الموضوع: Skoda Fantazia

المشاركة الأصلية كتبت بواسطة ahmed.fahmy

اهلا بيك
اافانتازيا تحفة طبعا وموضوع المشاكل دا ممكن فى فولكس بس لكن مش سكودا عشان الفتيس مختلف وطبعا فيها esp

توكل على الله

.
.
.
.

فيها asr (ليس له قيمة في مصر, النظام دة للثلوج في اوروبا و يعمل على السرعة من 0 الى 40كم. بيمنع زحلقة العربية لم بتبدأ تتحرك بيها) و ده جزء من نظام esp الجميل اللي كان بينزل في ال a5 . و الوكيل مابينزلوش في الفانتازيا لتقليل سعر السيارة, و الموزعيين بيضحكوا على الناس و بيقولولهم ان ال asr هو نفسه ال esp.
.
.
.
.

المشاركة الأصلية كتبت بواسطة oceanblue

السلام عليكم ورحمة الله و بركاته
على فكرة دى اول مرة اشترك هنا فى المنتدى:)
انا حاليا معايا عربية لآنسر 2010 و كنت عايز اغير و اجيب سكودا فانتزيا 2013 و كنت محتاج النصيحة لآنى سمعت إن العربيات الأوروبى أعطالها كتيرة.
و فى سؤال تانى هل الفانتزيا فيها نظام ال esp

و شكرا....

العربية ممتازة -- أعطالها (لا توجد) ما فيهاش esp وهو عمره مانزل فيها ( بس في واحد في المنتدي بيقول ان عربيته كان فيها ( ممكن نزل غلط )
العربية لو فيها حتلاقي زرار مكتوب عليه ESP بس الموجود هو ASR ولو حد قالك موجود خليه يوريهولك -- ومش موجود في الجيتا و برضه بتاع المبيعات حاول يقنعني ان ال ASR هو ال ESP -- هو غالبا مش فاهم لا ده ولا ده

عموما هي بالنسبة للانسر تبقي لانسر ب ESP -

بس خد بالك الياباني حاجة وألاوروبي حاجة --- لأول وهلة ممكن تحس ان اللانسر طيارة -- بس خد الأوكتافيا سفرية 5 ساعات وقوللي أخبار جسمك ايه و جرب في اللانسر وقوللي --

راحة- ثبات - سرعة - أمان - اعتمادية - وسع غير عادي

بس الشكل حيتغير في 2013 --- سيبك من حكاية موديل 2013 نازل في 2012

حاول تاخدها بسعر كويس -- ولو لاقيت 2012 ب 168 خدها ( هي هي )

المشاركة الأصلية كتبت بواسطة ahmed.fahmy

يا جماعة ازاى مافيهاش esp
انا شفت الزرار بتاع ال esp بنفسى مليون مرة فى عربية والدى انا متاكد

شوف هو واضح ان في دفعة نزل فيها ال esp بالغلط -- انا بتاعتي ما فيهاش وهي a5
وعموما سهلة يشوف العربية في المعرض ( كذا معرض) ويشوف الزرار مكتوب عليه asr ولا esp بس هي مش مكتوبة في الكتالوج بتاعها ( ميزة عن ال 508 اللي مش كاتب اصلا مواصفاتها خالص -- دور بنفسك واللي تلاقيه يبقي من نصيبك )

ما هو لو عايز ESP حيضطر يروح للباسات - 508- ستروين c5 - مرسيدس 180 حتي الجيتا مافيهاش ( مش متأكد من الموديل الجديد ) -- تحت دول مافيش ESP حتي الهايلاين من الفانتازيا مافيهاش ESP --- أوكتافيا عندهم بروشور حلو موضح امكانيات كل فئة وحتي كل الألوان المتاحة علشان ما دوخش نفسك -- روح معرض أرتوك -- وبرضه في معرض الرواد علي طريق اتوستراد المعادي في محطة وطنية --

فاكر زمان لما كانوا بشيلوا حزام الأمان من العربية علشان الجمارك