إسلام مشهور يجري إختبار لل Audi A4 الجديدة ..

**Mzeid** · 28-06-2008 02:31 AM

حسب ما نشر اليوم في ملحق سوق السيارات فقد أجرى إسلام مشهور إختبار قيادة لرائعة أودي الجديدة ال A4 ذات محرك ال 1800 TFSI بقوة 160 حصان و عزم يصل إلى 250 نيوتن . متر من 1500 دد حتى 4500 دد ( محرك مرن للغاية ) و تحقق تسارع يبلغ 8.6 ثانية فقط طبقاَ لكلامه و سرعتها القصوى تبلغ 220 كلم / ساعة .
و سعرها 399.000 جنيه فقط .

**Mzeid** · 28-06-2008 03:57 PM

و علق على بعض النقاط و قال :
بالنسبة للجنوط محتاجة لجنوط 17 و ليس 16 حتى يناسب حجم العجل السيارة
و عن التسارع قال السيارة ناعمة جداَ لا تسمع صوت المحرك و لا تحس بتغيير السرعات كل ما تراه هو أن مؤشر السرعة يصعد بسرعة و مؤشر سرعات ناقل الحركة يتغير من 1 إلى 8 دون أن تحس فقط حركة عداد لفات المحرك هي التي تجعلك تتعرف على أن ناقل الحركة قام بالنقل للسرعة التالية .
:):)

**Ahmad Allawy** · 29-06-2008 10:06 PM

يا سيدي..
شغل عالي يا حماده تسلم ايدك..
طيب احنا عايزين نجرب و نعمل مواضيع جامده جدا اجمد من مواضيع مشهوركمان..
ولا عشان هو مشهور بس.. :) :)
ربنا يوعدنا و نجربها بس..

**Ahmed Samy** · 29-06-2008 10:33 PM

هي هي هي

و هي محتاجه شهادة من اسلام مشهور !!!!

**Ahmad Allawy** · 29-06-2008 10:35 PM

واخد بالك يا سامي ياخويا من كلمة مؤشر النثلات اللي بييجي علي رقم 8 ده..؟؟
غلطة مطبعية دي..؟؟!!!!
ايه 8 دي؟؟

**Ahmed Samy** · 29-06-2008 10:37 PM

تكونشي يا علاوي تمن نقلات ؟؟؟؟؟؟؟؟

صحيح و يخلق ما لا تعلمون

**Ahmad Allawy** · 29-06-2008 10:38 PM

سبحان المعز المذل...
الالمان دول عليهم حاجات يا جدع..
:) :) :)

**M_HaFeZ** · 29-06-2008 11:29 PM

هو مش هنبطل صحافة السيارات اللى تقرف دى
اكتر من مره وغالبا كل مره اقرأ خبر فى السيارات
الاقى دعايه رخيصه ولا الصحف الصفراء
ممكن نسميها صحافة السيارات الصفراء

والله انا مره مسكت موضوع كان بيتكلم عن تطوير لشركه ما مش فاكر ايه هى نوع من البطاريات
بقيت اقرأ الفقرات مره واتنين وتلاته انى افهم يقصد ايه
متعرفش كاتب مقال سماعى ولا حد قايله اكتب كلمتين ولا قرأ مقال فى صحيفه اجنبيه او من موقع ومعرفش يترجمه
لا ويقول وده بسبب التكنولجيا الضخمه ل (....) واسم الشركه
طيب اشرح لنا التكنولوجيا الضخمه العظيمه اللى مدينك فلوس علشان تكتب الكلمتين
حسبنا الله ونعم الوكيل
صحافه صفراء واللى دخل فى الليله اسلام مشهور
خلاص الظاهره انه نزل على كام توكيل وقال هاعملكوا تست درايف على مزاجكم فى ضمن السياسه الدعائيه للسياره
وطبعا كلام فى مضمونه دعائى وصعب انه يطلع عيب ولو شافه قدامه

**Mzeid** · 30-06-2008 02:18 AM

المشاركة الأصلية كتبت بواسطة Ahmad Allawy

يا سيدي..
شغل عالي يا حماده تسلم ايدك..
طيب احنا عايزين نجرب و نعمل مواضيع جامده جدا اجمد من مواضيع مشهوركمان..
ولا عشان هو مشهور بس.. :) :)
ربنا يوعدنا و نجربها بس..

اللكزس عاملة 8 نقلات ..
:):)