الموضوع: مقارنة بين القاشقاى والجوك والسبورتاج من حيث الابعاد الخارجية ومساحة التحميل

المشاركة الأصلية كتبت بواسطة Mohyeldin1974

تقرير جميل ربنا يباركلك ، بس ليا استفسار بما انى عضو جديد فى المنتدى
انا متابع من خلال المواضيع عن العربيات suv ومن خلال ردودك انك تمتلك سبورتاج ولكنك تميل الى القشقاى!!!
ممكن اعرف السبب ، هل هو سبب نفسى بسسب موضوع اليابانى والكورى ولا انت حاسس فعلا بفرق؟
استفسارى اساسه انى محتار حيره مايعلم بيها الا ربنا بين القشقاى والسبورتاج وبالصراحه انا من النوع اللى بحكم عقلى جدا فى مواضيع الاختيار وبحكم وجودى خارج مصر مش شايف اى فرق بينهم والناس بتشكر جدا فى الاتنين مع انى حاسس انهم كانو متوقعين اكتر من كده من القشقاى
اسف للاطاله

ربنا يخليك وشكرا لمرورك ..
بما انك عضو جديد فى المنتدى .. يبقى لازم تقوم بجولة ميدانية موسعة فى اقسام نيسان وكيا والsuv والمقارنات عشان بصراحة ليا مشاركات كتيرة فى المقارنة بين القاشقاى والسبورتاج بالذات
وقريبا باذن الله هاجمعهم فى موضوع موحد كلهم عشان يبقى الاختيار بين ايدى الاعضاء والزوار

اما بالنسبة لميلى ناحية القاشقاى فهو ليس بسبب نفسى ابداااااا ولكنه عقلانى وثقة فى نيسان كصانع يابانى مميز ويعيش عصره الذهبى هذه الايام

وخلاصة مشاركاتى والمقارنات الدائرة بين العربيتين هى:

الكيا سبورتاج افضل خارج مصر خاصة فى الخليج (تحديدا فئة الفل كاملة مع محرك 2400 سى سى ودفع رباعى)

النيسان قاشقاى افضل داخل مصر (خاصة الاتوماتيك 1600 سى سى مع فتيس cvt)