الموضوع: البيه اللوز بيبلطج ...

رجالة حصلي موقف اغرب من العجب امبارح و دماغي عمالة تجيب و تودي و بضرب كف على كف ..

المهم انا ماشي في حالي و اذا بي عربية نيسان صني الشكل القديم مفيهاش اي حاجة غريبة عادية يعني انا ماشي في الحارة الي في اليمين و السكة واقفة 3 حارات و وقف قدامي بعربيتين مكروباص بينزل و يركب ناس المهم رحت مدي اشارة شمال و لفيت العجل و ببتدي الطلع شمال و اصلا الحارات كلها واقفة اذا بي العربية ديه تكبس عيا و تكمل و انا اصلا ربع عربيتي طلع في حارته و هوا معلق الزمارة و النور نص ساعة و داخل عليا و عداني مشيت طلعت بعديه و اذا بيرخم و يهدي قدامي و اصلا السكة سلكت شوية .. المهم سبته رخم اكتر رحت قايل خلاص اعديه اجي يمين يروح حارق و جي يمين قدامي اجي شمال ميرضاش يعديني انا قلت بس حرامي و عاوز يقلبني مع اني ماشي في اسكندريا طريق كارفور الراجع على البحر الكلام ده ... المهم شديت و حشرت نص عربيتي على يمين اذا بيه يحرق و يكسر عليا يمين و انا يمين الكبري فمفيش مجال ... قمت اتنرفزت و حرقت اجمد و مرحتش يمين عشان مقربش لسور الكبري اخبط الجنب راحت طالع منه فمرايته اتخبطت وباقت فاتحه لقدام لكن مش اتكسرت و انا قفلت مرايتي رحت ماشي قدامه ووقفت و نزلته.. هوا قاعد في العربية بقله نعم ... بيقولي انتا غلطان و اعدلي مرايتي ... قلتله نعم ليه يعني انتا تكسر على الناس و تزنق و مش عاوز حد يعديك و يستريح منك قلي انتى عيل مش متربي و انا الواء معرفش ايه حوريك و اوديك انتا و عربيته لمدير الامن ... قلتله انتا ولا تعرف تعمل معايا حاجة و اصلا انا مغلطش في حاجة و لواء على عينا و رسنا بس متغلطش في اولادك الي مش من سنك و تبلطج عليا ... قام قايلي ابدا انا حواريك يا قليل الادب انا اللواء معرفش ايه محدش يقدر يعمل معايا حاجة و يغلطني و كل ده انا واقفله على شباكه و هوا بتكلم من جوا العربية رحا مطلع ورقة و قلم و كتب نمرت عربيتي و بيقلي انا حوريك و اوديك لمدير الامن و انا اقله يا باشا انتا مش الباشا الوحيد في البلد محنا عندنا قرياب و ناس و محدش بيقول الي انتا بتقوله ... راح راجع مرشدير و سايبني و ماشي ..

و خلص الموقف على كدة ... و انا مش عارف الصراحة بضرب اخماس في اسداس و بقول هوا ماشي كوسة و محسوبية بس مش كدة يعني ماشي يدوس على خلق الله و كمان حيعمل و يسوي ... انا بقى في حاجة هوا قعد يقولي اطلعلع الكارنيه اوريك انا مين و كل شوية يقول انا اللوء بتاع و انا ساعتها دماغي مكنتش فيا ... الراجل ده بيتكلم صح ولا بيهجص ... وهل اخد نمرت العربية يقدر يعمل بيها حاجة ؟ يعني يلبسني مخالفات او يعمل بلاغ او اي مصيبة ؟ مع انوا يعني كأن عربيتي راكنة في اي حتة و نمرتها باين مش مخبيها و اخدها ... و هل اتوقع حاجة ؟ انا قلقان عشان سمعت موقف من واحد معرفة يعرف واحد ظابط فواحد بلطج على الظباط او خبط عربيته حاجة بسيطة مش مستاهل راح قام اخد نمرته و لبسه شوية مخلافات بمبلغ حلو ....

الواحد يتوقع ايه ... و يا خسارة على الناس الكبيرة الي مفرود دماغها شوية كبيرة او بيفكروا مش بيقوا عندهم كبر و غرور و شايفين نفسهم احسن من البشر ...

معلش طولت عليكم

بجد مش عارف اشكركم ازاي انتوا اخوات و رجالة و اسرة الواحد فخور بيها بجد مش عارف اقلكم ايه انا عاجز عن الكلام و الشكر و الامتنان لحضرتكم كلكم :) انا بس ساعت الموقف دماغي قعدت تجيب و تودي و مخدش بالي ولا اخد نمر عربية ولا احفظ الاسم الي عمال يقوله انا اللواء معرفش ايه حعمل و اسمي و اجبلك مدير الامن فانا كنت بحاول افهموا او اوزن شخصيته عشان اعرف ده ايه بظبط بس اترددت فيه الصراحة حسيته بيتكلم بجد ... بيقلي اطلعلك الكارنيه و اوريك و اسوي و بيتكلم بعجرفة و منزلش من العربية و متنرفز اوي عليا و هوا غلطان اصلا ... انا شفت لوأءات قبل كدة كتير ناس محترمة هادية فعلا مش بيتكلموا كتير و صادفت مواقف يقول يا ابني مع انوا هوا عنده سلطة بس بيقدر فرق السن و كدة فانا استغغربت ..

