الموضوع: مرور السلام

اقذر وانجس مرور فى مصر مرور السلام بكل اللى شغالين فية امبارح علشان اجدد بس دفعت رشاوى 100 جنية مقسمين بين الشباك وبتاع البصمة والمهندس الزبالة و.....الخ ولا كمية البشر والحرامية يالهوى احقر مخاليق الله شوفتهم المهم ان الداخلية عارفة بكمية الناس الموجودة بسبب الضغط على هذا المرور القذر وسايبة الموضوع من غير ما توزع البهايم المتنيلين موجودين فى مرور السلام بلا داعى يعنى اية يجيب واحد من جسر السويس للسلام ولا القلج ولا المرج ولا ولا ياراجل بلا قرف ينعل ابو العيشة للى عايشينها عمرنا ما حننضف

واضح انك كتبت الموضوع وانت لسه راجع طازة من المرور
انا برضه تبع المرور ده وكل لما بروح بكره حياتي وبقول مفيش فايدة
سبب الازمة في الضغط المهول على المرور ده لانه لامم كذا منطقة بطريقة فيها استهبال واهمال
ولسه شغالين بالورق حتى الان وساعات كتييييير جدا ورق بيضيع داخل المرور وبتبقى ليلة
بس موضوع الرشاوي ده مش لدرجة 100 جنيه
انا بدفع 10 جنيه لبتاع البصمة وبصراحة الراجل ده غلبان اصلا اكيد مرتبه ملاليم
و20 جنيه انا فاكر اني دفعتها للمهندس اللي هو اكيد مش مهندس ولا حاجه
عشان يعدي العربية لانها كانت بطلع دخنة بيضاء بس بسيطة جدا
بس مفتكرش اني دفعت اكتر من كده رشاوي وانا زعلان طبعا ان اسمها رشاوي
المشكلة بقى كلها في كم الارف اللي بتشوفه من طوابير افران طويلة وخناقات بين الناس
والموظف اللي بياخد ورق بمنتهى البجاحة من خارج الطابور والموظف اللي سايب الشباك
وسوء التنظيم في كل شئ وضياع الوقت منك وتضطر تيجي تاني يوم ويمكن لتالت يوم
والاسوء بقى اني داخل الدوامة دي كمان يومين

وعلى فكرة في اقسام مرورية تانية ازبل من بتاعة السلام تصور بقى :)