الموضوع: محتاااااااررررر .....

الكليو مش بينزل منها زيرو حسب معلومات .... و برضه الساجا مالحقتش تتباع مستعمل !!!!
دي مقارنة غريبة !!!

عموما الفيرنا معروفة ... مش بيشتري الفيرنا غير اللي مش فارق معاه الثبات و الأمان كتير بمعنى إنه بيمشي بيها وسط البلد كتير أو بيسافر مش على سرعات عالية .. و كمان ضيقة من جوه و ناشفة .. لكن سحبها حلو ، و كماليات قليلة .

كليو عربية جميلة و خامات كويسه من جوه و كماليات معقولة و ثبات معقول برضه .. لكن في المستعمل تخاف منها جدا لإن فيها شغل كهربا محتاج صنايعية كويسين .. قطع غيارها متوفرة لإنها قديمة .. ولو فيه منها جديد ( ماظنش ) كويسه برضه لإن توكيلها محترم .. و ممكن تكون الاختيار الأنسب .. بس أظن اللوجان هي اللي تكون مكانها هنا دلوقتي ... لو اللوجان يبقى أفضل من الكليو كمان .

الساجا من أفضل عربيات الفئة دي .. ولو قطع غيارها متوفرة أو توكيلها كان أفضل من كده كانت هتبقى رقم واحد في مصر في الفئة دي .. كمالياتها أفضل من أي عربية بالسعر ده .. و موتور كويس جدا و شاسيه كويس .. صحيح صاجها ضعيف شوية ، لكن بالتناسب مع إن الشاسيه محمل فهي أمان .

انا اّسف كان قصدي لوجان و ليست كليو بس اتلغبط

عملا ب مبدا خير الامور الوسط يبقى اللوجان الاوتو , بمعنى ان الفيرنا فيها عيوب كتير و الساجا افضل من وجهة نظرى من اللوجان ك اداء بس يعيبها التوكيل و ندرة قطع الغيار و ارتفاع سعرها , انما اللوجان وسط اوى بينهم و عربية ممتاة و عالية عن الارض و واسعة جدا و ثباتها معقول جدا عن الفيرنا و لا يقلق كثيرا عن الساجا و مع انتشارها ف قطع الغيار هتبقى حنينة و متوفرة على عكس البروتون الساجا

لوجان
والله اعلم ..

و بالنسبة لموتور اللوجان
هل الموتور قوي زي الفرنا كدا ولا اداؤه اقل ؟؟
و شكرا للتعاون

لا مش بغباوة موتور الفيرنا و اللوجان زى الاوروبى الطلعة بتعته بتبقى تقيلى شوية مش بتفتح على طول ,, و على فكرة الفيرنا موتورها اشد من العربية بكتير و دا عيب مش ميزة

والله الرسول قال خير الأمور الوسط و انا رأيى رينو لوجان اوتو و للعلم موتور العربية مختلف تماما عن المانيوال لأن موتورها هو نفسه موتور الميجان 2 اللى كانت بتتباع فى يوم من الأيام بـــــــــــــــ 135 الف و الموتور كالأتى: 1.6 -110 حصان - 2 كامة و فتيس استيب ترونيك بتاع رينو سينك عكس الساجا 1300 - 94 حصان فتيس عادى من انتاج شركة ميتسوبيشى و كمان نيجى للبنزين اللوجان الأوتو يا سيدى بتستهلك 10 لتر او 11 لتر لكل 100 كيلو لكن الساجا على الرغم من انها 1300 و كامة واحدة و موتورها اقل من اللوجان الى انها بتستهلك 13 لتر لكل 100 كيلو و على كدة التانك بتاعها صغير 40 لتر بس ! بعكس اللوجان التانك بتاعها 60 لتر ..

كمان ابعد عن توكيل عز العرب و غنيله لأنه سىء جدا جدا جدا و ممكمن يقعدك 3 شهور لو مساعد باظ و حصلت والله فعلا و فى واحد كان معاه ساجا موديل 2011 و عربيته عاملة 9000 كيلو و فوتت موتور و عملوله عمرا و فوتت موتور تانى بعدها بأسبوع و طبعا القانون بيقول ان العربية طالما اتصلح فيها العيب و رجع تانى خلال الفترة القصيرة دى يبقى فى اختيارين ..
اما انهم بدلوله العربية بعربية تانية خـــــــــــــــــــــالص او يردوله المبلغ كــــــــــــــــــــامل طبعا هو اللى يقرر مش الوكيل ...

كمان اللوجان منتشرة اكتر من الساجا بكتير و عاملة زى الرز فى الشوارع فبالتالى مش هتقلق اوى من قطع الغيار لأنها فى انتشار و رخص مستمر و كمان ايضا مش هتقلق من سعر اعادة البيع و ربنا يوفقك فى اختيارك ...

ربنا يكرمك على التوضيح دا و أفادكم الله جميعا