| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 15

  1. #1

    الصورة الرمزية magic girl

    رقم العضوية : 126496

    تاريخ التسجيل : 23Jun2012

    المشاركات : 232

    النوع : انثى

    الاقامة : Dubai

    السيارة: Fiat Siena plus 2004 1.4 L

    السيارة[2]: Honda City 2009 1.5 L

    دراجة بخارية: في البلد دي؟! هع !

    الحالة : magic girl غير متواجد حالياً

    افتراضي عن الركن و البلطجة اتحدث !! - Facebook Twitter whatsapp انشر الموضوع فى :

    hasad">

    السلام عليكم..

    كل سنة و انتم طيبين جميعاً, و عيد سعيييييد " و يا ليلة العيد أنيستينا و الحركات دى "
    ربنا يعيد الأيام دى بخير, و البلد حالها ينصلح ياااا رب..

    كنت عايزة اتكلم عن حاجة حارقة دمى أوى.. قلت افضفض معاكم..

    هواا مييييييييييين مسؤول عن الركنة الموازية للأرصفة فى مصر, بمعنى أصح, مين مسؤول عن إنى لما أجى اركن, ألاقى واحد كده ناطلى من تحت كبوت العربية يقولى الركنة هنا ب 20 جنيه !!!

    يعنى حصلى موقفين, مرة كنت جاية أركن قدام سيتى ستارز من الشارع اللى ورا, ألاقى واحد يقولى 10 جنية " أصل انا هاخلى بالى من العربية !!" طبعاً هوا كان صغير و انا كان معايا واحدة صاحبتى فدخلنا فيه شمال و سبناه ومشينا..

    مرة تانية كنت جاية أركن فى الحسين موازى للرضيف, واحد بردو جالى كده " بس شكله سوابق" و بيقولى " 20 جنيه يا مداااام " ( طبعاً انا اتحرق دمى عشان مدام دى, هههههه).. المهم من هنا لهنا قعدت أقاوح فيه مع صحابى بردو و اديتله 10 فى الأخر.. و الغريب انى بقوله الظابط هناك أهو هاروح أقوله, يقولى بكل بجاحة " ما هما كمان بيسترزقوا معانا !! "
    ومكانش أمين واحد واقف, لأ الحسين فيه صف ظباط كده محترم " عشان مكان سياحى بقى, و باقى البلد تولع مش مهم! "

    هوا بجد البلد وصلت لكده, انا اللى اعرفه عن مهنة السايس انه بيساعد فى الركنة و خلاص وانا طالعة بديله اللى فيه النصيب برضايا, مش بلطجة كده !!

    و طبعاً لا بياخدوا بالهم ولا بينيلوا, واحد أخو صاحبتى ركن و ادى بردو فلوس لواحد, جيه حرامى شاله المرايات الجانبية, وطبعاً بخ بقى السايس ولا البلطجى ده..

    بجد ايه الحل فى الناس دى؟؟ ماهو مش رصيف ابوهم يعنى عشان ندفع بالهبل ده؟؟ لأ ومتضمنش لو مدفعتش ممكن يحصل إيه فى العربية..

    بجد حسبى الله ونهم الوكيل فيهم

    ~Only God Can Judge Me~


  2. #2

    الصورة الرمزية mohammedabdallh

    رقم العضوية : 45939

    تاريخ التسجيل : 01Sep2009

    المشاركات : 4,938

    النوع : ذكر

    الاقامة : الباجور/ منوفيه

    السيارة: لانسر كرستاله

    السيارة[2]: بيجو 504 +شاهين

    دراجة بخارية: نعم صينى

    الحالة : mohammedabdallh غير متواجد حالياً

    افتراضي -

    لما الموقف ده بيحصل معايا بقوله وانا خارج دقيقه واحده وخارج
    وانا خارج هب بركب فى العربيه والازاز مقفول واشاوره يخرجنى واى فكه فى ايده واجرى ههههههههههههههههههههههههه هههههههههه


    بس المشكله الى احنا عودناهم على كدا
    بمعنى اصح احنا السبب والى يتعمل فينا بقى يبقى من حقنا
    بلد تتتتتتتتتتتتتتتتتتتت

    اقوى واغلى 10 اسلحه بالعالم
    http://technology-mmm.blogspot.com/
    http://imageshack.com/a/img850/6764/4fdl.jpg


