الموضوع: متسوبيشي لانسر بومه 2013

المشاركة الأصلية كتبت بواسطة bunsh_fox

الف مبروك وربنا يباركلك فيها ويديك خيرها ويكفيك شرها ...

الله يبارك فيك ياباشا

متشكر على ردك

المشاركة الأصلية كتبت بواسطة Amr Azzam

ممكن رقم الحاج أحمد مشعل أو نصيحة لكيفية الوصول له؟

أرقام التليفونات أهي :

0199999753 - 0127423977 - 0199999754 - 0101187339

وفي موضوع إعلاني عن جينز كار ممكن تراجعه وهاتلاقي فيه كل حاجه

ولو عايز العنوان : 6 شارع عمر زعفان من شارع الطيران خلف حى مدينة نصر .

تفاصيل العنوان :

لو جاى من شارع مصطفى النحاس (من ناحيه مكرم عبيد) ... هتدخل يمين فى شارع الطيران (على ناصيته جامع نورى خطاب) ... اول ماتدخل هتلاقى بنزينه شل على ايدك اليمين ... تقوم داخل اليمين اللى بعده على طول ... تعدى تقاطع صغير .. هتلاقى جينز كار على ايدك اليمين .

لو جاى من شارع النصر هتدخل شارع الطيران يمين (رابعه العدويه على يمينك) .. وتفضل ماشى لحد اخر لفه فى الشارع (قبل ماتطلع على مصطفى النحاس) ... وتدخل معاها شمـــال و تدخل الشارع اللى قدامها ... وتعدى التقاطع هتلاقى المحل على ايدك اليمين .

وللدخول على الموضوع الإعلاني من هنا => http://www.nilemotors.net/Nile/133983-a.html

المشاركة الأصلية كتبت بواسطة amr azzam

شكرا جدا على الرد أخي الفاضل. الأول بس، في وصفة الي جاي من طريق النصر، انت كنت تقصد رابعة على شمالي وأنا داخل في الطيران، صح؟

اسمحلي بس اخد شوية معلومات منك، أنا استلمت عربية نفس الي معاك، ومتابع مشاركاتك الي دايما بتكون مفيدة جدا بالنسبة لي، أحسن الله اليك اخي الكريم :)
فيما يخص الفرش، التكلفة بتكون اد ايه تقريبا؟ الخامات الي هاختار منها هاتكون ايه؟ وانت تنصح بايه؟

موضوع أخر مقلقني شوية، أنا استلمت العربية من غير كاسيت، مع اني عارف ان الهاف سبورت بتنزل بيه. أنا لسه ماروحتش صيانة الالف، ومش عارف أتكلم في مركز الخدمة لما أروح، ولا ملهمش دعوة وده لازم يتحل مع الموزع الي جبت منه؟

جزاك الله خيرا، وسامحني لو كنت بطول عليك :)

العفو ياباشا أي خدمه .. بالنسبه للوصفه انت لو ماشي في شارع الطيران أيوه هاتخلي رابعه العدويه على شمالك مظبوط , انما المقصود في الوصف انك تخليها على يمينك يعني تكون انت على صفها وتدخل الشارع اللي على ناصيته جامع رابعه العدويه وتكمل العنوان زي مافي الوصف .
وبالنسبه لموضوع الفرش انا الفرش بتاعي اتكلف بالظبط 1300 ولو انت تابعت موضوعي بتاع تركيب الفرش هاتعرف اتعمل ايه بالظبط , لكن انت ممكن تختار خامات أقل او مثلا ماتعملش الخياطه الدبل لأنها لوحدها بـ 200 جنيه . والخامات الأرخص مش وحشه ولا حاجه بس الواحد قال بالمره يعمل حاجه نظيفه وثمنها يكون فيها ان شاء الله , وماتقلقش من الموضوع ده الحاج أحمد مشعل بسم الله ماشاء الله هاتلاقيه هو لوحده بينصحك تعمل ايه أو تختار ايه بالنسبه للألوان وكده ولو اخترت حاجه مش ماشيه مع ألوان العربيه هاتلاقيه بيقولك مش هاتبقى حلوه أوي ( في الحته دي الحاج أحمد عنده ضمير أوي ) أما بخصوص انا انصحك بإيه .. فطبعا لو كنت انت عامل حسابك على مبلغ كويس زي اللي انا دفعته يكون أفضل عشان تاخد خامات كويسه , لكن حتى لو أخدت الخامه الأقل في السعر ان شاء الله مش هاتبقى وحشه , والحاج أحمد بيديلك ضمان ان لو حصل للفرش أي حاجه بترجعله بيه ماتقلقش.

