غير معجب بالمشاركة

**Hussein_Ramdan** · 25-08-2012 07:45 PM

لية الناس بتستخدم الطريقة دى للانتقام
يعنى انا مثلا واحد مريض اختلافت معاة فى الراى
يقوم هو ازاى انا بئا اتجراء علية واختلاف معاة
اسمو تقريبا ahmedsamir5edr
الباشا عشان انا كلامى مش عجبو راح رزعنى 40 غير معجب
احب اقولو عادى مش مشكلة انا مبسوط انك انتا ضيعت من وقتك عشان تدور على مشاركاتى وتعمل غير معجب
انا بئا مش هنظر حتى ليك عشان مش هشغل نفسى بيك انا اكبر من كدة
طيب لية الطريقة دى ونا مش بتكلم عن نفسى بس الطريقة دى متبعة من ناس كتير فى المنتدى
المشكلة انهم فاهمين الموضوع غلط
يعنى هو لما عملى كدة ضمر مستقبلى
هههههههههه يعنى لو ابنى حب يخوش الكلية الحربية مش هيعرف عشان ابو عندو 40 غير معجب
هههههههههههههه هتظر فى الفيش
دى طريقة عيال
المفرود الحاجة تستخدم وقت اللزوم بس
لكن لازم الادارة تشوف حل للحوار تقنن الموضوع دة
يعنى تخلى عدد معين لليوم الواحد من من الشكر والغير معجب

**beshomilan** · 25-08-2012 08:05 PM

عادى كبر دماغك ولا تهتم

**Hussein_Ramdan** · 25-08-2012 08:08 PM

المشاركة الأصلية كتبت بواسطة beshomilan

عادى كبر دماغك ولا تهتم

ههههههههههههههه منا عملت كدة بردو بس المشكلة هو انو يفكر ياذى واحد ازاى دى كارثة
حتى لو اذاى مادى لكن معنوى
لكن بردو مش مشكلة انا بوجة رسالة على على المنتدا وبقولو باعلى صوتى

ادينى بئا الف غير معجب

**kaza** · 25-08-2012 08:15 PM

المشاركة الأصلية كتبت بواسطة hussein_ramdan

ههههههههههههههه منا عملت كدة بردو بس المشكلة هو انو يفكر ياذى واحد ازاى دى كارثة
حتى لو اذاى مادى لكن معنوى
لكن بردو مش مشكلة انا بوجة رسالة على على المنتدا وبقولو باعلى صوتى حمراااااااااااااااااااااا اااااااااااا

ادينى بئا الف غير معجب

ههههههههه والله ضحكتني وكل سنة وحضرتك طيب ويكون العيد سعيد عليك وعينا جميعا
موضوع الليكات والدسلايكات دة فعلا نفسي اعرف الغرض منة خصوصا وان فية ناس نهار وليل قاعد علي الكمبيوتر وقافل علي نفسة وهاتك ياشيزوفرينيا ونرجسية والحاجات بتاعة العباسية دي وفعلا ياريت الادارة تراجع الموضوع دة وتوضح الهدف منة اية وشوف بقي ياسيدي لو وقعت في ايد كام واحد مولفين علي بعض هيعيشوك اما تستسلم للكلام بتاعهم او تاوح وتلاقي ديسلايك بعدد شعر راس الواحد اللي طار
عموما ماتشغلش نفسك وخلي الواد يدخل الحربية بس حرام عليك ماتطلعوش ضابط لانة هيتعب اوي وربنا مايوريك حكم النفس علي النفس

**Hussein_Ramdan** · 25-08-2012 08:20 PM

فعلا هى عصابة
ماهو الباشا كان معا واحدة تانى بيساعدو بعض
وانتا طيب ياباشا فعلا الناس امثال حضترك والناس المتحرمة الى بتخلى الواحد يخش المنتدا

**ahmedsamir5edr** · 25-08-2012 08:33 PM

فعلا يا أخي عندك حق .. كل مشاركاتي في موضوعك كانت دفاع عنك ضد الحاقدين .. و في الاخر حضرت جيت شتمتني في الانبوكس .. انا وجدت انه الحل الافضل لاخراج الطاقه السلبيه هي ديسلايك لمشاركاتك اللي مش عجباني .. و ده كان الحل الامثل بدل شتيمه الانبوكس و الكلام الفاضي ده

**Hussein_Ramdan** · 25-08-2012 08:40 PM

انا بعتزر ليك قدام المنتدى كلو حصل غلط بينك وبين الكائن الغريب MHabib86
اناسف انااسف انا اسف
انا مش لقى كلام اقول ليك اية انا اسف انا محرج منك

**Hussein_Ramdan** · 25-08-2012 08:40 PM

انا رديت عليه يا استاذ حسين ..

و الله العالم دي لما بتعبرها بتديها اهتمام اكتر مما تستحق .. حقده ده بينعكس عليه اكتر من اي حد تاني .. و لا بيتهني بأي لحظه في عمره .. لان ديما يبص للي ناقصه

انا بعتذرلك انك اضطريت تقرا كلام هابط من شخص زي ده .. لكن للأسف ده الي بقينا نلاقيه في الشوارع و علي الارصفه و في الاشارات و كل مكان نتيجه تفاوت المستويات الاجتماعيه .
انا راجعت الموضوع كلو لكن فعلا انا كان قصدى الشخص الى انتا رديت علية
دى فعلا المشاركة بتاعتك
انا اسف ياباشا جدا وانا راضى لئى حاجة ترضيك انا اسف فعلا

**Hussein_Ramdan** · 25-08-2012 08:43 PM

انا بقرر اعتزارى ليك انا مردتش ابعت اعتذارى ليك على الخاص عشان انا ذكرت اسمك بالغلط على العام انا بعتذر ليك على العام

**ahmedsamir5edr** · 25-08-2012 08:52 PM

شكرا ليك يا أستاذ حسين ..

انت فعلا انسان محترم ..

انا بس استغربت بشده من الكلام و حسيت بتناقض رهيب .. فكان ده رد فعلي

و احنا اخوات في الاخر .. و من ملاك ال Four wheel drive زي بعض :D

انا اسف بشده و ربنا يوفقك في نقل الملكيه و الترخيص