ايهما افضل سكودا فانتازيا اليجانس التوكيل ام الخليجى

**seso100100** · 31-08-2012 12:58 PM

الحمد لله نويت اشترى سكودا فانتازيا اليجانس لكن مش عارف اجيبها توكيل و لا خليجى و عايز اعرف الفرق بينهم بالنسبة للسعر و المواصفات
و هل فرق السعر لا يستحق المغامرة و شراء سيارة بدون ضمان
انا عرفت من النت انى ممكن ادخل الخليجى الضمان و ادفع 7 الاف جنيه بس مش عارف الخليجى بكام
انا عارف ان التوكيل ب 215 الف جنيه
ارجو من مالكى النوعين التوكيل و الخليجى اعطائى معلومات عن السيارتين و اعطائى النصح لأنى قررت الشراء فى اقرب وقت

**inspiron** · 31-08-2012 03:12 PM

وكيل أفضل في الكماليات

**Land_Cruiser** · 31-08-2012 05:55 PM

وكيل علشان الضمان و المخاطره ان لاقدر الله تطلع مشكله كبيره فى العربيه زى الفتيس او الموتور ساعتها حكايه الضمان على الخليجى دى الله اعلم هيعملوا ايه معاك. فى ناس بتاخد المخاطره علشان فرق السعر بس ان وجهه نظرى المتواضعه ان الموضوع مش محتاج مخاطره و خاصه. اذا كانت التوكيلات نفسها بتستهبل احيانا و العربيات مستوردة بمعرفتهم فما بالك بضمان حضرتك مشتريه لعربيه مش جايه عن طريق الوكيل؟ الموضوع يقلق بصراحه و خاصه ان المبدأ انك لما تشترى حاجه انت المسئول عنها

**seso100100** · 31-08-2012 06:53 PM

المشاركة الأصلية كتبت بواسطة land_cruiser

وكيل علشان الضمان و المخاطره ان لاقدر الله تطلع مشكله كبيره فى العربيه زى الفتيس او الموتور ساعتها حكايه الضمان على الخليجى دى الله اعلم هيعملوا ايه معاك. فى ناس بتاخد المخاطره علشان فرق السعر بس ان وجهه نظرى المتواضعه ان الموضوع مش محتاج مخاطره و خاصه. اذا كانت التوكيلات نفسها بتستهبل احيانا و العربيات مستوردة بمعرفتهم فما بالك بضمان حضرتك مشتريه لعربيه مش جايه عن طريق الوكيل؟ الموضوع يقلق بصراحه و خاصه ان المبدأ انك لما تشترى حاجه انت المسئول عنها :copy of m-s5:

و الله عندك حق لو الفرق بسيط لكن لو الخليجى ب 187 الف و التوكيل ب 212 الف و كماليات التوكيل بتزيد الفرش جلد و مطعمة بخشب الابانوس و مفهاش حساسات امامية بتلاقى الواحد بيفكر كويس و يستشير و بعد كده يقرر

**mazher_m** · 01-09-2012 02:30 AM

بسم الله الرحمن الرحيم
خلاصه القول
اولا احييك علي اختيارك للفانتازيا
رائي الشخصي انها افضل سياره في مصر علي الاطلاق من حيث الامكانيات والكماليات والسعر
والاكثر ملائمه للطرق والجو في مصر
ثانيا طالما انك بتفكر في الاليجانس يبقي انت ناوي تقني مش تبيع بعد سنه او اتنين لان سعر اعاده البيع للاليجانس مقارب جدا للسبورت لان الزياده في الكماليات
ثالثا الفرق بين الخليجي والوكيل في الاليجانس مش في الاساسيات بمعني ان العفشه ووسائل الامان والمتور واحد
الفرق في
1- الوكيل اعلي من الارض
2-الوكيل جنط 16 وده مناسب للطرق في مصر الخليجي جنط 17
3-الضمان
4-الالوان في الخليجي اكتر من الوكيل
5- اعتقد ان الخليجي مفهوش زينون بس مش متاكد........ الوكيل فيه زينون
6- الخليجي بيقل عن الوكيل من7 الي 10 الاف جنيه حسب المعرض اللي بتشتري منه
7-الخليجي بيزيد سنسور امامي
شخصيا افضل الوكيل عن الخليجي
لاتنس صلاه الاستخاره

**KHALED AYMAN** · 01-09-2012 02:35 AM

الوكيل 213 الف الخليجى 202 -203
1-حاليا كل العربيات وكيل و خليجى بقت نفس الارتفاع مفيش عالى وواطى زى زمان
2-الوكيل فيه ابنوس الخليجى لا _____الخليجى جنط 17 الوكيل 16
3-الوكيل فرش جلد كامل______الخليجى الكرسى الحوض بتاعه قماش و الباقى جلد
4-الوكيل فيه سخانات كراسى و دى قليله فى الخليجى______الخليجى فيه حساسات اماميه
5-بعض العربيات الخليجى مفيهاش سماعات فى الابواب الى ورا

كان زمان مفيش ابيض عند التوكيل دلوقتى بقى موجود بس غالبا بيكون زياده 2000 جنيه
هات وكيل

**seso100100** · 01-09-2012 06:09 AM

فرق 10 الاف جنيه بس يبقى اكيد الوكيل افضل كفاية فرش الجلد الطبيعى للكراسى و الابواب لا يقل عن 6000 ج و تطعيم الابنوس تحفة عامل شكل جميل جدا و طبعا الضمان يفرق كتير
ان شاء الله حتوكل على الله و اشترى من الوكيل و الف شكر لكل من ساعد فى اتخاذى القرار و انا مطمئن لنصيحتكم الغالية انها الرأى الصحيح

**topzaher** · 18-09-2012 03:25 AM

شكرا لكل من شارك في الرد علي الموضوع

**topzaher** · 18-09-2012 03:27 AM

يس انا سمعت ان الخليجي 207 و الوكيل 220 و من غير جي بي اسهل هذا صحيح ام لا ارجو الافاده و شكرا

الموضوع: ايهما افضل سكودا فانتازيا اليجانس التوكيل ام الخليجى

LinkBack

أدوات الموضوع

عرض

-

المواضيع المتشابهه

ايهما افضل الانسر الخليجى او الصنى الخليجى

ايهما افضل الانسر الخليجى او الصنى الخليجى

ايهما افضل عفشة التوكيل ام عفشة الخليجى (سيراتو) ؟

سعر الاوكتافيا فانتازيا الخليجى و التوكيل لكل الفئات

سعر الاوكتافيا فانتازيا الخليجى و التوكيل لكل الفئات

الكلمات الدلالية لهذا الموضوع

المفضلات

المفضلات

ضوابط المشاركة