سوزوكى ميكروباص

**HAMADASAIED** · 02-09-2012 07:21 PM

لو سمحتم يا جماعة انا عاوز أجيب سوزوكى ميكروباص فكنت عاوز اعرف طريقة الترخيص مع انى مواليد الأسكندرية فكنت عاوز أعرف ازاى ارخصها حتى لو بنمر محافظة مطروح
و ايه الاوراق المطلوبة؟
وكيفية تغيير محل القامة إلى مطروح؟

**HAMADASAIED** · 06-09-2012 12:45 AM

معقولة يا جماعة محدش يعرف رد على أسألتى

**mohamed_selim** · 06-09-2012 01:13 AM

انت هترخص ملاكى ولا اجره؟
مش مهم مولود فين المهم محل الاقامه فى البطاقه فين؟

**HAMADASAIED** · 08-09-2012 08:46 PM

طبعا حيبقى الترخيص ملاكى
و محل الأقامة الأسكندرية بس عاوز أغيرة إلى مطروح علشان مافيش ترخيص للعربية دى فى الأسكندرية

**mohamed_selim** · 08-09-2012 09:14 PM

هو ليه طبعا ... يعنى الناس هتعرف منين انك هترخص ملاكى و انك من اسكندريه وعايز ترخص مطروح عشان مفيش ترخيص فى اسكندريه؟؟؟؟
على العموم ايه اللى مانعها فى اسكندريه؟؟ مفيش حاجه قانونيه فى قانون المرور بيمنع .... المهم لتغيير محل الاقامه محتاج عقد شقه باسمك (تمليك) و ممكن يطلبو وصل نور كمان (حسب السجل الى هتتعامل معاه) و فى ناس قالت ممكن عقد ايجار بس يكون مثبت فى الشهر العقارى بس دى مش متاكد منها
ممكن تروح اى سجل مدنى قريب منك و تسال الموظف ايه المطلوب لتغيير محل الاقامه فى البطاقه و تخلى بالك لو عندك عربيه تانيه او حتى رخصتك الخاصه لما تيجي تجددها هينقلوهالك لمحل الاقامه الجديد

**HAMADASAIED** · 08-09-2012 11:27 PM

مش عارف هما ليه مانعيين ترخيصها أجرة و قافليين ترخيصها فى الأسكندرية و انا لسه سامع من صاحب اجنس ان كمان قفلوا الترخيص فى مطروح من شهر 9 و قالى أجيبللك عقد من القاهرة و تغيير محل الأقامة و ترخص العربيببة و بعدها ممكن تغيير محل الأقامة تانى
هل الكلام ده مظبوط ولا لا ؟