  3. #3

    الصورة الرمزية Elawany13

    رقم العضوية : 82537

    تاريخ التسجيل : 02Dec2010

    المشاركات : 11,874

    النوع : ذكر

    الاقامة : Egypt

    السيارة: الحمد لله رضااااااااا

    السيارة[2]: شاهين 2004

    دراجة بخارية: موتوسيكل صينى

    الحالة : Elawany13 غير متواجد حالياً

    افتراضي -

    فعلاً احنا السبب
    احنا اللى بنخاف وبندفع من سكات
    وتلاقى واحد علشان يريح ضميره يقولك من زكاة المال !!!!
    كانت بجنيه وبعد كده بـ 2 جنيه
    وترجع تلاقى العربية ممسوحه ومتروقة
    بعد كده التعريفة زادت وبقت 5 جنيه
    ودلوقتى بتقولوا 20 جنيه !!!!

    أنا غالبا بحاول ابعد عن الاشكال الضالة ديه
    ولو ركنت وطلعلى واحد بعدها مبعبرهوش


  4. #4

    الصورة الرمزية eng.m7md.ali

    رقم العضوية : 55300

    تاريخ التسجيل : 09Dec2009

    المشاركات : 8,794

    النوع : ذكر

    الاقامة : مدينة العبور

    السيارة: PROTON GEN2

    السيارة[2]: ...

    دراجة بخارية: no bike

    الحالة : eng.m7md.ali غير متواجد حالياً

    افتراضي -

    عادي .. بالنسبة لسيتي ستارز انا عندي اركن في الجراج ولا اركن في الشارع وادي الزفت ده فلوس
    وفي الاخر بركن في ميلسا ومبدفعش ولا مليم
    اما بالنسبة للحسين فانا بركن ورا مسجد السلطان قلاوظ وبردو مبدفعش ولا مليم او ممكن بظبط الراجل اللي هناك لاني بلاقيه غسل العربية والعجل وكدة

    eng f3lix سابقا


  5. #5

    الصورة الرمزية Ahmed_selmy

    رقم العضوية : 107820

    تاريخ التسجيل : 16Jul2011

    المشاركات : 1,679

    النوع : ذكر

    الاقامة : cairo

    السيارة: Fait127

    السيارة[2]: Nissan Tiida 2012

    دراجة بخارية: no

    الحالة : Ahmed_selmy غير متواجد حالياً

    افتراضي -

    معلش بقى دا حال الدنيا, والله انا بدائت افضل انى اركن جوا جراج سيتى استارز رغم انه حيكون غالى بس على الاقل حبقى مطمن على العربيه بتاعتى , واخر مره رحت فيها صن سيتى لاقيت البارك مجانى


  6. #6

    الصورة الرمزية mshmshm3

    رقم العضوية : 51635

    تاريخ التسجيل : 31Oct2009

    المشاركات : 1,932

    النوع : ذكر

    الاقامة : Egypt-Cairo

    السيارة: NoThInG yEt

    السيارة[2]: فيرناتيتي 2oo8

    دراجة بخارية: Honda CBR 900

    الحالة : mshmshm3 غير متواجد حالياً

    افتراضي -

    لا طبعا مييييين قال كدة الشارع ملك الدولة مش ملك لاي حد غير كدة بدفع اللي فيه النصيب و بمزاجي و ساعات ما بدفعش يعني مثلا خارج مشوار مصر الجديدة \ مدينة نصر و هقف حوالي 8 مرات تقريبا في كل مرة لازم ادفع 5 جنيه اقل حاجة عشان اركن ياما ما اضمنش اللي يحصل في العربية ؟ طيب هركن واجي الاقي العربية مش نضيفة مش هقول فيها خدش الناس دي تخاف ما تختشيش ولو ما دفعتش وقال كلمة ما عجبتنيش مارشدير و ارفصه و مالوش دية محدش هيقولي عملت ايه و اجري لكن 20 جنيه علشان اركن ده لو قالي كدة احطه في شنطة العربية و امشي


  7. #7

    الصورة الرمزية dede_dodo88

    رقم العضوية : 10065

    تاريخ التسجيل : 04May2008

    المشاركات : 1,630

    النوع : ذكر

    الاقامة : Heliopolis

    السيارة: BMW isA :)

