صيانه 40000 للاوبترا

**activebob** · 25-08-2012 05:11 PM

تفاصيل صيانه 40000 اللى عملتها من يومين: زيت موبيل وفلتر: 300 جنيه تغيير زيت فتيس(اتوماتيك): 145 جنيه فلتر هواء: 60 جنيه فلتر تكييف: 60حنيه فلتر بنزين: 25 جنيه سير دينامو: 90 جنيه شداد سير دينامو: 300 جنيه سير كاتينه: 100 بليه كاتينه ثابته: 300 بليه كاتينه متحركه: 250 طلمبه مياه كورى: 225 بوجيهات: 65 تيل فرامل خلفى: 300 قربه مياه: 100 مصنعيه: 600 الاجمالى تقريبا: 3000 جنيه الصيانه كانت فى مركز منصورالرئيسى فرع الطيران ايه رايكم يا جماعه فى :التكلفه

**Hosam_Optrawy** · 26-08-2012 03:51 PM

التكلفه عاديه وفى حاجات كمان اسعارها ارخص من اللى اعرفه زى البوجيهات وفلتر البنزين

بس فى حاجات متغيره بدرى زى السيور وطلمبة الميه الحاجات دى المفروض على 55 الف والتوكيل حاليا بيطلب انك تعملها على 45 الف ليه عملوها فى ال 40 ؟ انا شخصيا مش ناوى اعملها قبل 50 الف

انا لسه عامل صيانة ال 40 ومغيرتش السيور ولا الطلمبه ولا التيل الخلفى

وباقى الحاجات لسه مغيرها فى ال 30 الف وال 35 الف فيعتبر مغيرتش حاجه دفعت بس مصنعية الصيانه وتنضيف البوابه

**Hosam_Optrawy** · 27-08-2012 05:10 PM

المشاركة الأصلية كتبت بواسطة activebob

اوبترا 2008 يا حسام باشا يعنى عدت الاربع سنين وفى المركز قالوا ان السيور لازم تتغير بعد 3 سنين وكمان طلمبه الميه غيروها اما التيل الخلفى كان فعلا عايز يتغير لكن شداد سير الدينامو مش عارف ليه غيروه .... وكمان المصنعيه كتيير ... انت رايك ايه

وانا زيك ياباشا 2008 والعربيه بقالها اكتر من 4 سنين

والمهندس قاللى اعمل حسابك الصيانه الجايه فى تغيير سيور وطلمبه وهاتاخد مش اقل من 3 ساعات والتكلفه حوالى 1900

بس انا ناوى اروح على 50 الف

المصنعيه غاليه بس كل التوكيلات كدا

انا دفعت 180 صيانة كل 5 الاف و 30 تنضيف بوابه + 10 % ضريبه الاجمالى 230 والعربيه متغيرش فيها مسسمار

اما انت مغير حاجات كتير فعشان كدا المصنعيه غاليه

**activebob** · 28-08-2012 03:40 AM

شكرا يا باشا على الاهتمام بالموضوع وافادتى برايك

**Usama Nagi** · 28-08-2012 05:42 PM

صراحة تكلفه عاليه قوي في صيانه ال 40 الف غير ان اللي اتعمل مش وقته

انا شايف ان التوكيل بعد الضمان ما يترحشي غير لصيانه ال 50 او ال 55 الف علشان تغيير السيور و ظبط تقسيمه الموتور غير كدا كله ممكن يتعمل عند ميكانيكي نضيف + قطع غيار اصليه من التوكيل