الحمد لله ربنا سترها

**AhMeD MeTwAlY** · 26-08-2012 11:18 PM

النهارده انا بحمد ربنا ان روحت بتنا سليم
بعد الاجهاد الكبير الي بعمله في اليوم
ولدي كلمني وقالي كلم ولاد عمك في البلد عشان عيزنهم بكرا نزلت وانا علي نصيت الشارع قابلت واحد من ولاد عمي بس بتهم جمبنا قولتله ما تيجي ننزل البلد سوه
المهم نزلن البلد والبلد بنها وبين البيت حوالي 5-7 كيلو والطريق كله مطبات هوي
واحنا رجعين وانا طالع من المستودع لقيت واحد بتاع لانسر كرستاله شادد ونازل ضرب غرز والعبد لله ماشي برحته لقيت واحد بتاع ربع نقل لزق في دهري وبيرعش وموتسكلين بيعدو من اليمين
اتخنقت
كبست بنزين والعربيه موتورها متفتح وسحبت معايا دخلت غرزتين شجعوني وحسيت بالثبات في الشاهين
قولت يله نحط علي بتاع اللانسر بالمره وهوب باخد الغرزه جت في حته في مطب هوي
واذا بالعربيه رايحه بوشها علي الشجر الي علي جمب والخوص بيخبط في القايم عندي
اول ما العربيه عومت رفعت رجلي من علي البنزين عشان لو العربيه عرضت هتتقلب بينا
لميت وش العربيه العربيه وعدلتها وروحت البيت
اول مره يحصلي الموقف دا
الله يرحمك يا فليشيا كانت بتاخد الغرزه علي 130-140 ولي كأنك بتعمل حاجه
ربنا يسترها معانا

**eng.m7md.ali** · 26-08-2012 11:24 PM

ربنا ستر
ياراجل متخليش حد يسخنك كدة وامشي براحتك
وميهمكش اللي بيقلبلك نور وبيديك كلاكس

**AhMeD MeTwAlY** · 26-08-2012 11:34 PM

المشاركة الأصلية كتبت بواسطة eng f3lix

ربنا ستر
ياراجل متخليش حد يسخنك كدة وامشي براحتك
وميهمكش اللي بيقلبلك نور وبيديك كلاكس

انا بحب امشي في هدو بفرد الكرسي شوية وفي ايدي سجاره ومشغل اغنيه هاديه جدا والصوت هادي واستمتع بالمشي في الهوي الطلق
ولما بيكون الوقت متأخر بركن واقعد علي العربيه شوية في الهوي النضيف مش بنعرف نشمه في حته تانيه بيكون في الجنبين اراضي مزروعه بيجي منها هوي رطب وهدؤ

**ahmedeihab** · 27-08-2012 12:10 AM

الحمد لله يا عم احمد قلتلك كذا مره الشاهين مش بتاعت الكلام ده

دى عايزه مشى فى السلانكاتيه لحد ما توصلك

اهدى شويه و ربنا يسترها عليك

^_^

**semi** · 27-08-2012 12:35 AM

ياراجل ده انت بنفسك اللي بتقول الشاهين مش بتاعة الحاجات دي
بس هي المشكلة فعلا لما حد يسخنك يبقى عامل زي الشيطان
متحسش بنفسك الا وانت بتجري

**Kefo_Honda** · 27-08-2012 02:14 AM

حمد الله على سلامتك , أنا زيك بالضبط كده لسة راجع من بره, بس اللي كان لاصق فيَّ من ورا بنتين راكبين عربية ميجان وعاملين بيرعشوا نور مكنتش أعرف إن اللي راكب بنت فأسبتها تسخن شوية وبعدين فتحت الطريق وسيبتها تعدي لقيتها بنت وعاملة تبصلي بقرف هي واللي قاعدة جمبها , قمت معديها وفضيلت اقفل عليها كتير وبعدين فتحتلها الشمال وأول أما جت جمبي حدفت عليها و رديت تاني هي افتكرتني هخبطها فحدفت وركبت على الجزيرة اللي في وسط الطريق, البنات معدش عندها حياء خالص و أنا اول مرة اعمل كدة مع حد والله بس تستاهل