    السيارة[2]: Opel Astra J HB

    دراجة بخارية: None

    الحالة : dede_dodo88 غير متواجد حالياً

    افتراضي -

    الموضوع بقى مستفز فعلاً, هو شحاتة بس بشكل مختلف..
    مرة واحدة كده و أنت طالع بعربيتك تلاقي سايس نطلك من تحت الأرض و عمال يشاورلك تعالى يا باشا لف كله و أرجع يا باشا,, يا سيدي صدقني أنا بعرف أسوق لوحدي مش محتاجك في حاجة.. في سلامة الله يا باشا كل سنة و أنت طيب,, ماشي شكراً و سلام و أنا قافل أزازي...
    سياس (جمع سايس) ايه دول اللي متبعترين في كل حتة أروحها حتى في الشوارع الجانبية, ياريتهم حتى بيساعدوا ألاقي مكان أركن فيه و لا بينضفوا العربية.. هما شاطرين بس ينطولك و أنت طالع عايزين فلوس!!
    أنا بضطر أدفع لما يكون معايا فكة و يكون حد عمل حاجة يستاهل عليها.. لكن غير كده مبفتحش أزاز العربية أصلاً بس الموضوع بجد بيأزم الواحد نفسياً على الفئة دي من الناس اللي بقت منتشرة بصورة مخيفة..

    [shfaf2]http://nileup.com/up/uploads/nilemotors_14667781721.jpg[/shfaf2]


  8. #8

    الصورة الرمزية magic girl

    رقم العضوية : 126496

    تاريخ التسجيل : 23Jun2012

    المشاركات : 232

    النوع : انثى

    الاقامة : Dubai

    السيارة: Fiat Siena plus 2004 1.4 L

    السيارة[2]: Honda City 2009 1.5 L

    دراجة بخارية: في البلد دي؟! هع !

    الحالة : magic girl غير متواجد حالياً

    افتراضي -

    اقتباس المشاركة الأصلية كتبت بواسطة mohammedabdallh مشاهدة المشاركة
    لما الموقف ده بيحصل معايا بقوله وانا خارج دقيقه واحده وخارج
    وانا خارج هب بركب فى العربيه والازاز مقفول واشاوره يخرجنى واى فكه فى ايده واجرى ههههههههههههههههههههههههه هههههههههه


    بس المشكله الى احنا عودناهم على كدا
    بمعنى اصح احنا السبب والى يتعمل فينا بقى يبقى من حقنا
    بلد تتتتتتتتتتتتتتتتتتتت
    :i_angr1[1]::i_angr1[1]:
    المشكلة مش فى الخروج, دول بيتشرطوا انى ادفع قبل ما انزل من العربية !!

    اقتباس المشاركة الأصلية كتبت بواسطة elawany13 مشاهدة المشاركة
    فعلاً احنا السبب
    احنا اللى بنخاف وبندفع من سكات
    وتلاقى واحد علشان يريح ضميره يقولك من زكاة المال !!!!
    كانت بجنيه وبعد كده بـ 2 جنيه
    وترجع تلاقى العربية ممسوحه ومتروقة
    بعد كده التعريفة زادت وبقت 5 جنيه
    ودلوقتى بتقولوا 20 جنيه !!!!

    أنا غالبا بحاول ابعد عن الاشكال الضالة ديه
    ولو ركنت وطلعلى واحد بعدها مبعبرهوش
    و الله عندك حق, انا بجد بقيت لما بلاقى كده باقف و اتكلم كتير او امشى و خلاص و اسيبه, بس المشكلة عشان بنت بقى ففاكرين انى هاخاف بقى و بتاع...

    اقتباس المشاركة الأصلية كتبت بواسطة eng f3lix مشاهدة المشاركة
    عادي .. بالنسبة لسيتي ستارز انا عندي اركن في الجراج ولا اركن في الشارع وادي الزفت ده فلوس
    وفي الاخر بركن في ميلسا ومبدفعش ولا مليم
    اما بالنسبة للحسين فانا بركن ورا مسجد السلطان قلاوظ وبردو مبدفعش ولا مليم او ممكن بظبط الراجل اللي هناك لاني بلاقيه غسل العربية والعجل وكدة
    جميل, و الأماكن هايلة, بس بقيت الشوارع؟؟ انا مش قصدى احدد اماكن معينة, بس فيه أماكن كتير الواحد بيضطر يركن فى الشارع.. =/

    ~Only God Can Judge Me~


  9. #9

    الصورة الرمزية magic girl

    رقم العضوية : 126496

    تاريخ التسجيل : 23Jun2012

    المشاركات : 232

    النوع : انثى

    الاقامة : Dubai

    السيارة: Fiat Siena plus 2004 1.4 L

    السيارة[2]: Honda City 2009 1.5 L

    دراجة بخارية: في البلد دي؟! هع !

