الموضوع: ظاهرة سرقة طاسات الفانتازيا

السلام عليكم,
نزلت من كام يوم لقيت الاربع طاسات مسروقين مع انى رابط كل واحدة ب2 أفيز... الحمد لله على كل شىء.

و من ساعتها وأنا ملاحظ عربيات فانتازيا كتير مسروق طاساتها. تقريبا فى حرامى تخصص فى الموضوع ده :)

المهم سألت عليهم وكانوا كالتالى:
1) أصلى جديد وكيل 165جم الواحدة, يعنى الطقم ب660جم.
2) أصلى مستعمل استيراد (االه أعلم استيراد ولا مسروقين) 100جم الواحدة, يعنى الطقم ب400جم .

مش عارف أعمل ليه بصراحه ,العربيه شكلها وحش أوى من غير طاسات. خايف أشترى طقم جديد الاقيهم اتسرقوا بعد كام يوم.

محدش يعرف وسيلة لتأمين الطاسات ضد السرقة؟ :(

ولا الحل ان الواحد يشترى جنوط سبور زى اللى بتنزل مع الهاى لاين... حد يعرف بكام؟

بس يا باشا انا حاقولك انا عملت ايه وكله على الله
فى افييز نحاس او معدن زى اللى بيتحط على خرطوم الغسالة بس بيبقى فيه منه مقاسات هات المقاس المناسب اللى هوه مش كبير ولا صغير يا دوب على قدها (وعلى فكرة النحاس شكله مش وحش عليها بل على العكس أحسن من المعدن) وركبه على الطسات الاصلى طبعا ولو مشيت بيها حتحس بحكه بسيطة فة الطنبور ودى حلها انك بعد ما تربط الافييز كويس بس مش جامد قوى علشان متجرحش الطسات نفسه تبقى تدخل ايدك من ورا الافييز وتطبقة لجوة شوية وبكدة مشكلة الحكه خلصت وحضرتك حتقولى مهو ممكن يفك الافييز بس الحرامى مش عايز الحاجة الصعبة ولا لسه حيقعد يفك واحدة واحدة الا لز هيه فى صحراء مثلاً لكن الافييز البلستيك بيقطعه بنفس المطوة اللى بينطر بيها الطاسه وبصراحة يعنى لو بعد كل ده اتسرقت فانه يستحقهم هاهاها وربنا يسترها معاك ومعانا جميعاً وعلى فكرة ممكن تبقى تزود افييز بلستك كمان مش بيبان