الموضوع: سبورتاج ولا اوكتافيا ولا جيتا؟؟ ممكن نصيحة

شوف دلوقتي مبقتش في حاجة اسمها كوري وياباني وامريكي وغيره العالم بيتطور حوالينا واحنا لسه عايشين في عصر الجليد دلوقت بقت العبره بالنهاية يعني ده عامل ايه وده عامل ايه مش معنى ان امريكا مثلا عملت عربية بقت خلاص الاولى علشان صنعت في امريكا رغم ان ممكن جودتها تكون سيئة ولكن المصريين يقولوا لا دي صناعة امريكا

دلوقت الامركان نفسهم بيشتروا كوري والكوري دلوقت بدأ ينتشر علشان جودته في الطالع ماشئ على مستوى هيوصله لجودة فوق الممتاز ومعظم المصريين معاهم كوري (معظم المصريين معاهم كيا وبالاخص سيراتو) وبسم الله ما شاء الله عربية ليها وزنها والكل يشكر فيها و في ناس بيشتروها زيرو لغاية دلوقتي لانها عربية اثبتت نفسها بغض النظر عن دولة النشأ لكنها عربية ممتازه

علشان تعمل مقارنة صح شوف الجودة مقابل السعر والكماليات وحاجة تاني ياريت نطلع من دماغنا كلمة الغالي تمنه فيه لان دلوقتي بقيوا بيستعملوا العباره دي للتسويق في مصر لانهم عارفين احنا بنفكر ازاي

صدقني لو طلعت الكلمتين دول من دماغك هتختار العربية الصح

متابع لاني جربت الاوكتافيا 2010 من حوالي شهرين مع واحد صاحبي قبل ما اشتري النيو ريو وجربت السبورتاج 2012 مع خالي ولكن الجيتا حتى مشوفتهاش على الطبيعة علشان كده متابع الموضوع وهقول رأيي بعد مانشوف اي تقييم للجيتا

هممممممم الجيتا سعرها غالى شوية ومش بشوفها خالص زيرو عشان سعرها مش منافس بالنسبة لاوبشنها لو الجيتا tsi يبقى خليك فيها أنا شايف إنها أفضل من أوكتافيا والسبورتاج شايف إنها فئة تانية غيرهم ممكن تحطها فى المقارنة مع القشقاى طبعا القشقاى لاحظت انتشارها أكثر من السبورتاج وبقول كلمة نيسان ليها دور فى كدا
وأنا الحمد لله مجربتش ولا واحدة فيهم
بس هختار الجيتا لو فيه باسات كسر زيرو يبقى فل
لو 316 كسر زيرو يبقى فل برضه
لو318 بحالة ممتازة يبقى ميت فل

شاكر جدا النصايح الغالية..السيراتو لم تثبت نفسها بمرور الوقت وناس كتير ماشكرتش فيها..الحكم على اي عربية بيبقى بعد فترة من وجودها في السوق لاني اتقرصت جامد في كورولا جنوب اقريقي والاتوماتيك ال... بتاعها ..القشقاي كويسة بس اصغر من جوه ومن بره ومش مبهرة زي التانية

المشاركة الأصلية كتبت بواسطة romioo

شاكر جدا النصايح الغالية..السيراتو لم تثبت نفسها بمرور الوقت وناس كتير ماشكرتش فيها..الحكم على اي عربية بيبقى بعد فترة من وجودها في السوق لاني اتقرصت جامد في كورولا جنوب اقريقي والاتوماتيك ال... بتاعها ..القشقاي كويسة بس اصغر من جوه ومن بره ومش مبهرة زي التانية

برغم إن السيراتو ماسكة سعر ومنتشرة جدا جدا وفريق من الناس بيقول ممتازة والآخر بيقول مش حلوة

أما الكورولا الجنوب أفريقى فالعيب فيها كان جوهرى بصراحة مش عشان جنوب أفريقى بيقولوا عشان الفتيس ال إم إم تى

من غير نقاش كتير اوكتافيا وهتندم لو جبت اى عربيه تانيه

1-أوكتافيا
2-سبورتاج
3-جيتا
ده بالنسبة للأنواع اللى حضرتك كاتبها , بس المفترض ان السبورتاج برا المنافسه مع الاوكتافيا و الجيتا عشان دى فئه و دول فئه تانية السبورتاج تتقارن مع القشقاى مثلا , الجيتا بلاش منها بالذات لو dsg سبع سرعات عشان الجير ده فيه مشاكل

ممكن تشوف 316 او 318 مستعمل أحسن من اللى فات ده كله أو c-class أحسن و أحسن من كل ده

فوكس او قشقاي :)