    الحالة : magic girl غير متواجد حالياً

    افتراضي -

    اقتباس المشاركة الأصلية كتبت بواسطة mshmshm3 مشاهدة المشاركة
    لا طبعا مييييين قال كدة الشارع ملك الدولة مش ملك لاي حد غير كدة بدفع اللي فيه النصيب و بمزاجي و ساعات ما بدفعش يعني مثلا خارج مشوار مصر الجديدة \ مدينة نصر و هقف حوالي 8 مرات تقريبا في كل مرة لازم ادفع 5 جنيه اقل حاجة عشان اركن ياما ما اضمنش اللي يحصل في العربية ؟ طيب هركن واجي الاقي العربية مش نضيفة مش هقول فيها خدش الناس دي تخاف ما تختشيش ولو ما دفعتش وقال كلمة ما عجبتنيش مارشدير و ارفصه و مالوش دية محدش هيقولي عملت ايه و اجري لكن 20 جنيه علشان اركن ده لو قالي كدة احطه في شنطة العربية و امشي
    و الله عندك حق, بجد مفيش دم عندهم.. لأ و بيتكلم بثقة, و أصل الظباط بيستنفعوا ! كنت هاشد فى شعرى اصلاً !! و المشكلة بقى زى ما قلت, بنت بقى فهاتدفع و هيا ساكتة!! طب يعنى مفروض اطلع الالكتريك مثلاً عشان اخوفه ولا إيه؟!!

    اقتباس المشاركة الأصلية كتبت بواسطة dede_dodo88 مشاهدة المشاركة
    الموضوع بقى مستفز فعلاً, هو شحاتة بس بشكل مختلف..
    مرة واحدة كده و أنت طالع بعربيتك تلاقي سايس نطلك من تحت الأرض و عمال يشاورلك تعالى يا باشا لف كله و أرجع يا باشا,, يا سيدي صدقني أنا بعرف أسوق لوحدي مش محتاجك في حاجة.. في سلامة الله يا باشا كل سنة و أنت طيب,, ماشي شكراً و سلام و أنا قافل أزازي...
    سياس (جمع سايس) ايه دول اللي متبعترين في كل حتة أروحها حتى في الشوارع الجانبية, ياريتهم حتى بيساعدوا ألاقي مكان أركن فيه و لا بينضفوا العربية.. هما شاطرين بس ينطولك و أنت طالع عايزين فلوس!!
    أنا بضطر أدفع لما يكون معايا فكة و يكون حد عمل حاجة يستاهل عليها.. لكن غير كده مبفتحش أزاز العربية أصلاً بس الموضوع بجد بيأزم الواحد نفسياً على الفئة دي من الناس اللي بقت منتشرة بصورة مخيفة..
    و اللى بيقفوا فى الاشارات عشان يوسخوا ازاز العربية بعدين يلزقوا وشهم فى الازاز جمبى, ههههههههه, بجد فعلاً الواحد لو مشى و كان بيدى كل سايس يقابله فلوس مش هايلاقى ياكل من كترهم !!

    ~Only God Can Judge Me~


  10. #10

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    للأسف العيب ع الناس و اللي بيخافوا و يدوا او لما تكلم يقولك حرام أصله واقف ما الواحد بيقف يشتغل 12 ساعة و يمكن اكتر و لا هو حرام و احنا حلال فينا

