عاوز مركز صيانة كويس ... بلا توكيل بلا قرف

**Mahmoud Nagieb** · 03-09-2012 04:39 PM

السلام عليكم يا جماعة

معلش انا بكلمكم النهاردة وانا مخنوق .... بس بجد انا خلاص جبت اخرىى من التوكيل وخدت قرار اصلح اللوجان بره التوكيل

وياريت تدلونى على مركز صيانة يكون كويس وامين ويكون قريب (معادى او مقطم)

بصراحة التوكيل بقى زبالة .... انا عندى عربيتين لوجان بتوع الشركة ... كل صيانتهم فى التوكيل (واحدة عاملة 52 الف والتانية 72 الف)

هقولكم بس على موقفين بس من 50 الف موقف زبالة مع التوكيل

العربية ال 2010 دخلت صيانة ال 70 تمااام ... ودفعنا الفلوس الغالية .... هووب قالولنا العربية مش محتاجة تيل جديد ... يمشى بيها تمام

العربية جت عند ال 72 الف هوووب ... الطنبورة باظت ..... ليه يبنى ... اصل التيل فضى وكل الطنابير

ع ابوكو كلكوا ...... ده احنا دافعين على العربيتين فى التوكيل من اول ما جم فوق ال 18الف جنيه صيانات على خبطات على اللازم منه

العربية ال 2011 .... صوت رهيب فى العجل اللى قدام من بعد سرعة 20 كم .... اروح التوكيل ... يقولك عااااادى ... ارجع امشى فى الطريق .... صوت وشخاليل وبقيت اخاف ازود عن ال80 ..... انا شاكك انها بلى عجل وهما بيستهبلو ... استحااااااااالة يكون ده طبيعى .... انا عندى اتنين واختها مفيهاش الصوت ده

ده كده موقفين على السريع بس لواحد بيدفع فلوس من دم قلبه فى التوكيل علشان يريح دماااغه وبرضه مش نافع

انا زهقت ... الواحد يدفع فلوس يتاخد على قفاه .... يسترخص .... برضه يتاخد على قفاه

ياريت يا جماعة ضرورى الله يخليكو ... شوفولى مركز كويس الواحد يصلح فيه اللوجان بعيد عن التوكيل التعبان ده

اتمنى الناس تفدنى

وشكرا يا جماعة

**Ahmed A Rahman** · 03-09-2012 05:00 PM

هي فكرة تغيير الطنابير على 70-80 الف عادية مفيهاش حاجه
انا عربيتي عامل بيها 81 الف كيلو وفرنش موتورز قايل لي من 75 ان الطنابير عايزه تتغير
لاحظ انها عربية شغل اللي حضرتك بتتكلم عليها يعني الي عليها سواقين وسواقتهم معروفة للجميع فاكيد كتر خيرها انها قاعدة لل 70 الف
انما معتقدتش ان التيل في 2000 كيلو اكل في الطنابير لانه اكيد حيعمل صوت عالي وهو بياكل فيها

بالنسبة للسيارة الثانية روح مركز العبور واطلب انك تقابل مدير خدمة العملاء
بهدوء اكيد المشكلة حتتحل بإذن الله

لو عايز مراكز ثانية معتمدة يبقى فرنش موتورز الرحاب او عين شمس
الميكانيكيون العرب طريق المطار

**تامر.محمد** · 03-09-2012 05:17 PM

انهي توكيل ده اللي بتروحه ؟

**a_nbm** · 05-09-2012 05:04 PM

المشاركة الأصلية كتبت بواسطة Mahmoud Nagieb

انا زهقت ... الواحد يدفع فلوس يتاخد على قفاه .... يسترخص .... برضه يتاخد على قفاه

اوحش حاجه في بتوع التوكيلات عموما
الكدب
ممكن يقعد يحور ويكدب عليك عشان ميغيرش حاجه في الضمان مثلا
انا مش عارف مهندس الاستقبال ده بيوفر لمين يعني ..؟؟ لنفسه
(واحد زمان قالي هقولك كلمه وحطها حلقه في ودنك...قلتله قول ياوالدي
قالي يا ابني اوعى تبيع اخرتك بدنيه غيرك - يعني اوعى تسرق الناس وتضحك عليهم وتدي لغيرك)
اقرب مثااااال حصل معايا في فرع العبور
طبعا انا عملت 3 صيانات هناك 10 و 15 و 20
طبعا مهندسين الاستقبال اللي هناك كلنا عارفينهم كويس (مبيتغيروش)
واحد اسمه امجد
والتاني اسمه (مش فاكر) بس هو معا امجد على طول مبيتغيرش
طبعا انا كان حوار عضه المارشيدير ده خنقني جدا ... بس كنت خايف اقولهم عليه عشان يركبوا مجموعه البريك خوفا من انهم يفكوا الفتيس وميركبش تاني زي الاول
قلت مش مشكله قضى اخف من قضى
بس لما وصلت للعشرين مبقتش قادر استحمل (والله ياجماعه لازم الفتيس يعض كل يوم وانا بركن)
قلت هقولهم في صيانه العشرين
طبعا حظي جه مع المهندس التاني مش امجد
لسه بقوله على مجموعه البريك .. تخيلوا يقولي ايه
بيقولي (ايه ..؟؟؟ بريك ايه ....؟؟؟مجموعه البريك دي .....احنا عمرنا ما سمعنا عنها....!!!)

