مشكلة في الكيا سيفيا ارجوا المساعدة ضروري

**mshmshm3** · 18-08-2012 02:24 PM

العربية بتاعت واحد صاحبي هي كيا سيفيا موديل 2001
البداية كانت العربية بتبطل لوحدها و الار بي ام مش مظبوط راح نضف الرشاشات و غير بوجيهات و سلك البوجيهات فضلت نفس المشكلة و فجاة جابت جوان وش سلندر ودها لميكانيكي عمل عمرة و نفس المشكلة قالو دي مشكلة كهرباء غير المباين و محصلش اي تغيير بعدها جابت وش سلندر تاني وداها لميكانيكي تاني و غير الموتور بواحد استيراد لاقاها بتسخن قاله الرادياتير مسدود عايز يتسلك سلكه و مبقتش تسخن بس لسة بتبطل و هي واقفة و لما يزود بنزين الشمكان يفرقع
كدة ممكن يكون العيب فين صاحبي دفع كتير اوي عليها قولتله انا هسأل وحوش الكيا هما اللي هيقولو المفيد

**exact** · 18-08-2012 05:01 PM

شك في توصيل وحدة الكمبيوتر بالموتور... هل الكمبيوتر بتاع العربية اتغير مع الموتور؟؟

**mshmshm3** · 18-08-2012 06:46 PM

المشاركة الأصلية كتبت بواسطة exact

شك في توصيل وحدة الكمبيوتر بالموتور... هل الكمبيوتر بتاع العربية اتغير مع الموتور؟؟

قصدك الكنترول بايظ ولا في مشكلة و ممكن تتحل ؟
كمبيوتر العربية ما اتغيرش مع الموتور لا

**the9ranger** · 18-08-2012 11:13 PM

شوف الايدل كنترول والحساس بتاعو كمان شيك عليهم وبعد كده شوف الكنترول ممكن يكون فى مشكله انا عارف واحد بيصلحو لو فى مشكله انا تحت امرك بس شيك الاول على الايدل وحساسه علشان تبقى خفيفه عليك شويه فى الاول وهوه ان شاء الله المشكله مش هتخرج عن الاثنين دول

**the9ranger** · 18-08-2012 11:13 PM

المشاركة الأصلية كتبت بواسطة exact

شك في توصيل وحدة الكمبيوتر بالموتور... هل الكمبيوتر بتاع العربية اتغير مع الموتور؟؟

مش لازم على فكره يغير الكنترول مع الموتور

**mshmshm3** · 19-08-2012 02:47 AM

المشاركة الأصلية كتبت بواسطة the9ranger

شوف الايدل كنترول والحساس بتاعو كمان شيك عليهم وبعد كده شوف الكنترول ممكن يكون فى مشكله انا عارف واحد بيصلحو لو فى مشكله انا تحت امرك بس شيك الاول على الايدل وحساسه علشان تبقى خفيفه عليك شويه فى الاول وهوه ان شاء الله المشكله مش هتخرج عن الاثنين دول

متشكر ليك جدا طيب هاخليه يكشف عليهم ولو طلع فيهم حاجة بعد اذنك ممكن تقولي يتصلحو فين

**shady4800** · 20-08-2012 05:47 PM

بص ياباشا كل الاعراض الى بتتكلم عليها دى احتمال كبير ان يكون قى صمام عندك اسمه egr مسدود وعايز يتنظف هتلاقيه تحت حساس الايدل بيتفك عادى هتلاقى الفيشة بتاعته 5 اطراف وان شاء الله ترجع العربية احسن

**mshmshm3** · 20-08-2012 11:25 PM

المشاركة الأصلية كتبت بواسطة shady4800

بص ياباشا كل الاعراض الى بتتكلم عليها دى احتمال كبير ان يكون قى صمام عندك اسمه egr مسدود وعايز يتنظف هتلاقيه تحت حساس الايدل بيتفك عادى هتلاقى الفيشة بتاعته 5 اطراف وان شاء الله ترجع العربية احسن

تمام اخليه يجربها
بيتنضف بمنظف الحساسات العادي ولا wd-40 ؟