**windofchange** · 27-08-2012 03:48 AM

ركبت الجزيرة يعني طلعت فوق الرصيف؟

**Y a r i s** · 27-08-2012 04:02 AM

حمد الله على السلامة يا بوحميد
انت المفروض بقه ياريس تدبح حاجة باربع رجليين. فداء لسلامتك وسلامت العربية وحوشلي نايبي ونايب احمد ايهاب على جنب هبقى اعدي عليك اخدوا هههههههههههه
يا اخي حاجة غريبة بيبقى الواحد عاوز يمشي على مهلوا وفي السليم وتيجي عربية وراك تسخنك. وعلى كلكسات وعلى نور عالي ده والي يغيظك اكتر مرات يبقى الطريق فااااااااضي. ويجي يمشي جمبك. تقلش بيونسك او يلزق في اكصدام عربيتك ويقولك وسعلي. حاجة غريبة. ربنا يتوب علينا من السواقين المقرفه دي يارب. والف الف الف حمدالله على السلامة يابوحميد وانكتبلك عمر جديد ياريس

**AhMeD MeTwAlY** · 27-08-2012 06:10 AM

المشاركة الأصلية كتبت بواسطة ahmedeihab

الحمد لله يا عم احمد قلتلك كذا مره الشاهين مش بتاعت الكلام ده

دى عايزه مشى فى السلانكاتيه لحد ما توصلك

اهدى شويه و ربنا يسترها عليك

^_^

ربنا يخليك يا بحميد المشكله انها عجبتني في اول غرزتين دا الي شجعني

المشاركة الأصلية كتبت بواسطة semi

ياراجل ده انت بنفسك اللي بتقول الشاهين مش بتاعة الحاجات دي
بس هي المشكلة فعلا لما حد يسخنك يبقى عامل زي الشيطان
متحسش بنفسك الا وانت بتجري

انا بمسك نفسي كتير بس النهارده كنت عايز انام وقولت همشي في هدؤ اروق اعصابي شوية لقيت دول قولت اروح احسن

المشاركة الأصلية كتبت بواسطة kefo_honda

حمد الله على سلامتك , أنا زيك بالضبط كده لسة راجع من بره, بس اللي كان لاصق فيَّ من ورا بنتين راكبين عربية ميجان وعاملين بيرعشوا نور مكنتش أعرف إن اللي راكب بنت فأسبتها تسخن شوية وبعدين فتحت الطريق وسيبتها تعدي لقيتها بنت وعاملة تبصلي بقرف هي واللي قاعدة جمبها , قمت معديها وفضيلت اقفل عليها كتير وبعدين فتحتلها الشمال وأول أما جت جمبي حدفت عليها و رديت تاني هي افتكرتني هخبطها فحدفت وركبت على الجزيرة اللي في وسط الطريق, البنات معدش عندها حياء خالص و أنا اول مرة اعمل كدة مع حد والله بس تستاهل

ربنا يسترها فعلا البنات حطين رسهم برسنا ميعرفوش ان الطريق ملوش كبير

المشاركة الأصلية كتبت بواسطة windofchange

ركبت الجزيرة يعني طلعت فوق الرصيف؟

اها هو الرصيف

المشاركة الأصلية كتبت بواسطة y a r i s

حمد الله على السلامة يا بوحميد
انت المفروض بقه ياريس تدبح حاجة باربع رجليين. فداء لسلامتك وسلامت العربية وحوشلي نايبي ونايب احمد ايهاب على جنب هبقى اعدي عليك اخدوا هههههههههههه
يا اخي حاجة غريبة بيبقى الواحد عاوز يمشي على مهلوا وفي السليم وتيجي عربية وراك تسخنك. وعلى كلكسات وعلى نور عالي ده والي يغيظك اكتر مرات يبقى الطريق فااااااااضي. ويجي يمشي جمبك. تقلش بيونسك او يلزق في اكصدام عربيتك ويقولك وسعلي. حاجة غريبة. ربنا يتوب علينا من السواقين المقرفه دي يارب. والف الف الف حمدالله على السلامة يابوحميد وانكتبلك عمر جديد ياريس

عيني يا باشا بس انت تشرفنا
واللهي الحجات دي يا غالي في مصر عامله زي العاهات المستديمه مش هتطلع من مصر ابدا

المشاركة الأصلية كتبت بواسطة طارق المحلاوى

فعلا ماتخليش حد يسخنك على الطريق ...وحمد لله على سلامتك

الله يسلمك يا باشا

-

الموضوع: الحمد لله ربنا سترها

LinkBack

أدوات الموضوع

عرض

-

-

-

-

المواضيع المتشابهه

ألحمد لله ربنا سترها معايا :)

الحمد لله ربنا سترها

الحمد لله اول حادثه ليا بالعربيه بس ربنا سترها

ربنا سترها والحمد لله

الحمد لله ربنا سترها معايا

الكلمات الدلالية لهذا الموضوع

المفضلات

المفضلات

ضوابط المشاركة