جوك ولا النترا للاهمية ساعدونى

**مدحت البلبيسى** · 03-09-2012 03:04 AM

السلام عليكم وكل عام وانتم بخير انا طبيب من الشرقية بشركة ادوية ومشرف على على 4محافظات الشرقية ومحافظات القناة الثلاتة وانتقل مابينها خلال الاسبوع بمعدل متوسط 3000كيلو شهرى متزوج ولى طفل شهرين المهم انا محتار مابين الالنترا2013 ونيسان جوك انا قصدت بالمقدمة انى اوضحلكم ظروف عملى انا محتاج سيارة عملية وقطع غيارها متوفرة ومعمرة وتستحمل الجرى والشد والسفر يوميا وطرق الشرقية وانا معجب بالاثنين وزوجتى معجبة بشكل الجوك وامكانيها وانها يابانى وانا متردد ومتخوف من عدم انتشارها وانا جربت الهيونداى 6 سنوات بس ماركبتش نيسان انا عارف ان الجوك صغيرة بس انا وزوجتى وطفلى ولن اغير السيارة قبل 5 سنوات ياريت بجد ارائكم تفيدونى بيها عشان اخد القرار الاخير لانى معجب بالاتنين وياريت الى عندة اسباب يقولها يبقى جزاة الله خيرا على فكرة الحيرة وحشة قووووى ربنا ما يوقعكوا فيها خاصة لو كانوا الاتنين يزغللوا العين شكرا

**Omar100** · 03-09-2012 04:32 AM

الموضوع دة متكرر !

**shaddadfalcon1** · 03-09-2012 05:54 AM

انا بقول خليك في القشقاي
معتقدش ان الألنترا هتنفعك قوي في موضوع البهدله عشان بحسها عربيه ناعمه مش بتاعة بهدله قوي

**MohammedAladel** · 03-09-2012 07:33 AM

العربيتني مختلفتين فى الفئة

لو إلنترا تقارنها مع إمبريزا لانسر شارك سيفيك

جوك وقشقاى وسبورتاج مع بعض

**Ahmed.Fahmy** · 03-09-2012 09:23 AM

هو ممكن تكون الجوك افضل لو عاجباك عشان عالية عن الارض وتستحمل عن الالنترا
خد بالك هى ظيقة من ورا
وبدأت تنتشر

والافضل اعمل استخارة

**akmm** · 03-09-2012 10:04 AM

الألنترا مش حمل بهدله .

**haysam2000** · 03-09-2012 11:53 AM

بغض النظر على ان دى فئة و دى فئه
انت بتقارن بين يابانى و كورى
طبعا اليابانى اقوى و احتمال اكتر و قطع اغلى لكن معمرة اكتر بكتير و بعدين لو بتدور على جرى و شد الجوك 1600 يابانى يعنى موتو 118 حصان مش بيتعب :)