مساعدة في نقل الملكية والتجديد

**os.a.ma** · 27-08-2012 01:59 AM

انا الحمد لله لسه شاري عربية لانسر المهم معايا العقد المسجل بتاع العربية
العربية مرور مدينة نصر ورخصتها هتخلص في شهر 10 وعايز انقلها مرور القليوبية واجدد
عايز اعرف ايه الاجراءات اللي هعملها هنا في مرور القليوبية وايه اللي هيتعمل في مرور مدينة نصر وهل ينفع اجدد الرخصة قبل ما تخلص والا لازم استنى لبعد شهر 10 ؟؟

**ehab_mansour** · 27-08-2012 10:40 AM

الأفضل انك تبدأ في نقلها دلوقتي لأنك لو استنيت لما تخلص الرخصة هتحتاج شهادة بيانات و وجع قلب انت في غني عنه دلوقتي طالما رخصتك سارية
و بعدين طالما سجلت العربية و مضيت مشتري يبقي لازم تنقل ملكية العربية خلال شهر من تاريخ العقد و مينفعش تستني لأن وقتها العقد هيكون لاغي

المشاركة دي فيها تفاصيل نقل الملكية و التجديد شوفها و ربنا يوفقك لما فيه الخير و يعينك علي قرف المرور و بهدلته
http://www.nilemotors.net/Nile/30525...post3874490938

**ehab_mansour** · 28-08-2012 10:01 AM

المشاركة الأصلية كتبت بواسطة os.a.ma

انا العربية واخدها قبل رمضان بيوم فهل كدة العقد يعتبر لاغي ؟؟ ولو العقد لاغي ايه الاجراءات اللي هعملها تاني ؟؟ انا واخد العقد ودافع عليه 1200 جنيه معقولة هرجع اعمل عقد تاني ؟؟

اعتبر انك متعرفش حاجه و خد ورقك و روح افحص و رخص و شوف ايه هيحصل معاك

اللي اعرفه ان لو العقد اتمضي فيه بائع و مشتري يبقي لازم تتنقل الملكية خلال شهر لكن لو اتمضي بائع بس مافيش مشكلة لما تروح المرور هيمضوك مشتري و تنقل ملكية عادي علي الرغم ان الموظف في المرور أعتقد مبصش علي كده خالص هو تأكد فقط من تسلسل الملكية من المالك اللي في الرخصة الي المالك الحالي اللي هيستخرج له رخصة لعربيته باسمه