صني ولا اوبترا ولا النترا 2007-2008 اوتو

**dr_mango2008** · 21-08-2012 07:44 AM

اعضاء منتدي نايل موتورز الكرام كل عام وانتم بخير

محتار في عربية من التلاتة دول :
اوبترا 2007-2008
النترا 2007-2008
صني 2007-2008
كلهم اوتوماتيك في حدود مبلغ من 70 - 74 الف
ترشحولي انهي عربية في دول وشكرا لردكم مقدما
تحياتي

**ahmedteam** · 21-08-2012 11:50 AM

خليك فى الصنى اكثرهم اعتماديه و توكيل محترم بشهاده ملاكها

و لو الكورى و اليابانى نفس السعر اشترى اليابانى طبعا

بس لو انت مرتاح لعربيه اكثر من الثانيه اشتريها علشان متندمش نفسك

و فى جميع الاحوال اعمل استخاره و ربنا يوفقك للخير

**mado83** · 21-08-2012 12:48 PM

النترا او صنى

**M_SALLAM** · 21-08-2012 05:22 PM

خليك فى الأوبترا لأنها اريح و اوسع من الصنى لأن عفشة الصنى ناشفة اوى و بلاعة بنزين و الكنبة الخلفية ضيقة جدا ...

**S O P H O S** · 21-08-2012 05:30 PM

بالنسبة ليا الصني افضل
وتيجي بعدها الالنترا
والله اعلم ..

**Youssef.Awad** · 21-08-2012 08:29 PM

صنى ثم اوبترا ثم الانترا

**amrelsaqqa** · 21-08-2012 09:45 PM

انا لما كنت بقارن ، كنت بفكر في الصنى بس لما قعدت فيها من ورا لقيتها ضيقة بطريقة مستفزة ، رجلى اتحشرت بين الكرسى والكنبة وانا جاى انزل منها !

وفي الاخر بخلص في كورولا 2001 ! عربية زي الفل

لو مش هيهمنى الكنبة يبقى الصنى افضلهم ، ومعلوماتى عن الالنترا انها عربية محترمة وكنت بفكر فيها بشدة ، مش عارف الناس بتشتم فيها في الموضوع ده ليه

**Dawns_Mist** · 21-08-2012 10:51 PM

المشاركة الأصلية كتبت بواسطة amrelsaqqa

انا لما كنت بقارن ، كنت بفكر في الصنى بس لما قعدت فيها من ورا لقيتها ضيقة بطريقة مستفزة ، رجلى اتحشرت بين الكرسى والكنبة وانا جاى انزل منها !

وفي الاخر بخلص في كورولا 2001 ! عربية زي الفل

لو مش هيهمنى الكنبة يبقى الصنى افضلهم ، ومعلوماتى عن الالنترا انها عربية محترمة وكنت بفكر فيها بشدة ، مش عارف الناس بتشتم فيها في الموضوع ده ليه

الصني فعلا ضيقة من ورا خصوصا لطوال القامة ... غير كده بصراحه عربية ماتتعايبش غير إن شكلها قدم شوية لكن صاجها محترم بيخلي شكلها مايبانش عليه العمر خالص ..

الإلنترا مش سيئة للدرجة دي .. بس يمكن من كتر انتشارها بقيت بشوف فيها عيوب كتير ممكن تكون العيوب من سوء الاستخدام لإنها منتشرة ، لكن فيه حاجات ملفتة جدا ..
لما ألاقي عند ميكانيكي واحد 6 عربيات في يوم واحد بيغيروا دسك و اسطوانه إلنترا موديل سنة فاتت ، و لما عربية واحد صاحبي ماشية 30 ألأف كيلو و صياناتها في التوكيل و تجيب بلي دبرياج و العملية تفتح لمشاكل أكبر .. و اللي كان بيضايقني إن أي مشكلة من دي بتحصل بتعمل مضاعفات كتير ... على عكس الياباني معايا بوما و جوز أختي تويوتا .. ممكن نمشي بيها 60 ألف كيلو و هي عايزه تغير مساعد مثلا و العربية عمرها ماتعمل أي مضاعفات ، أو مثلا يكون فيه مشكلة كبيرة في التبريد و أفضل ماشي بيها 15 ألف كيلو و عادي جدا ولا تزعل الموتور في حاجة و بعد مانضف الردياتير ترجع زيرو .... و لإني مهندس ميكانيكا و دخلت مراكز صيانة كتير كمهندس يعني فشوفت استهبال كتير بصراحه من عربيات كوري .. ممكن يكون من كتر انتشارهم مع سوء الاستخدام هو اللي خلى الشكل سيء كده .. لكن ده برضه يخليني دايما أبقى قلقان من صناعاتهم !!!

