العربيه بتسخن أوى والميه بتغلى فى القربه

**hhhhhm** · 30-08-2012 06:12 AM

السلام عليكم
مطلوب رأى جميع خبراء لانسر فى المنتدى
معايا عربيه لانسر 2004 بقالى 4 أيام كل يوم الصبح بأملى اقربه ميه و بعد ما أمشى بالعربيه ربع ساعه ألاقى الميه بتغلى فى القربه وتانى يوم ألاقى القربه فاضيه يوميا مع العلم أن كل اللى بأمشيه بالعربيه حوالى 20 كم كل يوم يعنى نص ساعه تقريبا روحت النهارده لكهربائى قاللى أنا هاشيللك الترموستات بتاع (المكنه) اللى بتتحكم فى ضخ الميه من الراداتير للمكنه علشان تبرد المكنه لما تسخن ولما قولتله كده ممكن يكون غلط على المكنه قاللى أنه شايلها من عربيات كتير قبل كده وفعلا شال الترموستات مع العلم الراداتير سلييييييييييييم والمراوح شغاله تمام وقاللى أنه شاكك أن العربيه ضاربه جوان وش سلندر مع أنه بص على الزيت مالقاهوش مخلوط بميه

السؤال الترموستات اللى هو شالها دى ممكن تأثر على المكنه ؟؟؟؟؟؟؟؟؟

هل ممكن المكنه فعلا تبقى ضاربه جوان وش السلندر ومفيش خلط ميه على زيت العربيه

أرجوا الرد وشكرا جزيلا مقدما

**yoga** · 30-08-2012 07:57 AM

يوجد عيب فى اللانسر مششهوور وهو ان الوش البلاسيتيك اللى ماسك فى الراديتير من فوق بيهرب ميه وعليه بيحصل ده معاااك حاول تمشى مشوار وتكون العربيه سخنه وتلاحظ ذلك هتالاقى تهريب .. الحل تغيير الوش عند بتاع راديتير وبحوالى 100 جنيه .. ممكن تغيير الغطا الراديتير برضه ممكن بيهرب .. ممكن الراديتير نفسه مخروووم

**فادى محمد** · 30-08-2012 08:35 AM

-الترموستات مهمه جدا في اي عربيه
-اللي عندك ده جوان وش سلندلا
-ممكن الجوان يهرب من غير ما يخلط الميه بالزيت
-اللي بيحصل ان الوش بيتاكل والتاكل بيوصل لغرفه الحريق
وبالتالي حراره الكبس بتخلي القربه تغلي والميه بتروح مع الحرق
- املي الوش وظبطه وغير جوان وسيب الترموستات

**SYD** · 30-08-2012 11:39 AM

انا مع رأي hellboy
ممكن الجوان يضرب من غير تسريب زيت مع المياة
والثرموستات اللي شاله ممكن يكون بردو بايظ وهو السبب
الأحسن انك تجرب بثرموستات جديد او حتي مستعمل بس يكون شغال
ومش محتاج تمشي بالعربية - انت هتجرب والعربية واقفة - لو جوان ، العربية مش هتكمل 3 دقايق وهتلاقي القربة بتغلي والمية بتنقص
لو المراوح اشتغلت والمية مش بتغلي - يبقي الجوان سليم والثرموستات هو السبب

بالنسبة لهيثم
المقصود ثرموستات الكوع وليس ثرموستات الردياتير
دة غير ان معظم السيارات ذات الدائرة المغلقة بيكون الثرموستات الحرارة بعيد تماما عن الردياتير وبيتم تشغيل المرواح بناء قراءات من حساس حرارة بعيد تماما عن الردياتير

**husseinsalah** · 30-08-2012 01:31 PM

المشاركة الأصلية كتبت بواسطة hhhhhm

والله يا جماعه أنا فخور بيكم جدا ما شاء الله بجد ومتشكر جدا على ردودكم الغاليه بأمانه منتدى محترم بأعضاؤه
سؤال للأستاذ syd ترموستات الكوعه دى سهل أنى ألاقيها و ممكن ألاقيها فين ؟؟؟ مع العلم أنى فى بلد بعيد جدا مع العلم أنى مشيت حالا بالعربيه حوالى 30 كم بدون ترموستات ومؤشر الحراره ما رفعش عن النص والميه ما غليتش فى القربه وما نقصتش بس طبعا انا خايف على المكنه وهى ماشيه بدون ترموستات كده تفسير سعادتك أيه ؟؟؟وكنت عاوز أضيف لحضراتكم معلومه أنى منظف بوابة الهوا من حوالى أسبوعين ممكن تكون عملية التنظيف دى ليها علاقه بالسخونيه

ترموستات الكوعة مش مهمة على الاقل فى جو حار زى مصر لان وظيفتها هى غلق دايرة التبريد على المحرك فقط بمعنى ان المية فى بداية دوران المحرك ما بترحش الردياتير لحد ما الموتور يسخن فتفتح الترموستات السكة للمية فى اتجاة الريداير وفايدتها فى الجو البارد لان المية ممكن تبرد بدون مروحة والموتور لازم يشتغل عند رجة حرارة معينة تقريبا 90 درجة مش اقل ولا اكتر.

**MITSUKERO** · 30-08-2012 03:00 PM

ازاله ترموستات الكوعة يخلي العربية تاكل بنزين اكتر لانها بتبرد اسرع و اسأل اي حد في اي عربية هيقولك نفس الرد

و نصيحة اكبس دورة التبريد

**fanki** · 31-08-2012 04:39 AM

السلام عليكم جميعا" نفس المشكلة حصلت معايا سخونة الماتور وغليان المياة بالأربة وبعد الفحص طلع غطاء الريداتير بسسسسس ب5ج

**elmoski** · 31-08-2012 04:40 PM

انت غيرت سير تقسيمة قريب

-

الموضوع: العربيه بتسخن أوى والميه بتغلى فى القربه

LinkBack

أدوات الموضوع

عرض

-

-

-

المواضيع المتشابهه

فلشيا والميه الى بتغلى ههههه سؤال محتاجكو معايا

المية الخضرا بتغلى فى القربه !!!!

رجه في العربيه لما بتسخن

العربيه بتسخن

العربيه بتسخن

الكلمات الدلالية لهذا الموضوع

المفضلات

المفضلات

ضوابط المشاركة