استلمت سيراتو خليجى 2013

**Dr.Makram** · 03-09-2012 12:23 PM

الحمد لله استلمت اول امبارح العربية بعد ما خلصولى كل ورقها و بوليصة التأمين(مصر) و الضمان كمان ...
لسه هعمل تقرير مصور شامل انشاء الله ... بس دى ملاحظاتى بعد اول يومين :
العربية حلوة اوى من جوه و تقفيلها جميل و سحبها و ثباتها لحد دلوقتى كويس... ظبطت نيتروجين على 30 .. جنطها 15
سيبكم من المميزات المهم بقى فى الملاحظات :
1 - مفيش عداد للحرارة بس فيها لمبة تنور لما الحرارة تزيد ( مكتوب فى المانيوال ان دى هتنور لو الاوبشن ده موجود فى عربيتك !!!!!!!!)
2- مفتاح الشنطة اللى الريموت حلية مش اكتر (مش مشكلة دى اوى )
3- مش عارف اخفى ال Vin من على البربريز ازاى ؟؟
4 - استقبال موجات الراديو فى ال DVD التاتش اللى فيها ضعيف معرفش دى مشكلة فين فى الاريال ولا فى الجهاز نفسه (مع انه فى اوقات بيبقى صوت الراديو تحفة و نقى جدا).. و باقى الاوبشن بتاعت ال dvd
جميلة.
5- هركب جهاز انذار انشاء الله من المراكز المعتمدة فى الضمان ..عشان مقلق من حكاية الخروج من ضمان الكهرباء دى

عايز ردودكم لحد ما اخلص التقرير المصور .. و شكرا

**S O P H O S** · 03-09-2012 12:53 PM

الف مبروك
ربنا يباركلك فيها ..

**temo85** · 03-09-2012 12:57 PM

المشاركة الأصلية كتبت بواسطة dr.makram

الحمد لله استلمت اول امبارح العربية بعد ما خلصولى كل ورقها و بوليصة التأمين(مصر) و الضمان كمان ...
لسه هعمل تقرير مصور شامل إن شاء الله ... بس دى ملاحظاتى بعد اول يومين :
العربية حلوة اوى من جوه و تقفيلها جميل و سحبها و ثباتها لحد دلوقتى كويس... ظبطت نيتروجين على 30 .. جنطها 15
على ما أظن الضغط 32 زى ما مكتوب على القايم الشمال قدام
سيبكم من المميزات المهم بقى فى الملاحظات :
1 - مفيش عداد للحرارة بس فيها لمبة تنور لما الحرارة تزيد ( مكتوب فى المانيوال ان دى هتنور لو الاوبشن ده موجود فى عربيتك !!!!!!!!)
لما تيجى تدور الصبح هتلاقى اللمبة موجودة عند عداد البنزين المفروض بتنور أحمر و تطفى ك check على العربية هو ده المقصود ولو سخنت العربية لاقدر الله بتنور
2- مفتاح الشنطة اللى الريموت حلية مش اكتر (مش مشكلة دى اوى )
المفروض بتنزل بزرار فى الريموت بيفتح الشنطة لما تدوس عليه دوسه طويلة !!
3- مش عارف اخفى ال vin من على البربريز ازاى ؟؟
بمنديل دخله بين الزجاج و التابلوه و لما يصفر ابقى غيره بواحد جديد
4 - استقبال موجات الراديو فى ال dvd التاتش اللى فيها ضعيف معرفش دى مشكلة فين فى الاريال ولا فى الجهاز نفسه (مع انه فى اوقات بيبقى صوت الراديو تحفة و نقى جدا).. و باقى الاوبشن بتاعت ال dvd
جميلة.
انت مركب الاريال فى السقف ؟
5- هركب جهاز انذار إن شاء الله من المراكز المعتمدة فى الضمان ..عشان مقلق من حكاية الخروج من ضمان الكهرباء دى

عايز ردودكم لحد ما اخلص التقرير المصور .. و شكرا

هى خليجى ولا وكيل ؟ ولو خليجى , خليجى ايه ؟

**Dr.Makram** · 03-09-2012 01:04 PM

المشاركة الأصلية كتبت بواسطة temo85

هى خليجى ولا وكيل ؟ ولو خليجى , خليجى ايه ؟

اردنى ... انا مركب الايريال فى السقف بس مثلا مرة كنت شايله و الراديو كان زى الفل !!!
مفتاح الشنطة المعرض اللى قال الكلام ده
بالنسبة للمبة الحرارة دى بشكلها المعروف شايفها جو العداد بس مش بتنور check فى البداية زى الزيت و الايرباج و ال abs ... الخ

**lenovo** · 03-09-2012 01:17 PM

المشاركة الأصلية كتبت بواسطة dr.makram

اردنى ... انا مركب الايريال فى السقف بس مثلا مرة كنت شايله و الراديو كان زى الفل !!!
مفتاح الشنطة المعرض اللى قال الكلام ده
بالنسبة للمبة الحرارة دى بشكلها المعروف شايفها جو العداد بس مش بتنور check فى البداية زى الزيت و الايرباج و ال abs ... الخ

معلش سؤال فضولي انت جبتها منين وسعرها كام .. اما بخصوص الايريال فا الاحسن شيلو لان بعد كام يومين لو فضلت سايبو حتلاقي اتسرق وديه نصيحة انا عملت بيها واللي اعرفه ان الايريال غالي مش رخيص . وعلى فكرة ال vin موجود كمان في شراع الباب اللي وراك ...

**Dr.Makram** · 03-09-2012 01:23 PM

المشاركة الأصلية كتبت بواسطة temo85

هى خليجى ولا وكيل ؟ ولو خليجى , خليجى ايه ؟

المشاركة الأصلية كتبت بواسطة lenovo

معلش سؤال فضولي انت جبتها منين وسعرها كام .. اما بخصوص الايريال فا الاحسن شيلو لان بعد كام يومين لو فضلت سايبو حتلاقي اتسرق وديه نصيحة انا عملت بيها واللي اعرفه ان الايريال غالي مش رخيص . وعلى فكرة ال vin موجود كمان في شراع الباب اللي وراك ...

لا فضولى ولا حاجة .... 109000 ... من معرض القرش فى مصر الجديدة ... و بينى و بينك انا مفهمتش قصدك فى موضوع المنديل و البربريز ده

**lenovo** · 03-09-2012 02:16 PM

المشاركة الأصلية كتبت بواسطة dr.makram

لا فضولى ولا حاجة .... 109000 ... من معرض القرش فى مصر الجديدة ... و بينى و بينك انا مفهمتش قصدك فى موضوع المنديل و البربريز ده

قصدي في ستيكر ابيض ملصوق على الشراع اللي في الباب اللي وراك برده في الكود فممكن تشيله

**Dr.Makram** · 03-09-2012 02:18 PM

المشاركة الأصلية كتبت بواسطة lenovo

قصدي في ستيكر ابيض ملصوق على الشراع اللي في الباب اللي وراك برده في الكود فممكن تشيله

ده سهل مفيهوش مشكلة .. المهم اخفى اللى فى البربريز ازاى زى ما حضرتك قلت :-)

**bassem_sams** · 03-09-2012 02:23 PM

الف مبروك على عربيه و ربنا يعطيك خيرها
ممكن حضرتك تجيب استيكر ابيض بلزق اللى بنلزقه على سى دى و نكتب عليه لونه ابيض و مش شفاف و فيه منه احجام هتلأقيه فى مكاتب و تلزقه على كود علشان مينبنش