خلاصة الكلام عن الإلنترا ...
عربية طرية و ناعمة من جوه جدا بالنسبة لموديل 2007 - 2010
موتورها قوي
واسعه من جوه
لكن ثباتها سيء على السرعات العالية بالنسبة للفءة السعرية بتاعتها
الباور بتاعها عايز تعود لإه خفيف بزيادة طول الوقت
عايزه صاحبها يكون مهتم بيها دايما و يشيك عليها من وقت للتاني علشان يتجنب أي مشاكل

**amrelsaqqa** · 22-08-2012 12:00 AM

المشاركة الأصلية كتبت بواسطة dawns_mist

الصني فعلا ضيقة من ورا خصوصا لطوال القامة ... غير كده بصراحه عربية ماتتعايبش غير إن شكلها قدم شوية لكن صاجها محترم بيخلي شكلها مايبانش عليه العمر خالص ..

الإلنترا مش سيئة للدرجة دي .. بس يمكن من كتر انتشارها بقيت بشوف فيها عيوب كتير ممكن تكون العيوب من سوء الاستخدام لإنها منتشرة ، لكن فيه حاجات ملفتة جدا ..
لما ألاقي عند ميكانيكي واحد 6 عربيات في يوم واحد بيغيروا دسك و اسطوانه إلنترا موديل سنة فاتت ، و لما عربية واحد صاحبي ماشية 30 ألأف كيلو و صياناتها في التوكيل و تجيب بلي دبرياج و العملية تفتح لمشاكل أكبر .. و اللي كان بيضايقني إن أي مشكلة من دي بتحصل بتعمل مضاعفات كتير ... على عكس الياباني معايا بوما و جوز أختي تويوتا .. ممكن نمشي بيها 60 ألف كيلو و هي عايزه تغير مساعد مثلا و العربية عمرها ماتعمل أي مضاعفات ، أو مثلا يكون فيه مشكلة كبيرة في التبريد و أفضل ماشي بيها 15 ألف كيلو و عادي جدا ولا تزعل الموتور في حاجة و بعد مانضف الردياتير ترجع زيرو .... و لإني مهندس ميكانيكا و دخلت مراكز صيانة كتير كمهندس يعني فشوفت استهبال كتير بصراحه من عربيات كوري .. ممكن يكون من كتر انتشارهم مع سوء الاستخدام هو اللي خلى الشكل سيء كده .. لكن ده برضه يخليني دايما أبقى قلقان من صناعاتهم !!!

خلاصة الكلام عن الإلنترا ...
عربية طرية و ناعمة من جوه جدا بالنسبة لموديل 2007 - 2010
موتورها قوي
واسعه من جوه
لكن ثباتها سيء على السرعات العالية بالنسبة للفءة السعرية بتاعتها
الباور بتاعها عايز تعود لإه خفيف بزيادة طول الوقت
عايزه صاحبها يكون مهتم بيها دايما و يشيك عليها من وقت للتاني علشان يتجنب أي مشاكل

مش عارف اقولك ايه
بس انت كدة خليتنى مرتاح اوى لشرائى الكورولا بعد ما كنت بقول ياريتنى كنت اجيب النترا برة وجوة وموديل حديث