مش عارف :) > نيو اكسنت <

**romeo2611** · 31-08-2012 12:54 PM

اولا السلام عليكم :)

انا جديد معاكو هنا و لسه جايب عربيه نيو اكسنت 2011 مش ال RB ال عاديه
جايبها مستعمله ب 78 الف مش عارف غاليه ولا رخيصه دى اول حاجه :)
هى تعتبر زيرو 35 الف كيلو و تعتبر زيزو
بس صاحبها انا كنت عارفوا هو مش بيتفع فلوس في عربيتو
المهم انا كان معايا ميتسوبيشي 1986
بس كنت احط بنزين و انسي كانت 1500

لما جبت النيو اكسنت حاسس انى كل يوم لازم احط بنزين مع العلم التكيف شغال علطول

يعنى انا سفرت العين السخنه من كام يوم و انا رايح العداد نزل 1 ملي
و مكنتش مصدق
و انا راجع
نزل تحت النص :)
يعنى حوالى 400 كيلو او اعلى بحجات بسيطه

و بعدين في سؤال تانى انا العربيه اتوماتيك

فانا لما بحب اجري او اشد مع حد بشغل ال over drive و ال kick down
ال2 مع بعض
لغايت ما جه واحد ابن حلال و قلى مينفعش تعمل كده .. كده الفتيس يبوظ

المهم الاسأله بقه :)
1- العربيه حاسس انها بتاكل البنزين عايز اعرف ايه الحل ولا انا مجنون :) مش عارف
2- الoverdrive استخدموا امتى و الkick down امتى ( جديد في التوماتيك )
3- العربيه 78 الف كتير عليها :) حاسس كده الصراحه ( كنت هجيب الجين تو ) بس قلولى هتقرفك في قطع غير و كده
4- اركب جنط كام علشان انا مفهمش في الموضوع ده خالص :) انا بسوق بس
5- موضوع التنطيط ده ( كنت مركب ولدتى ورا و انا مسافر ) و قلتلى انت قلبت معدتى بالعربيه ده ( حله ايه )
6- العربيه بجد حلوه اوى و لما بعوز اجري مش بتقول لا و انا في طريق العين السخنه جبت ال 160 و مكنتش حاسس و مكنتش مستخدم ولا kick down ولا over drive و مع العلم كان لسه كتير تحت رجلى :)
7- مش عارف بقه :) مستنى الرد و شكرا جدا :) و اسف علي الاطاله

**makarhn** · 31-08-2012 03:28 PM

التيو أكسنت عربية ممتازة لانها خفيفة مع موتور قوى بس هى غيبها الوحيد التنطيط من ورا أنا فعلا والدى لما بيقعد ورا فيها بيقول نفس الكلمة قلبت معدتى بس للاسف الحل بتاعها مكلف هو ان أنت تفك نظام التعليق الخلفى المتركب فيها وتبدلوا بindependent multi link suspension ودة الحل النهائى بتاعها أما بالنسبة للجنوط فملهاش علاقة بالتنطيط دة خالص ويستحسن متغيرهاش فى رأيى علشان رقمها مناسب جدا على قوة الموتور لو كبرتها ممكن السحب يقل
موضوع kick down ولا over drive دلوقتى العربية فتيسها 3 نقلات وoverdrive فى السواقة العادية والسفر أستخد ال d من غير ما تلعب فى حاجة كدة ينقل الأول والتانى والتالت و overdrive لما مثلا تحب تتسارع بالعربية من الصفر لسرعة عالية وأنت واقف تدوس على زرار الoverdive كدة مش هاينقل الرابع وتحط الفتيس على الأول وتجرى علية براحتك لحد 40 مثلا علشان متحملش علية وبعدين حطها على l2 التانى وبعدين d كدة ينقل التالت بس من غير الoverdive وبعدين دوس الزرار ألى فى الفتيس علشان ينقل الoverdive
كمان طبيى لما تعقد تحرق بالعربية على التانى علطول فى طريق سفر ومتديهاش الoverdive أنك تحس أنها بتاكل بنزين وبعدين هى اساسا تنكها صغير

**ahmedhilmy** · 31-08-2012 11:15 PM

السعر معقول جدا و ربنا يباركلك فيها - التنطيط ملوش حل غير انك تتعايش معاه و ركب الوالده جنبك بلاش ورا - العربيه من العربيه الجميله جدا و استهلاكها في البنزين ممتاز ( صيانتها اخبارها ايه؟)

**el_nahal2004** · 01-09-2012 07:14 AM

السلام عليكم ورحمة الله وبركاته
انا من الناس الى كنت ملاحظ التنطيط الى وراة ده حبتين
ركبت جنط 16 بالعربية هو مرحش بس قل كتير عن الاول لنه ادها ثبات عالى جدا
وانا بالنسبالى عشان مانيوال محستش ان الجنط قلل فى سحب العربية خالص
مش عارف فى الاتوماتيك ايه النظام
وانا عن نفسى عاشق للنيو اكسنت كامتور واداء وسحب للعربية
انا شايف 400 ك مع تكيف والعربية اتوماتيك كويس مش وحش