كنت عايز اشتم بصراحه ....والمشكله اني عارف انه هو مش مستجد يعني
فقلتله طب احلف كده انك متعرفش يعني ايه مجموعه البريك
اتلخبط كده ولما لقاني فاقسه راح بص ل امجد وقاله ايه مجموعه البريك دي
راح عمنا امجد مشاركه في الفيلم الهندي على طول وقاله
اه اه دي المجموعه اللي بتركب عشان نعره الفتيس
قلتله نعم نعره الفتيس
قالي اه
قلتله لا دي عشااااان عضه المارشيدير
قالي اساسا الموديل بتاعك نازل من غير العضه دي (لما بص في رقم الشاسيه)
طبعا اي كلام والسلام

طب نعمل ايه طيب

حد يشوف لنا حل

**Mahmoud Nagieb** · 06-09-2012 03:13 PM

المشاركة الأصلية كتبت بواسطة wsamir

مبدئيا مينفعش تمشى من التوكيل و تسيب حقك لما تاخد العربية تشيك عليها و لو المشكلة موجودة تقولهم انها متحلتش لو معملوش حاجة تصعد المشكلة للمسئول و بعدين اشتكى فى حماية المستهلك لكن متدفعش فلوس و تمشى و بعدين عندك فروع توكيل تانى فى العبور و القطامية

للاسف يا باشا والدى دفع تمن الطنابير والتيل ومشى

المشكلة ان والدى شغال بالعربيتين ومبيعرفش يستغنى عنهم

وكمان مش انا اللى بروح علشان صيانتهم ..... انا فى مرة روحت .... اتخانقت مع مهندس الاستقبال هناك علشان مبحبش اللف والدوران ... وهيا ده شغلتهم هناك

انا هشوف مركز كويس وطلع العربية القديمة من الضمان وهشوف الدنيا ... لو لاقيتها تمام هطلع التانية برضه بلاوجع دماغ

المشاركة الأصلية كتبت بواسطة a_nbm

اوحش حاجه في بتوع التوكيلات عموما
الكدب
ممكن يقعد يحور ويكدب عليك عشان ميغيرش حاجه في الضمان مثلا
انا مش عارف مهندس الاستقبال ده بيوفر لمين يعني ..؟؟ لنفسه
(واحد زمان قالي هقولك كلمه وحطها حلقه في ودنك...قلتله قول ياوالدي
قالي يا ابني اوعى تبيع اخرتك بدنيه غيرك - يعني اوعى تسرق الناس وتضحك عليهم وتدي لغيرك)
اقرب مثااااال حصل معايا في فرع العبور
طبعا انا عملت 3 صيانات هناك 10 و 15 و 20
طبعا مهندسين الاستقبال اللي هناك كلنا عارفينهم كويس (مبيتغيروش)
واحد اسمه امجد
والتاني اسمه (مش فاكر) بس هو معا امجد على طول مبيتغيرش
طبعا انا كان حوار عضه المارشيدير ده خنقني جدا ... بس كنت خايف اقولهم عليه عشان يركبوا مجموعه البريك خوفا من انهم يفكوا الفتيس وميركبش تاني زي الاول
قلت مش مشكله قضى اخف من قضى
بس لما وصلت للعشرين مبقتش قادر استحمل (والله ياجماعه لازم الفتيس يعض كل يوم وانا بركن)
قلت هقولهم في صيانه العشرين
طبعا حظي جه مع المهندس التاني مش امجد
لسه بقوله على مجموعه البريك .. تخيلوا يقولي ايه
بيقولي (ايه ..؟؟؟ بريك ايه ....؟؟؟مجموعه البريك دي .....احنا عمرنا ما سمعنا عنها....!!!):i_angr1[1]:
كنت عايز اشتم بصراحه ....والمشكله اني عارف انه هو مش مستجد يعني
فقلتله طب احلف كده انك متعرفش يعني ايه مجموعه البريك
اتلخبط كده ولما لقاني فاقسه راح بص ل امجد وقاله ايه مجموعه البريك دي
راح عمنا امجد مشاركه في الفيلم الهندي على طول وقاله
اه اه دي المجموعه اللي بتركب عشان نعره الفتيس
قلتله نعم نعره الفتيس
قالي اه
قلتله لا دي عشااااان عضه المارشيدير
قالي اساسا الموديل بتاعك نازل من غير العضه دي (لما بص في رقم الشاسيه)
طبعا اي كلام والسلام

طب نعمل ايه طيب

حد يشوف لنا حل

باااااااشاااااا .... إنت جبت الخلاصة