ماتور 1500 2كامه للكريستاله

**fmesiha** · 29-08-2012 02:45 PM

السلام عليكم
عندي استفسار بعد اذنكم
قدامي عربية لانسر كرستاله موديل 98 كانت ماتور 1300 و صاحبها غيره بماتور 1500 2 كامة انجيكشن بس الناس خوفتني منه. و قالولي ملوش قطع غيار.
هل ده حقيقي ولا لأ.
يعني من الاخر اشتري ولا ابعد عنها.

هي راشة بره و فابريكة جوه. و محتاجه شوية شغل في العفشة و التكيف و محتاجه تترش.
فكده تعمل كام؟ صاحبها صاحبي و هو نفسه مش عارف يبيع بكام و انا مش عاوز اظلمه ولا اظلم نفسي.

وشكرا جدا ليكم.

**yousefsemsem** · 29-08-2012 03:53 PM

قطه غيار الماتور ده متوفره جدا وسهل انك تلاقيها جديد او استعمال
لكن السعر الله اعلم بيه اسال اهل الخبره هنا من زمايلنا هما يفيدوك

**Kefo_Honda** · 29-08-2012 03:59 PM

متورها حاجته كلها موجوده و كتير كمان, بس اكشف عليها كويس و لو جبتها انشاء الله هابقى اقولك على تاجر استيراد حاجته نضيفة و سعرها كويس عنده كل حاجتها تبقي تجيب منه الحاجات اللي ناقصة عندك

**fmesiha** · 30-08-2012 06:41 PM

شكرا ليكم جمعيا على تعبكم و اهتمامك و ربنا يعوضكم.

هل حاجتها كلها استيراد ولا هلاقي جديد لان موضوع الاستيراد بقلق منه.

كمان معلش سؤال تاني. هل لازم اغير حاجه في العفشة لان صاحبها مغيرش حاجه لا في العفشة ولا الفرامل. هو غير الماتور و بس.

و شكار جدا لتعبكم.

**prisoner** · 01-09-2012 03:39 PM

قطع غيارها موجودة جديدة واستيراد على حسب الحاجة اللى انت عايز تغيرها متقلقش من الموتور ده انا مسقطه بقالى سنة ونص والحمد لله ماوقفتش على اى حاجة بالنسبة للتسعير مش عارف لان لازم اشوف العربية ممكن تروح بيها على اى مركز معتمد اعتقد ب200 جنيه ويعملك تقرير كامل واضمن تحياتى