أما بقى بخصوص انك استلمت العربيه من غير كاسيت دي بصراحه حاجه مش كويسه لأن حتى العربيات الأقل في فئتها بتنزل بكاسيت نوعه غريب كده اسمه سيمفوني تقريبا .
طيب انت لما جيت استلمت العربيه ماسألتش عن الكاسيت ؟ ولو سألت قالولك ايه مثلا ؟
يمكن هم شايلين ثمنه من ثمن العربيه مثلا الله أعلم , لأني أعتقد لما تروح التوكيل هايقولولك ان ممكن تغير النوع الغريب اللي بينزل ده بكاسيت كينوود زي اللي عندي , لكن حتة ان مايبقاش في كاسيت أصلا دي أعتقد بتبقى مع الموزع .
شوف كده ورد عليا وان شاء الله اللي فيه الخير يقدمه ربنا . ولو ليك حق طبعا ماتسكتش عليه

المشاركة الأصلية كتبت بواسطة amr azzam

سؤال أخير، أوعدك ان يكون الاخير ان شاء الله :)

أنا المفروض أعمل صيانة أول 1000 كيلو فين؟ في حد قالي ان في مركز خدمة على طلعة المقطم من الاوستستراد، مضبوط؟ أصل ده قريب شوية مني.

جزاك الله خيرا على الافادة.

بص ياباشا الفروع اللي أنا أعرفها أهي :
1- المركز الرئيسى دايموند موتورز: كيلو 28 القاهرة -اسكندريه الصحراوى
تليفون:35390902-35390903-35390905-35390906
للأستعلام:16606

2-مركز السعودى جروب:كيلو 21 اول طريق القاهره-الاسماعيليه الصحراوى منزل الطريق دائرى
تليفون:16512

3-شركه المصيلحى لتوزيع و صيانه السيارات:الكيلو 16 طريق القاهره-الأسكندريه الزراعى(قليوب)
تليفون:42156153-42106308-01003110007

بس الأحسن من ده كله انت تكلم الرقم اللي موجود عندك على القزاز الأمامي للسياره اللي هو 16606
وهم هايخدوا بياناتك كلها ويقولك على أقرب فرع ليك ياباشا .
بالتوفيق ان شاء الله

المشاركة الأصلية كتبت بواسطة JOKER_KLEN

استهلاك كتيرر اواواواواى

على فكره انا كنت داخل النهارده ناوي أقولك على حاجه لقيت ردك ده هنا

أنا آسف جدا على الخطأ .. في تعديل في الاستهلاك انا ماكنتش واخد بالي كويس

أنا كنت الاسبوع اللي فات في اسكندريه , وانا راجع فولت العربيه وروحت مصفر عداد الـ Trip
المهم لما وصلت بالسلامه أول امبارح بصيت على العداد كان عامل 240 كيلو ولسه معايا نص التانك بالظبط والكلام ده وانا مشغل التكييف طول الطريق . يعني الاستهلاك اللي قولتلك عليه اكيد مش مظبوط خالص
, فكده التانك كله بيعمل حوالي 400 كليو أقل حاجه , بس طبعا انا مش باسيب العربيه لحد ماتبقى على الجنط يعني .. بحب أفول وانا لسه معايا شرطتين كده . والتفويله بتكون بحوالي 65 جنيه على الأكثر لأنها بيكون لسه فيها بنزين .

أعتقد كده الاستهلاك معقول بالنسبه اني مشغل التكييف طول ماانا ماشي .

أرجو أكون أفدتك .
تحيـــــــــــاتي