيتكلم عن عربية و لا ركبها و بيقول عيوب فيها و هو اساسا ناقل كلام زي البغبغان الافضل تشوف ملاك العربية هم اللي يقولوك و لا انا غلطان ؟؟؟
شوف اللي ترتاح لها

و بالتوفيق ان شاء الله

شكرا ليك يا استاذ اكسيل علي الرد
ومعاك حق في موضوع الصيدليه انا كنت بمشي الصيدليه بنفسي طبعا قبل الثانويه بس الفكرة ياريس في ان احنا اخدنا خازوق محترو اوي اشد واحد كان في 2003 ان المكان لو مترعاش كويس هتتسرق وده الي حصل لدرجه ان والدي خسر راس ماله كله في الفترة دي بحيث انه كان فاتح صيدليته وصيدليه زميله وصيدليه كمان شراكه جم قالو يدخلو التلاته في بعض واحده في القاهرة واحده في بلدنا ووحده عندنا في الزقازيق طبعا رايح جاي الي يعب في كرشه شويه من كل صيدليه كان اجمالي الخسارة معدي ال150 الف جنيه شوف بقي زمان كانو بيعملو ايه والحج شلهم لوحده
وقبلها في صيدليه البلد كان سافر السعوديه وساب الصيدليه مفتوحه طبعا رجع ملقاش مليم احمر في الصيدليه ورجع ابتدي تاني من جديد لحد اما لبسنا تاني في 2003 يعني اجمالي الخسارة كان كبير اوي وكويس ان الحج مجلوش جلطه ولا هارد اتاك من الي شافه في حياته
فا فهمت قصدي يا استاذ اكسيل ان رعينا شغلنا يبقي ربنا هيكرمنا وان سبناه في دروس سابقه ومش في حمل اي تكرار نهائي كفايه ان بعد مجاب حلم عمرة التويتا كورولا اشترينها في شهر 7/2006 واتسرقت في 24/8/2008 2.30 الفجر يوم لن انساه وهوا بيكلم نفسه في القسم حسبي الله ونعم الوكيل
فالفكرة بقي ياريس بابا في فترة 2007-2008 اشتري صيدليه في الزقازيق علشان يكبر المجال شويه علي اساس صيدله فا مش هاجي اضيع ده كله في فسوة
لكن هوا بقلي اعمل الي في نفسك وخد الي يطمن مسنقبلك وهوا مع حقوق لكن انا بصصلها من منظورمعين
وشكرا ليك يا اكسيل باشا