جهاز حماية المستهلك حقيقة ام خيال

**hahmedibrhim** · 06-09-2012 04:04 PM

طبعا فى ناس كتير جدا معرفتش تاخد لا حق ولا باطل مع غبوروطبعا طول ما العربية فى الضمان وفيها مشكلة مهندسى غبور ذو المعرفة العظيمة مش بيعرفوا يكتشفوا العيب
وكالعادة يقولك انه اتصلح او انك بيتهيقلك والعربية سليمة وتقعد سيدتك من الساعة 8 صباحا الى الساعة 5 مساء لغاية ميتحرق دمك وتقرر انك مش هتيجى تانى
بس اخيرا تم اكتشاف الحل
جهاز حماية المستهلك
وعن تجربة اتحلت كل مشاكل العربية واخدت حقى من غبورومش بس كده كمان بعدها بكام يوم يتصلوا بيك ويسألوك انت عندك اى مشكلة فى العربية

**enghany** · 06-09-2012 05:12 PM

طاب ما هما اللي حلوها تاني مره ذو المعرفه العظيمه دول ؟؟

**HOSSAM99** · 06-09-2012 05:28 PM

يا ريت تقول لنا أيه المشاكل اللي كانت عند حضرتك و أزاي تم حلها و العربيه نوعها أيه ؟

**hahmedibrhim** · 06-09-2012 08:50 PM

كان فى عضة فى الفتيس فرع طريق الاسماعلية قال ان الفتيس لازم يتحل ويتبص على مجموعة المرشدير وده فى فرع ابورواش
روحت فرع ابورواش قال ان الفتيس سليم ومفهوش اى حاجة وانهم هيعقبوا المهندس المسئول فى فرع طريق الاسماعلية
لكن بعد الشكوى اللى كشف على العربية فنى اسمه ميخا وليس مهندس
وكانت المشكلة فى الوايرات بتاعت الفتيس وتم تغيرهم وده طبعا لان الفنى اللى ركب العربية وجربها مش المهندسين العظماء اللى هما عار على الهندسة
العربية فيرنا 2012 مانيوال