تحذير صغير

**hpxp** · 28-08-2012 06:26 PM

السلام عليكم
الي هيمشي علي الطريق ده يخلي باله لاني اتحدفت ببيضه الساعه 12:30 بليل من ناحيه الارض الزراعيه
الطريق ده في محافظه الشرقيه من عند بردين كده وتنزل تحتالكوبري وتخش الطريق الي يوديك
عزبه التامنين -الزهراء- ابو خليل- انشاص البصل -طاهره
ايوة حصل الحوار ده في الحته بتاعت ابو خليل قبل مصنع الاسفلت
بس شوف تساهيل ربك كنت جاري ومرة واحده هديت وهديت تاني علشان لقيت اتوبيس جاي عليا فا اضطريت اخش اوي ناحيه الارض وسمعت طااااااااااااك جامده قولت تبقي طوبه ولا حاجه وصلت الزقازيق لقيت املت علي الرفرف والكبود وحته من الازاز الامامي والباب سبحان لله كاني هديت علشان متجيش في الازاز
عموما صورتها بس للاسف بعد اما نظفتها لكن الاثار والريحه مشرفين
كنت هموت وانا بمسحها ريحتها زبال....
بس هي الناس دي مبتحسش يعني انا مسروق من والدي عربيه قبل كده وكان دافع فيها دم قلبه يعني شقي وتعب 20 سنه راح في ساعتين
واتزنقنا وقولنا نجيب عربيه بالقسط والحمد لله لسه دافع اخر قسط النهارده والتامين خلصان من 10 ايام
حسبي الله ونعم الوكيل
اخليكم مع الصور بس ارجع واقول بعد اما نظفتها
ده المنديل

اثار الصفار علي المرايه

ودول الي كانو علي المسحات بس قلبو اسود ليه مش عارف

ودي اثار الكبود

وده الي علي الباب وقلب اسود بعد اما نظفته برضه مش عارف ليه

**assaf** · 28-08-2012 07:02 PM

الحمد لله انها جت سليمه
بس يارت تروح قسم الشرقه وتبلغ علي الاقل تريح ضميرك

**Ahmed_Adham** · 28-08-2012 07:08 PM

بما انك بتقول جين ناحيه يمين الطريق. مش ممكن تكون البيضه بتاعت حمامه ووقعت من على شجره؟ قترح برضه تعمل بلاغ في القسم فى المنطقه اللي كان فيها الحادثه عشان يراقبو المنطقه (لو حد عنده ضمير يعني قرر يحقق في البلاغ).

**Khaled Lanos** · 28-08-2012 07:21 PM

حمد لله على سلامتك المهم انك بخير.

**hpxp** · 28-08-2012 07:33 PM

المشاركة الأصلية كتبت بواسطة assaf

الحمد لله انها جت سليمه
بس يارت تروح قسم الشرقه وتبلغ علي الاقل تريح ضميرك

والله علي الطرق الرئيسيه شادين شده تخلي الكبير يخاف وهعمل بلاغ اقولهم بيضه اتحدفت علي العربيهه هيقولو ماشي وشكرا المحضر اتقفل
+جدي عمده بلدنا بالاضافه المنطقه دي تبعه

المشاركة الأصلية كتبت بواسطة ahmed_adham

بما انك بتقول جين ناحيه يمين الطريق. مش ممكن تكون البيضه بتاعت حمامه ووقعت من على شجره؟ قترح برضه تعمل بلاغ في القسم فى المنطقه اللي كان فيها الحادثه عشان يراقبو المنطقه (لو حد عنده ضمير يعني قرر يحقق في البلاغ).

لا يابشا صعب شويه لييييييييييييييييه لانها اراضي زراعيه والحته دي مش فيها شجر اصلا بس والله ممكن ليه لاء
علي فكرة جدي عمده بلدنا والمنطقه الي كنت فيها تابعه للبلد
اشك ان حد عارف بقي الوالد وبيجي ياخد اراد الصيدليه عندنا كذا حرامي من العتوله في البلد ربنا يستر

المشاركة الأصلية كتبت بواسطة khaled lanos

حمد لله على سلامتك المهم انك بخير.

الله يسلم حضرتك

**Ahmed_selmy** · 28-08-2012 09:58 PM

حمد الله على سلامتك يا باشا, وفى اى ظروف بلاش تقف خالص لو حتى جت على الازاز ولا تشغل المساحات

**eng.m7md.ali** · 29-08-2012 01:46 AM

الحمد لله انك بخير
ونصيحة روح جدد التأمين ومتتأخرش فيه ابدا

**hpxp** · 29-08-2012 02:46 AM

المشاركة الأصلية كتبت بواسطة ahmed_selmy

حمد الله على سلامتك يا باشا, وفى اى ظروف بلاش تقف خالص لو حتى جت على الازاز ولا تشغل المساحات

اللله يسلمك ياباشا والحمدلله اني مكتشفتهاش علي طول دا انا كان زماني وقفت وجبت جردل الميه وعشت حياتي لحد اما القيهم جابوني من قفايا بس انا عنت بعمل حركه حلوة اوي بنزل بعمل لوك الدريكسيون وعلي استعداد اني ارمي المفتاح في اي حته ترعه ارض زراعيه وخلافه
وربنا يستر طرقفنا

المشاركة الأصلية كتبت بواسطة eng f3lix

الحمد لله انك بخير
ونصيحة روح جدد التأمين ومتتأخرش فيه ابدا

الله يسلمك ياباشا كنت محتاجك تبقي معايا نفقعه علقه او ندوس عليهم بالعربيه :)))))
والتامين كده كده هيجدد يوم الاربع او الخميس بس هستلم جواب فك الحظر الاربع ان شاء الله وان لحقت اعمله بقي هعمله