استفسار ضرورى من المهندس طارق وخبراء البومة

**mody1221** · 29-08-2012 05:07 AM

السلام عليكم..
عايز اعرف الترموستات بتاع الحرارة غير ترموستات الكوعة ؟ ولا ترموستات الكوعة (اللى متركب جوة الكوعة ف اخر الخرطوم اللى طالع من الراديتير) هو المسئول عن فتح وفصل المروحة بالاضافة لوظيفتة ؟؟ ولو البومة ليها ترموستات حرارة مكانة فين بالظبط وشكلة اية ؟
لانى طلبت تغيير الترموستات ف التوكيل (على اساس انة ترموستات المروحة)لاقيت مكتوب ترموستات الكوعة ف الفاتورة واخدت القديم شكلة دايرة نحاس وكالع منها سوستة
ياريت لو حد يفيدنى ضرورى لان العربية سخنت ومش عارف امشى بيها لانى قلقت احسن يكون الترموستات اللى اتغير مش هوا بتاع الحرارة

**mahmoud85** · 11-08-2013 11:39 PM

معقول ماحدش رد
اللي اتغير ده ترموستات الكوعه وده ميكانيزم لفتح مسار المياه عند درجه حراره معينه عشان يساعد في تسخين السياره ومالوش علاقه بتشغيل المروحه خالص وده بيفتح علي حراره 82 درجه ويفتح سكه المياه عشان تلف جوه الموتور

**Eng.Peter** · 12-08-2013 03:24 AM

متابع

**madman2002** · 14-08-2013 01:46 AM

زى ما مهندس بيتر قال ده ثرموستات الكوعه ملهوش علاقه بالمروحه خالص وده كل فايدته فى تسخين العربيه الصبح وده ضرورى جدا طبعا

**محمد بلال** · 14-09-2013 04:03 AM

متابع

**mahmoud85** · 14-09-2013 10:35 AM

المشاركة الأصلية كتبت بواسطة madman2002

زى ما مهندس بيتر قال ده ثرموستات الكوعه ملهوش علاقه بالمروحه خالص وده كل فايدته فى تسخين العربيه الصبح وده ضرورى جدا طبعا

قصدك مهندس محمود :018a1d~146:

**fadi atef fayz** · 14-09-2013 02:11 PM

دة فى على الميكانيكا اسة safety valve و الماكنة دة علشان نعرف فائدتة
لازم نعرف حاجة ان دروة التبيرد فى العربية مقسومة اتنين دورة جوة المتور و ودورة فى الردياتير و الاتنين بيفتحوا على بعض عن طريق الصمام دة و فائدتة ان اول ما تيجى تدور العربية الصبح لازم المتور يسخن علشان يتم حرق البنزين كويس لكن لما توصل درجة الحرارة لى 82 اة 83 درجة و دى درجة حرق البنزين المثالية وعندها بيفتح الصمام و لو حد جرب يفك الصمام دى هيلاقى مكتوب على 82 c