f0 2013 نزلت من جديد

**fineart607** · 03-09-2012 12:09 PM

السلام عليكم

بى واى دى اف زيرو نزلت من جديد وبها باور وجميع الكمليات 1000 سى سى 50 حصان وبصمة ومفتاح ستارت ومتوفره فى لون كاكاوى وفضى وسماوى ب55 الف العربيه رائعة وخامتها احسن من اسبرانزا 113 بس تعتبر اصغر منها وجميع الكمليات عربيه محندقه ومسكره جدا
اتمنى الوكيل يعمل دعايه كويسه ويوفر قطع الغيار هتكون عربيه ممتازه خاصة فى زحمة القاهرة والأسكندريه العربيه دى تقليد لسيارة تويوتا شهيره جدا ومنتشره فى اوروبا بطريقه كبيرة

**fineart607** · 03-09-2012 12:29 PM

هل ممكن تنجح ؟؟؟؟؟؟؟

**akmm** · 03-09-2012 12:38 PM

عربيه جميله ... وشكلها بناتى .

**aboomar22** · 03-09-2012 12:50 PM

العربية دى مشكلتها انها نزلت منها دفعه ثم توقفت وده بيعمل قلق عند العميل من عدم انتشارها زى موديل الفلاير وكمان تصميم الزجاج الخلفى انه بيفتح عن طريق مفصلة مش بيطلع وينزل مش حلو فتلاقى اللى هيشتريها ممكن يفضل الاسبرانزا a113 او الباندا لكن للحق انا شفت العربية دى فشارع الهرم وراكبها 4 شباب والعربية ماشية بيهم زى الغزال ماشاء الله مش هابطة ولا حاجة ورشيقة كده وشكلها كان حلو