    نيجي بقي لنوع السايس البلطجي و اقرب مثل لسه حاصل معايا من فترة قريبة في روكسي طبعا كله شايفهم واقفين اللبس الفسفوري و مكتوب شركة ايه و محافظة القاهرة و بالتذاكر اعتقد انهم مأجرينها من المحافظة لأني كنت اسمع ياما بتبقي تبع المحافظة و اللي واقفين معاهم كارنيه المحافظة ياما بتتأجر فواقفين بالتاذاكر لقيت اللي جاي بيقولي 3 ج الركنة و 2 ج ليا كنت هطول لساني قولتله انا بدفع اللي بدفعه
    و يا ريت في الشوارع العامة ده حتي في الشوارع الداخلية الاقي سايس اللي يعرف العطارة الهندية في عباس العقاد فيه هناك كذا محل الشارع طبعا يعتبر متفرع من عباس العقاد لكن مش لدرجة يقف فيه سايس برده تلاقيه ناطط
    و لا العتبة بـ20 ج اذا كان عجبك و كلهم واقفين بمواسير الماية او الشومة جنبهم و طب و ع ايه فيه هناك باركنج متعدد الادوار قدام المديرية الركنة بالساعة و في كل دور عدد لا بأس به من اللي واقفين يساعدوك ع الركنة و واقفين بالشوم برده و مواسير المية عشان اي حاجة تحصل

    للأسف العيب غير ع الناس اللي بتدفع و المفروض محدش يقبل يدفع الا بمزاجه او ميدفعش هو حر ديه شوارع عامة مش جراجات خاصة بالاضافة ان العيب برده ع اللي سايبيهم في الشوارع زي الميكروباصات و فعلا معاك حق الكلام ده اتقالي كتيير لما بقوله الشرطة يقولي نفس الجملة مهما بيسترزقوا مننا يا باشا طب اقوله ايه ؟؟

    و اللي يجي يقولي ادفع الأول بقوله انا بدفع لما ارجع يقولي 3 ج اقوله انا بدفع زي ما بدفع لو الواد واخدها بلطجة مبدفعش حاجة و بمشي و اسيبه يخبط دماغه في اجدعها رصيف

    و ما شاء الله انا وقفت مع واحد فيهم بس مش من النوع السابق كان راجل كبيير و باين عليه محترم مش بلطجي زي الاشكال اللي بنشوفها بنتكلم و بشوف ايه دماغ الناس ديه الراجل كان معاه صنعة ( نقاشة و تشطيبات ) و حصلتله مشاكل و قفلوا له محله بالوسايط و عشان ياخدوا المحل و يضموه مش فاكر القصة اوي فسابها و اشتغل سايس ما شاء الله اللي كان بيكسبه في سنة بيكسبه في اقل من شهر
    بس الراجل يستاهل لأنه مبيقولكش هات ده مكنش راضي ياخد فلوس مني حتي و اي حد يطلع اللي يدهوله ناس طلعت مدتوش حاجة عادي متكلمش و لا حتي بص بتناحة

    و عامة انا اوقات كتير مبقتش انزل بالعربية عشان اريح نفسي من الركنة ان مكنش سايس تلاقي اللي حاطط طوب و حديد و يقولك متركنش هنا
    و ده مثل من اللي بيحصل معايا بس يومها مسكت نفسي عشان اللي معايا باقي الوقت لما بكون لوحدي او مع اصحابي بيبقي الشخص هو اللي جابه لنفسه
    http://www.nilemotors.net/Nile/261739-a.html

    ياما قرف السواقة و الميكروباصات فبقيت اسيب العربية و انزل مواصلات ارحم



 
صفحة 1 من 2 1 2 الأخيرةالأخيرة

المواضيع المتشابهه

  1. البلطجة النسائيه
    بواسطة midoabdeen في المنتدى المنتــــــدى الاجتمــاعى
    مشاركات: 2
    آخر مشاركة: 14-12-2011, 07:45 PM
  2. الحل فى البلطجة !
    بواسطة MarwanKh في المنتدى المنتــــــدى الاجتمــاعى
    مشاركات: 27
    آخر مشاركة: 27-06-2011, 01:10 AM
  3. فيديو عن البلطجة
    بواسطة tamatemo في المنتدى المنتــــــدى الاجتمــاعى
    مشاركات: 13
    آخر مشاركة: 26-05-2011, 02:06 AM
  4. منتهى قمة البلطجة
    بواسطة maka في المنتدى المنتــــــدى العـــــــــــام للسيــارات
    مشاركات: 23
    آخر مشاركة: 10-03-2011, 02:08 AM
  5. البلطجة فى السواقة
    بواسطة lada2010 في المنتدى المنتــــــدى العـــــــــــام للسيــارات
    مشاركات: 30
    آخر مشاركة: 04-02-2010, 07:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2