الاخــبـاريـة وصـلـت تـاني و شـالـوا الـحـاجـة تـاني

**Amr Axel** · 04-09-2012 05:00 PM

بسم الله الرحمن الرحيم
السلام عليكم و رحمة الله و بركاته

كنت في جولة اليوم لشراء بعض الاحتياجات و اذ بي اعدي ع روكسي ع حوالي الساعة 12 ظهرا
بس لاحظت شئ غريب جداااا روكسي ع غير العادة كان
هاااااااااااااااااااااااا دي
فاااااااااااااااااااااااض ي
راااااااااااااااااااااااا يق

مفيش سوق العتبة اللي كنت بشوفه كل يوم لما اروح هنا

مفيش عيل واقف بعلبة مناديل حتي
العربيات واقفة بانتظام مفيش ازمة و لا صف تاني الا كام واحد
حتي السوايسة اللي واقفين هناك عددهم 3 و لا 4
قولت الله عليك يا ريس احبيب يا ريس اهو ده الكلام و الا فلا

المهم افتكرت اني عايز اجيب حاجة من هناك بالمرة في طريقي و الحمد الله لقيت حتة بعيد عنهم جنب النافورة و الدنيا فل و لوز العنب فركنت و نزلت

و يا سلام ع اللي سمعته و انا ماشي
واحد بيسأل واحد من الواقفيين يفكرك باللي واقف ع الناصية يبيع ترمس فين اللي كان واقف هنا
بيقوله فيه حملة جاية دلوقتي و شايلين الحاجة لحد ما يمشوا
!!!!!!!!!!!!!!!!!!!!!!!!!

قولت جايز بحلم بشعري و هو واقف كده زي القنفد عديت الناحية التانية برده واحد من البياعين من اللي بيحطوا ارفف جاله واحد بيقوله اومال فين باقي الحاجة قاله شايلها فيه حملة جاية دلوقتي
ضحك الشخص و قاله الاخبارية وصلت هههه و استمر الضحك من الشخص و الابتسام من البائع

هااااااااااااار اسود

يعني الحملة بتنزل كل شوية يلحقوا يبلغوهم و يشيلوا الحاجة و الشوارع تبقي انضف من الصيني بعد غسيله و الحملة تلاقي الدنيا زي الفل و اول ما الحملة تمشي هوووب يرجعوا تاني يفتحوها سوق العتبة

يعني برده مفيش فايدة في الناس اللي بتبلغ الباعة الجائليين طب نعمل ايه ؟؟؟؟؟؟؟؟
الحل ايه ؟ الحل ايه ؟ الحل ايه ؟
حد يرررررررررد عليااااااااااااااااا

**beko2010** · 04-09-2012 05:51 PM

المشكلة ان اصحاب المحلات هى اللى بتسرح الباعه امام المحلات وتأخد عمولة او تعطيهم بضاعة راكدة اورخيصة لبيعها فى الشارع علشان كدة بيبلغوا عن قدوم الشرطة

**Elawany13** · 04-09-2012 06:00 PM

نفس الكلام حصل معايا وشوفته بعينى فى طنطا
http://www.nilemotors.net/Nile/30609...post3874499357

**تامر.محمد** · 04-09-2012 06:22 PM

هممم , احنا كده بنتكلم في حد من جوة القسم موالس

**hossam_elwani** · 04-09-2012 11:52 PM

الحل هو ان قائد الحمله يلف بلحمله شويه ويرجع تانى مره واحده بعد ربع ساعه من وقت مايمشى من هناك ويلم كل الصعاليك الى هناك من قفاهم كده يبقى فيه ردع ومفيش توقع حتى لو فيه واحد موالس من جوه القسم

**SASA3** · 05-09-2012 02:12 AM

كل مشكله و ليها حل لو ملهاش حل تبقى مش مشكلة

المتابعه على طول و ان يبقى فيه واحد هناك على الاقل اول ما حد يشيل حاجه على طول يبلغ و الحملات متبقاش مستنية حملة كبيرة و مركزية و تيجى تشيل احلجاه مره واحده

يعنى وحدات صغيرة ماشية مع بعض نظام دوريات يعنى جالهم بلاغ باللاسلكى فى الشارع الفلانى فى حاجه اشغال طريق هوب تلاقيهم نطو فوقيهم و شالوهم بالبظاعه بتاعتهم

الفكرة بس فى عدم التوقعو الاستمرار