نصيحة لو التكييف اتغير اداءه فجأة

**sanhory** · 26-08-2012 08:54 PM

لو في مرة ركبت العربية و شغلت التكييف و لقيت اداء التكييف مش هو الاداء اللي انت متعود عليه او حسييت ان المروحة الهوا اللي طالع منها مش هو الاندفاع اللي متعود عليه

قبل ماتروح لاى حد و يلعب في اي حاجة في العربية تفتح درج التابلوه و تمد ايدك وراه و تشوف هل في اي حاجة واقعة منه وراه عند التلاجة بتاعة التكييف

انا بقولكم النصيحة دي عشان اللي حصل معايا اني كنت مسافر شرم الشيخ و انا رايح و انا راجع مكانشي عاجبني اداء التكيف قوي و كان غير اللي انا متعود عليه و كنت بحس بالكومبريسور بيفصل كتير و مبيلحقش بشتغل

امبارح كنت بدور على ظرف كنت حاطه في درج التابلوه و ملقتهوش و انا من النوع اللي درج التابلوه عندي بيبقى مليان قلت لما امد ايدي ورا الدرج يمكن يكون الظرف وقع ورا و فعلا لقيته و بعد ما شيلته من عالتلاجة فعلا التكييف رجع لنفس اداءه المعهود و المروحة هواها بقى اقوي فا استوعبت ان الظرف كان سادد مكان سحب الهوا

انا قلت انقلكم التجربة يمكن حد يحصل معاه كده

**dr_radioooooo** · 26-08-2012 10:35 PM

جزاك الله خيرا عالتحذير

**windofchange** · 27-08-2012 03:52 AM

شكرا يا سنهوري بك عالنصيحة .... الله عالسيات ال133 يا دوك ") بس اللي يقدرها ويصرف عليها مش يبص لل2000 ولا ال4000 جنيه ويقول متستاهلش تتظبط مش كده ولاايه )

**sanhory** · 27-08-2012 10:41 AM

المشاركة الأصلية كتبت بواسطة dr_radioooooo

جزاك الله خيرا عالتحذير

جزانا و جزاكم الله كل خير

المشاركة الأصلية كتبت بواسطة windofchange

شكرا يا سنهوري بك عالنصيحة .... الله عالسيات ال133 يا دوك ") بس اللي يقدرها ويصرف عليها مش يبص لل2000 ولا ال4000 جنيه ويقول متستاهلش تتظبط مش كده ولاايه )

تسلم يا باشا