هو انا عقلى كان فين ساعتها ؟؟؟؟؟؟؟

**flymido** · 14-08-2012 05:21 PM

السلام عليكم
هى مشكله غريبه ومش عارف اوصف نفسى بايه
انا من 10 شهور اشتريت افيو 2009 كسر زيرو كانت عامله 18 الف كيلو بسعر لقطه 62 الف رخصتها 3 سنين وعملتلها صياناتها فى التوكيل وفرش جلد وكله تمام وهتبقى عربيه العمر من كام يوم بفتح كونتاكت كار وبقلب لقيت عربيه عامله 28 الف كيلو واتوماتك وب 73 الف قلت لقطه وتمام واغير للاتوماتك
عرضت عربيتى واتصل بيا واحد وشافها وعجبته جدا وصمم يشتريها المهم قلت تمام رحت شفت العربيه التانيه وعجبتنى اتفابلت مع الراجل مشترى عربيتى تانى يوم وبعتها ب 66 الف ودة اكبر غباء قبل ما اكشف على العربيه التانيه
فى نفس اليوم رحت اشوف العربيه اللى هاخدها بقى ببص لقتها مخبوطه خبطه من عند القايم وكمان شكلها ميجبش انها عامله 28 الف كيلو مستحيل
معرفش انا اتعميت اول مرة ولا ايه وهنا فوقت من الصدمه انا بعت عربيتى اللقطه اللى مش هعرف اعوضها
دلواتى قدامى حليين اعد ادور على عربيه فى نفس حاله عربيتى ودى صعب او مستحيل
او احط 15 الف جنيه فوق ثمن عربيتى واشترى زيرو ويعوض عليا ربنا فى ال15 الف لان عربيتى اللى بعتها كانت زى الزيرو
بصراحه انا داخل على جواز و15 الف دول يفرقوا اوى معايا
مش عارف اعمل ايه استعوض ربنا واجيب الزيرو ولا اعمل ايه ؟؟؟؟؟؟؟؟