الموضوع: والنبى يا أهل الخبرة تساعدونى ؟؟؟؟؟؟؟؟؟؟؟

حط المقارنة في قسم المقارنات بس نصيحة علي السريع كده

انا معايا كريستاله 99 و معايا لانوس 2001 الانوس مش برضي اركبها و ده يمكن عشان انا متعود علي الانسر و عشان بحس ان الانوس بتعطل كتير عن الانسر و بحس ان الانسر حمالة بهدله اوي اوي اوي

المقارنة بي الياباني و الكوري ظالمه جدا للكوري لان عمر قطعة الغيار في الياباني مرتين او 3 مرات قد الكوري و ابسط مثال سير الكاتينة في الانسر الاصلي بتمشي عليه من 80 الف ل 100 الف و انا مغير كاتينة 4 مرات كل مرة علي 100 او 105 الف انما الانوس كبيرك تغيره علي 40 او 45 الف و تقريبا التكلفة بتاع طقم الكاتينة الاصلي في العربيتين واحد

ده غير ان خامات الانسر من جوه تفرق بتاع 30 او 40 % عن الانوس ده غير انها اوسع بالعرض من جوه ده غير ان صيانة تكييفها اسهل

عيب الكريستاله القاااااتل الكاربيراتير و ده عايز تعمله صيانه عند التوكيل او عند ناس مش التوكيل فاتحين بره و ده اللي انا بعمله و مش بيعمل معايا اي مشاكل تقريبا و لما بيعمل بروح اظبطه هناك كل 150 او 100 الف كيلو

ده اللي اقدر افيدك بيه دلوقتي لاني مستعجل و لو عايز اي حاجة اكتر من كده ابعتلي علي الخاص و اكلمك اسرع لاني لازم اقوم