المشاركة الأصلية كتبت بواسطة haitham1985

اللواء فى مصر من كتر غروره مش بيتكلم مع حد .......... ده نصاااااااااااااب

إرمى تكالك على الله ولو حصل حاجة وده مستبعد يبقى كوسه بكوسه لو عملك مخالفات هات واسطة وشيلها

إرحمنا يارب

ربنا يستر يا باشا والله :( محدش عارف حاجة اليومين دول :(

المشاركة الأصلية كتبت بواسطة akmm

ده راجل هجاص .

اشكرك

المشاركة الأصلية كتبت بواسطة sanhory

يا عم لوا ايه بس دا لو لوا فعلا و كان عايز ياذيك كان بتليفون صغير جابلك موتسيكل بامين شرطة انما دا اخره يطلب ماكدونالدز
ولا يهز شعره فيك

اشكرك يا باشا ... فعلا انا قلت لو هوا لو بجد يعني اكيد مش حيصغر نفسه ويزنق على واحد و يجبله ظابط كمان و كدة ... ممكن يستخدم سلطته في حادثة كبيرة ولا حاجة مش شغل عيال ...

المشاركة الأصلية كتبت بواسطة ميرو اسامه

اونطجى كبير !! ووقع فى واحد لوقطه زيك بيصدق !! لوكان بنى ادم محترم ماكنش عمل العمايل الصغيرة دى والناس دى العجرفة بتبقى واخداهم قوى ماكنش هايقول كل الحوارات دى ولايعمل الحركات دى بالعربيه . كبر مخك وماتخافش ولو حد كلمك ابقى اتصل بيا وانا احلهالك .. معاك اللواء : احمد سالم السيد (قطاع أمن الطرق ) قسم : ملفات ومحاور !!!!!!!!!!!!!!!

اشكرك يا باشا و الحمدلله انوا لسه في ناس ذوق و محترمة زي حضرتك كدة ...

المشاركة الأصلية كتبت بواسطة ahmed_selmy

يا عم فكك منه , لو يقدر يعمل حاجه يورينا, انت ما فيش واحد فى مصر تتخانق معاه الا يقولك انت متاعرفش انا مين.

اشكرك ... اه والله حاجة تجن ...

المشاركة الأصلية كتبت بواسطة benmatar

ولا تشغل بالك بتاتا
كنت أعرف واحد في الشغل شخصية نكرة بيحي يعمل كده مع الناس ويجي يحكي ويتفاخر، وكل مرة ينزل من نظرنا. ناس كتير عندها نقص ومصابة بالنفاق الاجتماعي تحب تعمل كدة، وساعات الواحد بيخاف فبيضطر إنه يدافع بالحركات الألاباندا دي، يعني ممكن خاف منك وكش لما لقاك نزلتلو فعمل الدور التعبان ده، أما حكاية النمر دي فممكن أي واحد ياخد أي نمرة، وكان ممكن ترد انت كمان وتاخد نمرته وتتوعد ليه، سيبك دي حركات نص كم.... هما فاضيين لأيه للرصاص اللي بيتضرب عليهم ولا لواحد زنق على لواء في شارع زحمة

اشكرك يا باشا :( فعلا ممكن تبقى عقد نقص زي ما السقا كان نفسه يخش كلية شرطة ههههههههه

المشاركة الأصلية كتبت بواسطة ali_333

ده واحد نصاب اساسا واسهل حاجة الواحد يعيش عالناس واطلعلك الكارنيه واعملك مش عارف ايه

ويعيش الدور شويتين

هو لقاك نزلتله خاف منك فقال يعمل الحركة ده عشان متغلطش انت فيه

عامة اي موقف زي كده قوله

( وانا اخدت نمرك ووريني حتعمل ايه حتلاقي عربيتك متولعة وحجيبك لو كنت فين)

احفظ السطر ده اللي بين القوسين وعيش على اي حد يامعلم

انا مكنتش نازل اضرب ولا اتعارك انا كنت نازله اشوف الراجل ده ماله اتعبط ولا اتجن بيلبس الناس في بعضيها ولا ايه و لا هوا شايف نفسوا يدوس على خلق الله ... فلما طلع كدة جبت ورا مع انوا انا مش غلطان و ميقدرش يعمل معايا حاجة يعني ولا خابطله عربيته ولا شتمته ولا حاجة ... و اكيد مش حرضى اديله فلوس ولا حاجة بس هوا تلاقيه كان عاوز يطلع الكبت الي جواه فملقاش غيري يزنق عليه ...

هههههههه و الف شكرا على السطر ده ياباشا ححفظه اهوا و احاول اتعامل مع الغابة الي بقينا عايشين فيها :( اشكرك