معلومة مش متأكد منها على التكييف

**singlemedo** · 22-08-2012 03:58 PM

سلام عليكم..
بيقولو ان غلط تشغيل التكييف و ال rpm عالى يعنى وانت على طريق مثلا يفضل الكمبرسور يقوم وانت ممور عشان يقوم على سرعة هادية.. لو حد متأكد يأكد لنا بقى..

**m_marmoush** · 23-08-2012 12:50 PM

معلومة غلط 100000 فى ال 100
كومبريسور التكييف بيشتغل و يفصل بناء على درجة الحرارة و أنت ماشى على أي سرعة مليون مرة
بمعنى أن الكمبريسور بيشتغل و يفصل بعد ما بتشغلة طول مانت ماشى

**sanhory** · 23-08-2012 01:13 PM

معلومة صحيحة و لكن الكلام ده في اول التشغيل فقط عشان بتكون دورة التكييف كلها ساكنة و الفريون بيكون لسه خامل و غلط انك تفاجئه بالحركة على ار بي ام عالي

لكن بعد كده لو التكييف شغال و ال ار بي ام على 4 مثلا افصل و شغل زي ما انت عايز

الفكرة في اول تشغيلة للتكيف بس

**singlemedo** · 23-08-2012 01:34 PM

حيرتونى يا شباب.. ايه اخر كلام..

**Ibrahim88** · 23-08-2012 01:50 PM

لو شغلت التكييف و انت سايق اكنك بتحرق على الموتور حاجة بسيطة مش قضية

**megaman** · 23-08-2012 02:03 PM

معلومه غير صحيحه لانها غير وارده فى الكتالوج ولا يوجد منها تحذير وهما فى الكتالوج مش سايبين حاجه الا وكاتبينها والله اعلم وبعدين عملناها كتير ومحصلش حاجه

**mohamed1979** · 23-08-2012 04:54 PM

انا راكب عربيه مكيفه من اكتر من١2 سنه و عمري ما عملت الحركه دي و التكييف كان شغال و لا بيحصله حاجه و عمري ما شفت المعلومه في اي كتيب لتشغل العربيه لموديلات كتير مختلفه

**alaaosmanakl** · 26-08-2012 10:00 AM

مسألة انك تشغل التكييف والعربية ماشية بشرط إنك تمورها قبل تشغيل التكييف
اعتقد انها غير صحيحة . لأن في الاتوماتيك محظور وغلط ان تمور العربية وهي ماشية
يبقي ازاي لازم تشغل التكييف والعربية مور اثناء سيرها ؟؟؟؟؟؟؟

**singlemedo** · 27-08-2012 10:24 AM

شكرا يا رجالة على الردود..
هو الفكرة هل الكمبرسور بياخد سرعته من الموتور مباشرة ولا ملوش دعوة و بيشتغل بسرعة مختلفة...يتهيألى ان التانية هى الصح حسب كلامكم اللى انا اقتنعت بيه

**MohammedAladel** · 28-08-2012 05:03 PM

الفكرة إن الموتور فى حالة حركة سريعة والكمبرسور فى حالة سكون تام فلما تحمل عليه حمل مفاجئ وبعدد لفات عالية هيبقى حمل عالى عليه ومفاجئة لمحرك السيارة فى نفس الوقت والله أعلم