عاوز اغير مساعدين خلفى للاكسيل ..... ارجو المساعدة

**koshary** · 22-08-2012 08:06 PM

من فترة كنت غيرت مساعدين خلفى ب 180 جنية والعفشجى قالى حلوين ونوع اسبانى وتمام المهم العربية مسكت نفسها شوية لمدة شهرين او تلاتة وبعدين العربية بقيت خفيفة من من ورا عالاخر بدات اسمع صوت خبط من اليمين كشفت عالشكمان قولت يمكن العيب منه قالى زى الفل روحت للميكانيكى ومبقيتش اروح للعفشجى الميكانيكى بتاعى خليتو يعملو شغل العفشه المهم ربط العفشة قدام وزى الفل جينا للمفاجاه المساعد اليمين ورا الجلب بتاعتو بايظة وبيشخلل ومحتاج يتغير وفعلا انا كنت ناوى اغيرهم لان العربيه بقت صعبة جدا حتى وانا ماشى 100 كيلو ببقا مكلبش فى الدركسيون انما لو محمل بمشى عادى دلوقتى عاوز اغيرهم واجيب نوع كويس ايا كان السعر بس عاوز حاجه تظبط معايا الاداء

**Elawany13** · 22-08-2012 08:33 PM

خليك فى المونرو احسن
اعتقد دول انظف حاجه فى السوق

**mshmshm3** · 22-08-2012 10:29 PM

المشاركة الأصلية كتبت بواسطة elawany13

خليك فى المونرو احسن
اعتقد دول انظف حاجه فى السوق

+111111

**beshomilan** · 22-08-2012 10:35 PM

انا لسه جايب اتنين تايوانى ب 170 من شهر للاكسيل
سؤال بس
هو المونرو سعره كام اصلا وصناعته يه

**koshary** · 22-08-2012 10:42 PM

المشاركة الأصلية كتبت بواسطة amanda

لو سمحت يعنى ايه بتبقى مكلبش هوا المساعدين لما يحتاجوا يتغيروا بيخلوا العربية تعوم وانت ماشى؟ انا بفهم من حضرتك لانى عاوزة اوسع مفهومى للاعطال وبتظهر فى شكل ايه؟

عادة على سرعة الواحد لازم يمسك الدركسيون كويس علشان يعرف يتحكم فى العربيه لما تمسك الدركسيون كويس فى الملف بالذات بتبقى متحكم كويس فى قياس شدة المنحنى وبتقدر تعدى بسرعتك بكل سهولة من الملف يعنى عادة انا بمسك الدركسيون بايدى الشمال بس وايدى اليمين على عصاية الفتيس انما فى الملفات بمسك الدركسيون بطريقة 2:10 بطريقة عقارب الساعه

**koshary** · 22-08-2012 10:45 PM

المشاركة الأصلية كتبت بواسطة Elawany13

خليك فى المونرو احسن
اعتقد دول انظف حاجه فى السوق

واحد قالى هلاقيهم فى التوفيقية وقالى فى حدود 350 مش مهم السعر بس اعرف منين انهم اصليين

المشاركة الأصلية كتبت بواسطة beshomilan

انا لسه جايب اتنين تايوانى ب 170 من شهر للاكسيل
سؤال بس
هو المونرو سعره كام اصلا وصناعته يه

اهم حاجه الاداء عامل ازاى يعنى حسيت ان العربيه ماسكه نفسيها فى الملفات ومش بتتنطط فى الطريق انا بفكر فى المونرو او kyb بس لسه هنزل اسال واعرف الاسعار بس اكيد هيعدو 250 مش مهم السعر بس الواحد لازم يجيب حاجه كويسه مش كفاية العربية نازلة فيها عيب احنا لازم نعالجو على قد مانقدر

**Elawany13** · 23-08-2012 01:45 AM

المشاركة الأصلية كتبت بواسطة beshomilan

انا لسه جايب اتنين تايوانى ب 170 من شهر للاكسيل
سؤال بس
هو المونرو سعره كام اصلا وصناعته يه

أنا كنت شارى 2 مساعدين مونرو للشاهين من سنتين بـ 430 جنيه
وبسم الله ماشاء الله زى الفل
سألت عليهم السنة اللى فاتت سعره زاد وبقى 450 جنيه
وفيه نوع تانى بطبق وبيركب عليه سوست قصيرة بـ 500 جنيه

بالنسبة للخلفى معرفش سعرهم بكام
بس بسمع انهم ارخص بكتير
تقريبا فى حدود 250 جنيه (ده سعر سمعته من زمان قوى)

اهم حاجه تدور على التوكيل بتاعهم وتشترى منه علشان تاخد أفضل سعر
وعلشان تستفاد من الضمان لمدة عام
لو مش عارف التوكيل ممكن تسأل سواقين التاكسى هتلاقيهم عارفين
تقريبا التوكيل واحد اسمه لهيطة من كلام الاعضاء فى المنتدى
أنا اعرف توكيله فى طنطا

الصناعة مش مكتوب عليه حاجه
بس هوه أوروبى تقريبا بلجيكى أو ألمانى