إستفسار لخبراء اللوجان

**beka_2017** · 25-08-2012 06:51 AM

انا جايب عربية لوجان 2013 بقالى حوالى اسبوعين عايز اسأل بخصوص نقطتين:-
1-مفتاح الكونتاكت سعات بيعصلج فى تدوير العربية بمعنى انه مابيدروش وبعدها بشوية الاقيه دار عادى ومعرفش السبب فهل المفتاح له طريقة معينة فى التدوير مع العلم انى جديد فى السواقة
2-فرامل اليد وانا مش رافعها(العصاية لتحت) بحس ان العصاية سايبة شوية بسيطة فهل دا طبيعى

**Mzeid** · 25-08-2012 07:37 AM

اولا الف مبروك على العربية :)

ثانيا بالنسبة للمفتاح ممكن يكون علشان عامل اللوك بتاع الدريكسيون من غير ما تقصد و هو انك بعد ما تشد المفتاح من الكونتاكت تلف الطارة لفة بسيطة فهتعمل لوك و الكونتاكت هيعمل لوك معاها و لو جيت تحرك الطارة مش هتعرف و لو حطيت المفتاح مش هيدور لازم تلف المفتاح و الطارة مع بعض

و بالنسبة لدراع الفرامل هو عندي سايب حاجة بسيطة يعني بتاع 3 مللي كدة تقريبا