اشتغلوني اشتغاله العمر :)

**حماده المصري** · 05-09-2012 08:26 PM

صحابي اشتغلوني اشتغاله العمر ههههههههههههههههههههههههه

الموضوع مضحك جدا

من كام يوم صحبي اشتري صني هو من 6 اكتوبر

اتصل بيا بالليل كنت في الجيم في المنيل قالي انا هنزل اجرب العربيه على المحور

تعالى نتقابل في جامعه الدول عند فرغلي قولتله ماشي

خلصت جيم وطبعا طالع مفرهض جامد ومش مركز قابلته وكان معاه اتنين صحابنا اخوات

المهم اني من جنوني في السيارات بحب اسوق كل العربيات بتاعه صحابي :) خصوصا لو عربيه جديده ومش عارفها لازم اجربها واعمل تقرير وبتاع :)

اول ما شوفته وسلمت عليه قولتله عايز اجرب ف قعدوا كلهم يضحكوا عادي عشان عارفني

المهم اركب ادي ال d اجي امشي العربيه تبطل

راح صاحب العربيه قافش ايه ياعم مصري صلي على النبي وقول ماشاء الله عينك حاميه اوي

قولتله ياعم عيب ده اول ما عرفت باركتلك ودعيت لك

اقعد ادور في العربيه ربع ساعه متدورش

راح صاحبي راكب مدورها دارت ايييييييييييه بقى يا مصري عينك نار يا اخي ارحمنا هو اكمني شاري عربيه زي بتاعتك يعني ولا ايه (طبعا ده صحبي الي بيتكلم والاتنين التانيين معاه في الحوا)

وقعدنا على الموال ده ساعتين اركب ادور اجي امشي تقف

حد فيهم يجرب ويركب وياخد لفه كمان ويرجع زي الفل

وهاتك بقى يا افيهات احنا لازم نعمل حد للعلاقه دي

انا خايف على نفسي منك ومش عارف ايه

وتهييس وانا اساسا مييت من الضحك

والاتنين الاخوات ليا عندهم فلوس اساسا راح واحد فيهم قافش في اخوه بضحك كلم ابوك بسرعه يبعت لنا فلوس الواد ده حالا ده ممكن يودينا في داهيه هههههههههههههه يافاجر ياقادر

ده غير طبعا شويه حلويين اشتغلاتا ان العربيه بايزه طب فتيس طب طرمبه طب حساس لا اصل الموديل ده في حساس بيبوز كتير مش عارف ايه وتهييس للصبح

المهم هرشت رموت كنترول في ايد واحد فيهم المهم قفشت اني اخده مرضيش وخبوه وبتاع

المهم في الاخر اعترفوا ان الراجل صاحب العربيه الاولاني عامل ريموت منفصل ممكن يوقف العربيه في اي وقت و متدورش ابدا

ههههههههههههههههههههههههه ه بصراحه اشتغلاه مسخره انا اقعد الليله كلها هلكان من الضحك

**matrix_it** · 05-09-2012 09:00 PM

هههههههههه هما دول الصحاب!!!!!!!!!!

**mohammedabdallh** · 05-09-2012 09:19 PM

وده العادى

**semi** · 05-09-2012 10:09 PM

هههههههه واضح انه منزلك مخصوص من الجيم عشان يجرب فيك الريموت :)

**amrico** · 05-09-2012 10:10 PM

اشتغاله جامده جدا
أحييهم

**حماده المصري** · 05-09-2012 10:41 PM

هههههههههههههههههه بصوا الحوار كان مضحك يعني كان على سبيل الضحك مش اكتر مكنشي قفش ومكنشي نداله

والحوارات دي احنا متعودين عليها مع بعض

ومش معنى كده انه عيال اندال والجو ده خالص طبعا

ااحنا اساسا بنفكر نعملها في حد بس نصورها